Yilinga 17:5 - Mukanda Wa Zambi 1970

⁵ Alioze Ayuda yeevwa ukwa, yaakambila amwe yingulungulu, atu amokomoko, ni kukungulula mbunga. Yaaneha Vunda jinji mu limbo, yaajingilika zuwo lia Jasone nikufupa Paulu ni Sila hanga aakunjike ku mbunga ya akwa limbo.

MUKANDA USANDU WA ZAMBI 1975

⁵ Alioze A-Yunda, nikwivwa ukwa, akungulwile amwe yingulungulu a ku yitanda, nikukunga mbunga, anehene vunda mu limbo; nikupupa zuwo lia Yasone, afupile kwaneha haze kuli atu;

Yilinga 17:5 Iomraidhean Croise

Miaso (Masamu) 35:15

Alioze muze yami nabwile mu lamba, ayo eswe yaawahilila, yaangujingilika ni kungusaula, chibwe waze te chaanyingikine, yezaza ni kungulamba.

Miaso (Masamu) 69:12

Kaakunguyenga mu mikala, hinabwa mwaso kuli akwa kuzengewa.

Yishima 14:30

Uhwimino mu mbunge wakutakamisa mujimba, alioze ukwa uli ngwe yikola yize yakubolesa yifwaha.

Izaya 26:11

Akwa kole je kaasolo kunyingika ngwo, yena muukaamwesa lamba. Mwene Zambi, evwise kama sonyi, amwese lamba, amwese lamba lize hiunaalulikila. Alweze chize wakuzanga atu je.

Mateu 27:18

Mumu te kananyingika pundu ngwenyi, haakunjika Yesu mumu ha ukwa.

Yilinga 13:45

Ha kumona mbunga yize, Ayuda yeevwila ukwa unji, yaahangulula Paulu, yaamushililika.

Yilinga 14:19

Alioze yikwiza Ayuda a ku Antiokia mu chifuchi cha Pisidia ni a ku limbo lia Ikoniu, yaalumbula mbunga. No yaamwasa Paulu mawe, yaamukokela haze lia limbo nikunyonga ngwo, hafwa.

Yilinga 14:2

Alioze Ayuda akwo, waze kaafulielele ko, yaavundula waze hi Ayuda ko nikwalumbula hakutwala kuli akwa kufuliela.

Yilinga 17:13

Alioze, muze Ayuda a ku Tesalonika heevwa ngwo, Paulu kanambujola maliji a Zambi ku Berea, yeeza nawa kwe kuze ni kubinjisa ni kuvundula mbunga.

Yilinga 17:6

Alioze kawanyine ko. Kashika atachekele Jasone ni akwa Kristu akwo ku meso ja akwa kuyula ja limbo nikukololoka ngwo: “Atu wano haavundula yifuchi yeswe ya hashi. Haliabwila heeza nawa kuno.

Yilinga 17:7

Ni Jasone haatambula ku zuwo lienyi. Atu wano kaakulinga chilingila ni Shimbi ja mwanangana wa Aroma. Kaakwamba ngwo: ‘Mwanangana mukwo uliko, jina lienyi Yesu.’ ”

Yilinga 17:9

Muze haatambula chifungo kuli Jasone ni kuli akwo, yeecha, yaaya kwo.

Yilinga 18:12

Alioze, muze haapwisa Galiu mukwa kuyula wa chifuchi cha Gresia, Ayuda yaakatukila Paulu ni mbunge yimuwika, yaamutwala ku chisopelo.

Yilinga 19:40

Chamwenemwene utoji tuli nawo, hanji maatusuma mulonga ha Vunda ja musono, kuchina kutuchi kuhasa kulisambisa hakutwala ku chizungo zungo chino.”

Yilinga 7:9

“Tulamba yeevwila Josefe ukwa. Kashika yaamulanjisa ku chifuchi cha Egiptu. Alioze Zambi yabwa hamwe nenyi,

A-ROMA 16:21

Timoteu, mukwa milimo ni mukwetu, kananumeneka, ni usoko wami Lusiu, ni Jasone, ni Sosipatere nawa.

1 Korintu 3:3

mumu ndoo ni haliabwila nuchili ni ndako yibi ya utu. Nyi hakachi kenu nuli ni ukwa ni kulihamika, yuma ngwe yize kuyishi kulweza ngwo, kunushi ni Mwiku wa Zambi, nyi? Kuyishi kulweza ngwo, nwakwenda nikulita ni ndako yibi ya uutu, nyi?

2 Korintu 11:26

Muze te nakwendangana, nabwile mu utoji ha kuzala cha njiji, ni utoji wa akwetu jami Ayuda ni wa yilambala. Nabwile ni utoji mukachi ka membo ni wa mu puya, ni utoji wa tulanga lwiji, ni utoji wa akwetu akwo akwa mahuza.

Galashia 5:21

ni lufwachinda, ni kuzengewa, ni kuhungumuka ni yibi ku yiteleka, ni yuma yikwo ngwe yino. Ngunanutoweza haliabwila ngwe chize nambile kulu ngwami, atu waze akulinga yuma yino keechi kanjila mu Wanangana wa Zambi.

Galashia 5:26

Kanda tubwa akwa kulengumuka, hanji kulivwila ukwa, hanji kulihia.

1 Tesalonika 1:6

Hinunembulula chilweza chetu ni chize cha Mwene Yesu. Chibwe nwamwene lamba linji, hindu nwatambwile maliji a Zambi ni uwahililo uze Mwiku wa Linanga akuhana.

Tiangu (Jake) 4:5

Kanda nunyonga ngwenu, Mukanda wa Zambi unahanjika chamokomoko ngwo: “Mwiku wa uutu uze Zambi asele muli yetu, uli ni usolo unji.”

Akwa Kuyula 9:4

Yaamwaha Abimeleke mbongo ja prata makumi shimbiali ja ku zuwo lia Bale wa Usendo. Ni mbongo jize yafweta najo yingulungulu, atu amokmoko waze amukawile.