Yilinga 17:2 - Mukanda Wa Zambi 1970

² Paulu, nikulita ni ndako yenyi, yanjila mo, yalongesa Mukanda wa Zambi matangwa atatu a kuhwima,

MUKANDA USANDU WA ZAMBI 1975

² Paulu nikulita ni ndako yenyi, wanjilile mukachi ko, ni ha masambata atatu wahanjikile kuli ayo ku yisoneko.

Yilinga 17:2 Iomraidhean Croise

Izaya 1:18

Mwene Zambi kanambe ngwenyi: “Tweyenu haliabwila tulivwe, chibwe milonga yenu yachila naye ngee, kumuyibwa yitoma ngwe chiwe. Chibwe yibeka yenu ya mu mbunge yahiana naye kuchila, kumuyibwa yitoma ngwe Wanda.

Mateu 26:24

Mwana Mutu kumafwa ngwe hichinasonewa mu Mukanda wa Zambi, alioze lamba lienyi mutu yoze, kachi te kasemukine ko kwenyi!”

Luka 4:16

Yesu yahiluka ku Nazare kuze akolelele. Ha tangwa lia kuhwima yanjila mu zuwo lia kuwayila lia Ayuda nikulita ni ndako yenyi. Yakatuka atange Mukanda wa Zambi.

Yoano 18:20

Yesu yamukumbulula ngwenyi: “Nahanjikile mwazu mukachi ka atu eswe. Nalongesele tangwa ha tangwa mu mazuwo a kuwayila ni mu zuwo lia Zambi lia Ayuda, kuze te kwakukungulukila Ayuda. Chahanjikile nichimwe ku tenga.

Yilinga 13:14

No yaakatuka ku Perga, yaaheta ku limbo lia Antiokia mu chifuchi cha Pisidia. Ha tangwa lia kuhwima yaanjila mu zuwo lia kuwayila lia Ayuda, yaatwama tumbaa.

Yilinga 13:5

Muze haaheta mu limbo lia Salamina, yaambujola maliji a Zambi mu mazuwo a kuwayila a Ayuda. Yoano te chikwashi cho.

Yilinga 14:1

Chizechene nawa ku limbo lia Ikoniu. Paulu ni Barnaba yanjila mu zuwo lia kuwayila lia Ayuda. Mumu ha kulongesa cho, chizavu chinene cha Ayuda ni Agresia yaafuliela.

Yilinga 17:10

Hazehene ha ufuku, akwa Kristu yaatwala Paulu ni Sila ku limbo lia Berea. Muze haaheta ko, yaanjila mu zuwo lia kuwayila lia Ayuda.

Yilinga 17:17

Kashika yaahanjeka mu zuwo lia kuwayila kuli Ayuda ni kuli akwa kuwayila Zambi a ku mavungu akwo. Yalongesa nawa mu yitanda tangwa ha tangwa atu waze te akwiza ko.

Yilinga 18:4

Tangwa heswe lia kuhwima, Paulu yalongesa mu zuwo lia kuwayila lia Ayuda, yafupa kukununa Ayuda ni Agresia.

Yilinga 19:8

Paulu yanjila mu zuwo lia kuwayila lia Ayuda. Ha shimbu lia tukweji atatu yahanjika ni hamu, yeseka kwakununa hakutwala ku Wanangana wa Zambi.

Yilinga 24:25

Alioze muze Paulu ahanjekele hakutwala ku ululi, ni kulihumikiza, ni ku ubatwilo uze muukeza, Felix yevwa woma, yamba ngwenyi: “Haliabwila yako. Mungukutambika nawa muze mungubwa ni tangwa libema.”

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

Yilinga 8:35

Filipe yabutuka kuhanjika. Chize ku Chisoneko chize, yamulumbunwina Sango Jibema ja Yesu.

Yilinga 9:20

Hazehene yabutuka kwambujola mu mazuwo ja kuwayila hakutwala kuli Yesu, ngwenyi: “Mwe Mwana Zambi.”

1 Korintu 15:3

Sango jize yami natambwile, jenajo nawa nanulongesele. Sango jino ngwami, Yesu hanafwila milonga yetu ngwe chize hichinasonewa mu Mukanda wa Zambi.

1 Samuel 12:7

Kashika haliabwila manenu, ngunusume mulonga ku meso ja Mwene Zambi ni kunwiwulula yitanga yinene yeswe yize hanalingi muze anulamwinyine yenu ni tushakulu twenu.