Yilinga 17:6 - Mukanda Wa Zambi 1970

⁶ Alioze kawanyine ko. Kashika atachekele Jasone ni akwa Kristu akwo ku meso ja akwa kuyula ja limbo nikukololoka ngwo: “Atu wano haavundula yifuchi yeswe ya hashi. Haliabwila heeza nawa kuno.

MUKANDA USANDU WA ZAMBI 1975

⁶ muze kaawanyineko, ambulumwine Yasone ni amwe mandumbu kumeso ja akwa kuyula limbo, nikukololoka ngwo, Wano hanalumuna yifuchi yeswe ya hashi, haneza kuno nawa;

Yilinga 17:6 Iomraidhean Croise

Amose 7:10

Mba hako Amazia, wa ku limbo lia Betele, yatuma liji kuli mwanangana wa Israele, Jeroboame, ngwenyi: “Amose kanakutwama punga. Maliji jenyi maakashiha chifuchi.

Mateu 24:14

Sango jino Jipema ja Wanangana kumaakajambujola hashi heswe hanga ajishindakenye kuli atu eswe, mba songo mulikabwa.”

Luka 23:5

Alioze yaashindakenya kuhiana ngwo: “Kakuvundula atu ni longeso lienyi! Hanabutuka mu chifuchi cha Galilea, hanabalika mu chifuchi cheswe cha Yudea, ni haliabwila haneza ndoo kuno.”

Yilinga 1:15

Ha matangwa waze, Petulu yamana hakachi ka akwa kufuliela. Ayo eswe te ngwe kulakaji ni makumi aali. Neye yamba ngwenyi:

Yilinga 17:10

Hazehene ha ufuku, akwa Kristu yaatwala Paulu ni Sila ku limbo lia Berea. Muze haaheta ko, yaanjila mu zuwo lia kuwayila lia Ayuda.

Yilinga 17:14

Hohene akwa Kristu yaatwala Paulu ndoo ku kalunga lwiji, alioze Sila ni Timoteu yaasala ko.

Yilinga 17:31

Mumu te hanatongola kulu tangwa lize makabatwila akwa hashi ni ululi, kuli lunga yoze hanatongola. Hanahana chinyingi kuli atu eswe ha kumuhindwisa ku kufwa.”

Yilinga 17:5

Alioze Ayuda yeevwa ukwa, yaakambila amwe yingulungulu, atu amokomoko, ni kukungulula mbunga. Yaaneha Vunda jinji mu limbo, yaajingilika zuwo lia Jasone nikufupa Paulu ni Sila hanga aakunjike ku mbunga ya akwa limbo.

Yilinga 24:5

Twawanyine yono lunga mutu mubi, mukwa kuvundula Ayuda eswe ku yifuchi yeswe ya hashi. Kali mukwa lutwe wa mbunga ya Anazare.

Yilinga 28:22

Alioze tunazange kwivwa manyonga je chize Unanyongo, mumu tunanyingika ngwetu, kuma kweswe atu kaakulimika ni mbunga yize yena uli.”