Yilinga 18:22 - Mukanda Wa Zambi 1970

²² Muze haheta ku limbo lia Sesarea, yaya ku Yerusaleme, yameneka Chikungulwila, mba yaya ku Antiokia.

MUKANDA USANDU WA ZAMBI 1975

²² Muze te haheta ku Sesarea, yakanduka, yameneka chikungulwila, yapalumuka ku Andiakia.

Yilinga 18:22 Iomraidhean Croise

Yilinga 10:1

Yikubwa umwe lunga mu limbo lia Sesarea, jina lienyi Korneliu, mwata wa mbunga ya tujita yize anayivuluka ngwo: “Mbunga ya Italia.”

Yilinga 10:24

Tangwa lia muchaali yanjila mu limbo lia Sesarea. Korneliu yamutalila, te hakungulula usoko wenyi ni masepa jenyi.

Yilinga 11:11

Ha shimbu lizeliene, malunga atatu, waze angutuminyine ku Sesarea, yaaheta ku zuwo lize te natwama.

Yilinga 13:1

Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.

Yilinga 14:26

Muze haakatuka ko, yaanjila mu ulungu, yazauka aye ku limbo lia Antiokia. Kwenako makulwana ja Chikungulwila akunjikile Paulu ni Barnaba ku utu wa Zambi, ni ku milimo yize te haamanununa.

Yilinga 15:23

Tunganda yaaha mukanda uno ha kutuma ko. Ngwo: “Yetu tunganda twa Yesu ni makulwana, usoko wenu mu ufulielo, tunanumeneka yenu akwetu hi Ayuda ko nwatwama mu limbo lia Antiokia, ni mu chifuchi cha Siria, ni cha Silisia.

Yilinga 15:30

Kashika, muze akwa lutwe haashika, atu waze yaaya ku Antiokia. Kwenako yaakungulula mbunga yeswe ya akwa kufuliela, yaaha mukanda.

Yilinga 15:35

Paulu ni Barnaba yaasala matangwa anji ku limbo lia Antiokia. Yaalongesa, yaambujola maliji a Mwene Yesu, hamwe ni akwo anji.

Yilinga 15:4

Muze Paulu ni Barnaba haaheta ku Yerusaleme, akwa Kristu, ni tunganda twa Yesu, ni makulwana yaasambilila. Paulu ni Barnaba yaambulula yuma yeswe yize Zambi alingile no.

Yilinga 23:23

Mwata yatambika tujita aali nikwamba ngwenyi: “Lulikenu kulakaji jaali ja tujita, ni makumi shimbiali waze akwenda ha tuvwalu, ni kulakaji jaali ja akwa makunga. Lilulikenu eswe ha kuya ku limbo lia Sesarea ha ola ya muchilivwa ya ufuku.

Yilinga 25:1

Matangwa atatu kulutwe lia kuheta cha Festu mu chifuchi chenyi, yakatuka ku Sesarea nikukanduka ku Yerusaleme.

Yilinga 25:9

Festu yazanga kuwahisa Ayuda, kashika yahula Paulu ngwenyi: “Unazange kuya ku Yerusaleme akasopele ko milonga ye ku meso jami, nyi?”

Yilinga 8:40

Filipe yasolokela ku limbo lia Azoto. Mba yabalika mu limbo ni limbo nikwambujola Sango Jibema kweswe, ndoo yaheta ku Sesarea.