Yilinga 18:2 - Mukanda Wa Zambi 1970

² Yawana ko umwe Kayuda, jina lienyi Akwila, wasemukine mu chifuchi cha Pontu. Ha matangwa waze ene hakatuka ku chifuchi cha Halia hamwe ni mukwo pwo Prisila, mumu mwanangana Klaudiu te hahana Shimbi ngwenyi, Ayuda eswe akatuke ku limbo lia Roma. Paulu yaya ni kwatala,

MUKANDA USANDU WA ZAMBI 1975

² Wawanyine umwe Ka-Yunda, jina lienyi Akwila, mukwa Ponta ku munyachi wenyi, te hakatuka shimbu likepe wika ku Italia, ni mukwo-pwo Prisela; mumu te Kelautiu hahana shimbi A-Yunda eswe akatuke ku Roma: iye walifutwile no;

Yilinga 18:2 Iomraidhean Croise

Yilinga 11:28

Umwe hakachi ko, Agabu, yakatuka, yalweza ku tachi ja Mwiku wa Linanga ngwenyi: “Zala yinji muyikabwa hashi heswe.” (Zala yize yejile ha mwaka wa mwanangana wa Aroma, Klaudiu.)

Yilinga 18:18

Paulu yatwama matangwa anji ku Korintu, mba yalishika ni akwetu akwa Kristu, yanjila mu ulungu, yaya ku chifuchi cha Siria hamwe ni Prisila ni Akwila. Muze kanda achikatuka ku limbo lia Senkria, Paulu yalakenya chilakenyo, mba yatewula kambu jenyi.

Yilinga 18:26

Yabutuka kuhanjika ni hamu mu zuwo lia kuwayila lia Ayuda. Muze Prisila ni Akwila haamwivwa, yaamutwala ku mahio, yaamulumbunwina jila ya Zambi kanawa.

Yilinga 2:9

Tuli atu ja mu yifuchi ya Parte, ni Meda, ni Elame, ni Mesopotamia, ni Yudea, ni Kapadosia, ni Pontu, ni Asia,

Yilinga 27:1

Muze habatula ngwo, mutwenda mu ulungu ku chifichi cha Italia, yaakunjika Paulu ni funge akwo kuli mwata wa tujita, jina lienyi Juliu, wa ku mbunga ya tujita yize anavuluka ngwo, Mbunga ya mwanangana wa Aroma,

Yilinga 27:6

Mwata wa tujita yawana ko ulungu wa ku limbo lia Alexandre, te himuuya ku chifuchi cha Italia, yatunjisa mo.

1 Korintu 16:19

Yikungulwila ya mu chifuchi cha Asia kaananumeneka. Akwila ni Prisila ni Chikungulwila chize akunguluka mu zuwo lio kaananumeneka mu jina lia Mwene Yesu.

2 Timoteu 4:19

Meneka Prisila ni Akwila ni zuwo lia Oneseforu.

Hebreu 13:24

Menekenu tetekeli jenu eswe ni akwa Kristu eswe. Akwetu mu chifuchi cha Italia kaananumeneka.

1 Petulu 1:1

Yami Petulu, kanganda ka Yesu Kristu, ngunanusonekena yenu waze Zambi atongwele, yenu njize waze nunamwangashana mu yifuchi ya Pontu, ni Galashia, ni Kapadosia, ni Asia, ni Bitinia.