Yilinga 18:23 - Mukanda Wa Zambi 1970

²³ Muze hatwama ko shimbu, yakatuka ko, yaya ndusu mu chifuchi cha Galashia ni cha Frigia nikutakamisa tumbaji eswe.

MUKANDA USANDU WA ZAMBI 1975

²³ Muze hatwamako shimbu, wakatukile, wayile ndusu mu chifuchi cha Ngalashia ni Fwijia, limbo ni limbo, nikutakamisa tumbaji.

Yilinga 18:23 Iomraidhean Croise

Ezra 1:6

Enyembo jo eswe yaakwasa, yaaha yuma yinji: prata, ni oru, ni yakulia, ni yikashi ya kumbachila yuma, ni yuma yikwo yilemu, ni milambu ya kulambula mu zuwo lia Zambi.

Daniel 11:1

Kali ni yilemu ya kungukwasa ni kunguhakwila.

Luka 1:3

Ni yami nawa hingunanyongo ngwami, chinalite kukusonekena yena, mwanangana, yikuma yize ngwe chinalite. Mumu hingunalisela pundu ku yuma yize yasolokele chize ku kabutu.

Luka 22:32

Alioze naliumbile hakutwala kuli yena, hanga kuuchi kahona ufulielo. Mba muze muukahiluka kuli yami, kolesa akwenu.”

Luka 22:43

Mba kanganda ka mwilu yamusolokela ha kumukolesa.

Yilinga 14:22

yaakolesa tumbaji, yaatakamisa amane nguu mu ufulielo, yaamba ngwo: “Chatutamba kunjila mu Wanangana wa Zambi ni lamba linji.”

Yilinga 15:32

Yudase ni Sila ayo ene te kaali akwa munanyi a Zambi. Yaashinjila akwa Kristu ni maliji anji ha kwatakamisa ni kwakolesa.

Yilinga 15:41

Yeendangana ndusu mu chifuchi cha Siria ni cha Silisia nikutakamisa Yikungulwila.

Yilinga 16:40

Tunganda yaatuhuka mu zuwo lia lamba, yaaya mu zuwo lia Lidia. Kwe kuze yaawana akwa Kristu, yaatakamisa, mba yaaya kwo.

Yilinga 16:6

Shimbu abalikile ndusu mu chifuchi cha Frigia ni cha Galashia, Mwiku wa Linanga yiwakinda kwambujola maliji a Zambi mu chifuchi cha Asia.

Yilinga 19:1

Muze te Apolo achili ku limbo lia Korintu, Paulu yabalika ndusu mu yifuchi ya ku tunda, yaheta ku limbo lia Efesu, yawana ko amwe tumbaji,

Yilinga 2:10

ni Frigia, ni Pamfilia, ni Egiptu, ni ku Chihanda cha Libia chize chasulangana ni Sirene, ni njize waze akatukile ku Roma,

1 Korintu 16:1

Hakutwala ku kuhana cha chawana cha kukwasa nacho akwa Kristu yiswale waze ali mu Yerusaleme, lingenu ngwe chize nalongesele akwa Yikungulwila mu Galashia.

Galashia 1:2

Yami ni akwetu eswe waze tuli kuno tunameneka Yikungulwila ya mu chifuchi cha Galashia, ngwetu:

Galashia 1:9

Hitwanwambulwila kulu, ni haliabwila ngunambe nawa ngwami, nyi umwe manwambujolela sango jibema jeka jize jinalise ni jize nwevwile, ngwetu, mutu yoze Zambi amushinge!

Galashia 4:14

Kunwangulelesele, kunwalitunyine yami, chibwe yikola yami yinakabwa ngwe cheseko kuli yenu. Hindu nwangutambwile ngwe kanganda ka Zambi, hanji ngwe chize te munutambula Yesu Kristu mwene.

Shimbi 3:28

Longesa Yoshua, mukolese, atakame, mumu iye mwe makasongwela atu ha kuzauka ni kuzuka chifuchi chize muumona.’

1 Tesalonika 3:2

nikunutumina Timoteu, mukwetu yoze wakulinga milimo ya Zambi hamwe ni yetu—milimo ya kwambujola Sango Jibema hakutwala kuli Kristu. Yitunutumina ye mu kunutakamisa ni kunukolesa mu ufulielo wenu,

1 Tesalonika 4:18

Lilembejekenu ni akwenu ni maliji wano.

1 Tesalonika 5:14

Akwetu, tunaliumbu kuli yenu ngwetu, towezenu yilumbuke, takamisenu alelu mu mbunge, kwasenu akwa ngwaza, lihumikizenu ni eswe.