Yilinga 18:12 - Mukanda Wa Zambi 1970

¹² Alioze, muze haapwisa Galiu mukwa kuyula wa chifuchi cha Gresia, Ayuda yaakatukila Paulu ni mbunge yimuwika, yaamutwala ku chisopelo.

MUKANDA USANDU WA ZAMBI 1975

¹² Alioze muze Ngaliu apwile nguvulu ya Akeya, A-Yunda ni mbunge yimuwika akatukilile Paulu, nikumutwala ku chitwamo cha upatwilo,

Yilinga 18:12 Iomraidhean Croise

Mateu 27:19

Shimbu te Pilatu machitwama ha chitwamo cha ubatwilo, mwazovu wenyi yamutumina liji ngwenyi: “Kanda Ulinga nichimwe kuli yono mukwa ululi, mumu ufuku wa musono nabindanga kuhiana mu chilota hakutwala kuli iye.”

Yoano 19:13

Muze hevwa maliji wano, Pilatu yatuhwisa Yesu haze, mba yatwama ha chitwamo cha ubatwilo, jina liacho: “Yize ya Mawe.” (Mu hebreu linalumbunuka ngwo: “Gabata.”)

Yilinga 13:12

Ha kuchiimona, mukwa kuyula yafuliela, yalishikishila ha longeso Hakutwala kuli Mwene Yesu.

Yilinga 13:50

Alioze Ayuda yaavundula mapwo pichi waze te akuwayila hamwe no, ni atu ja lufuma mu limbo. No yaahungumiona Paulu ni Barnaba, yaahanga mu chifuchi cho.

Yilinga 13:7

Te kali hamwe ni mukwa kuyula Sergiu Paulu, mukwa malinjekela. Mwe mukwa kuyula yatambika Barnaba ni Saulu, mumu yazanga kwivwa maliji a Zambi.

Yilinga 13:8

Alioze mukwa kulinga tufutafuta, Elima (lie jina lienyi mu greke), yamanangana no, yazanga kukwika mukwa kuyula ku ufulielo.

Yilinga 14:19

Alioze yikwiza Ayuda a ku Antiokia mu chifuchi cha Pisidia ni a ku limbo lia Ikoniu, yaalumbula mbunga. No yaamwasa Paulu mawe, yaamukokela haze lia limbo nikunyonga ngwo, hafwa.

Yilinga 14:2

Alioze Ayuda akwo, waze kaafulielele ko, yaavundula waze hi Ayuda ko nikwalumbula hakutwala kuli akwa kufuliela.

Yilinga 17:13

Alioze, muze Ayuda a ku Tesalonika heevwa ngwo, Paulu kanambujola maliji a Zambi ku Berea, yeeza nawa kwe kuze ni kubinjisa ni kuvundula mbunga.

Yilinga 17:5

Alioze Ayuda yeevwa ukwa, yaakambila amwe yingulungulu, atu amokomoko, ni kukungulula mbunga. Yaaneha Vunda jinji mu limbo, yaajingilika zuwo lia Jasone nikufupa Paulu ni Sila hanga aakunjike ku mbunga ya akwa limbo.

Yilinga 18:11

Kashika yatwama ko mwaka ni tukweji asambano nikwalongesa maliji a Zambi.

Yilinga 18:27

Muze Apolo ambile kuya ku chifuchi cha Gresia, akwetu akwa Kristu yaamukwasa nikusoneka mukanda kuli tumbaji a mu chifuchi chize ha kumutambula kanawa. Muze haheta ko, yakwasa kuhiana eswe waze afulielele ku utu wa Zambi.

Yilinga 19:21

Kulutwe lia yuma yino, Paulu yanyonga kubalika mu chifuchi cha Masedonia ndoo mu chifuchi cha Gresia, ni kuheta ku limbo lia Yerusaleme. Yamba ngwenyi: “Nyi naheta ko, Changutamba kuya nawa kutala limbo lia Roma.”

Yilinga 25:10

Alioze Paulu ngwenyi: “Ngunamana ku meso ja chisopelo cha mwanangana wa Aroma. Kwenako chaatamba kungusopesela. Chalingile chibi nichimwe kuli Ayuda, ni yena mwene unachinyingika kanawa.

A-ROMA 15:26

Mumu akwa Kristu ja mu chifuchi cha Masedonia ni cha Gresia haanabatula kuhana yawana kuli yiswale hakachi ka akwa Kristu ja mu Yerusaleme.

A-ROMA 16:5

Menekenu nawa Chikungulwila chize chinakunguluka mu zuwo lio. Menekenu sepa liami, Epenetu, yoze wabwile mutu mutangu kufuliela Kristu mu chifuchi cha Asia.

1 Korintu 16:15

Nunanyingika kanawa Stefana ni akwa zuwo lienyi. Ayo kaali akwa Kristu atangu mu chifuchi cha Gresia. Nunanyingika nawa ngwenu, haanalihana ha kukwasa akwa Kristu akwo. Kashika akwetu, ngunanulembejeka

2 Korintu 1:1

Yami, Paulu, kanganda ka Yesu Kristu ku upale wa Zambi, ni mukwetu Timoteu, tunanumeneka yenu akwa Chikungulwila cha Zambi chize chili mu limbo lia Korintu, ni akwa Kristu eswe a mu chifuchi cheswe cha Gresia.

2 Korintu 11:10

Ni umwenemwene wa Kristu, ngunashindakenya ngwami, mutu niumwe wa mu chifuchi cha Gresia mahasa kungukanjisa kulisamba chami.

2 Korintu 11:26

Muze te nakwendangana, nabwile mu utoji ha kuzala cha njiji, ni utoji wa akwetu jami Ayuda ni wa yilambala. Nabwile ni utoji mukachi ka membo ni wa mu puya, ni utoji wa tulanga lwiji, ni utoji wa akwetu akwo akwa mahuza.

2 Korintu 9:2

Mumu ngunanyingika uwahililo wenu ha kukwasa. Kuli akwa Masedonia hingunanuchichimieka ngwami: “Akwetu a mu chifuchi cha Gresia, chize ku mwaka wa kunyima, haanalilulika ha kuhana yawana yo.” Mumu hali yenu, akwo anji nawa mukachi ko haanalikoleza.

1 Tesalonika 2:14

Akwetu, hinunamono lamba lizeliene amwene nawa Yikungulwila ya Zambi mu chifuchi cha Yudea, waze akulinunga ni Kristu Yesu. Akwa chifuchi chenu yaanuhungumiona ngwe chize Ayuda ahungumionene akwa Kristu a mu Yikungulwila ya mu Yudea.

1 Tesalonika 2:16

Yaasa tachi kutukanjisa kulongesa liji lia ulamwino kuli waze hi Ayuda ko. Ngwe chino akuzalisa njongo ya milonga yo yize te akulinga matangwa eswe. Zambi kakwatenukina.

Tiangu (Jake) 2:6

Alioze yenu nwakulelesa yiswale. Waze akunukwata ni kunukoka ku meso ja ngaji, aya? Hi pichi ko, nyi?