Yilinga 18:10 - Mukanda Wa Zambi 1970

¹⁰ mumu yami nguli hamwe ni yena. Niumwe makukwata ni kukulinga chibi, mumu atu anji nguli no mu limbo lino.”

MUKANDA USANDU WA ZAMBI 1975

¹⁰ mumu nguli hamwe ni yena, ni mutu niumwe kechi kakukwata mukukulinga chipi: mumu atu anji nguli no mu limbo lino.

Yilinga 18:10 Iomraidhean Croise

Kutuhuka 4:12

Haliabwila yako. Yami mungukakukwasa kuhanjika, mungukakulweza yize muukamba.”

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Izaya 43:2

Muze muubalika mu meya anji, mungubwa hamwe ni yena; lamba lie kulichi kukumba. Muze muwenda mu kahia, kuuchi kuwema; yeseko yikalu yize muyiza kuyichi kukulemeka.

Izaya 54:17

Alioze chitwa cha jita nichimwe muchihasa kukulemeka; muukabwa ni kumbululo kuli eswe waze maakakusuma. Mungukafunga tuvumbi twami ni kwakwasa kukumba.” Mwene Zambi hachamba.

Izaya 8:10

Twamenu punga jenu! Alioze kujichi kakola. Hanjikenu ngwe chize nunazange! Alioze kuchichi kunukwasa nichimwe mumu Zambi kali hamwe ni yetu.

Mateu 1:23

“Talenu mwana pwo yoze kanda achilimona ni lunga makabwa ni ufumba. Makasema mwana lunga, ni atu maakamuluka jina ngwo, Emanuele” (kulumbunuka, Zambi kali hamwe ni yetu).

Mateu 10:30

Alioze hakutwala kuli yenu, chibwe je kambu ja ku mitwe yenu hanajalula jeswe.

Mateu 28:20

ni kwalongesa kwononokena yeswe yize nanuhele Shimbi. Nyingikenu ngwenu, nguli hamwe ni yenu matangwa eswe ndoo ku kumanunuka cha mwaka.”

Luka 21:18

Alioze lukambu wa ku mutwe wenu niumwe kechi katoka.

Yoano 10:16

Mapanga akwo nguli no waze keeshi mu tanga lino. Changutamba kwaneha nawa. Maakevwa liji liami, mba maakabwa chendo chimuwika ni kafunga umuwika.

Yoano 11:52

hindu hi vungu lia Ayuda wika ko, alioze hanga akakungulwile nawa mu mbunga yimuwika atu ja Zambi eswe waze haanamwangana.)

Yilinga 15:14

Simone hatunyingikisa ngwe chize hatangu Zambi hewuluka waze hi Ayuda ko, ni kutongola hakachi ko atu waze maabwa nienyi.

Yilinga 15:18

Chenacho anambe Mwene, yoze wanyingikishine yuma yino ku shakulu.’ ”

Yilinga 18:11

Kashika yatwama ko mwaka ni tukweji asambano nikwalongesa maliji a Zambi.

Yilinga 18:9

Ha umwe ufuku, Mwene Yesu yambila Paulu mu Usolwelo ngwenyi: “Kanda wivwa woma, hanjika lume, kanda, uhola,

A-ROMA 8:31

Kuchi mutwamba hakutwala ku yuma yino? Nyi Zambi kali hamwe ni yetu, iya mahasa kulimika ni yetu?

2 Korintu 12:9

Yangukumbulula ngwenyi: “Utu wami unakuzuku, mumu ndundo jami jakusoloka kuhiana muze unalele.” Nakuwahilila kuhiana kulisamba ha ulelu wami, hanga ndundo ja Kristu jibwe muli yami.

2 Timoteu 4:17

Alioze Mwene wabwile hamwe ni yami, yangutakamisa. Kashika, nambujolele Sango Jibema kuli eswe waze hi Ayuda ko, ni Mwene Zambi yangupulula ku kanwa lia tambwe.

2 Timoteu 4:22

Mwene abwe hamwe ni yena. Zambi anulweze utu.

Yoshua 1:5

Ha matangwa eswe a mwono we niumwe kechi kuhasa ku kukumba. Mungubwa hamwe ni yena ngwe chize nabwile hamwe ni Mose. Chichi kakuhichika hanji kukwehuka nichimwe.

Yoshua 1:9

Chakwambile cho, nyi? Takama, hamuka. Kanda wivwa woma, kanda ulekumuka, mumu yami Mwene Zambi, Zambi ye, nguli ne kweswako mwoya.”

Akwa Kuyula 2:18

Muze te Mwene Zambi akwaha Aisraele umwe mukwa kwayula, yamukwasa kwalamwina kuli akwa kole jo ha matangwa eswe a mwono wa mukwa kuyula yoze. Mwene Zambi yeevwila keke muze te akulinyenga mumu ha lamba lio.