Yilinga 16:9 - Mukanda Wa Zambi 1970

⁹ Ha ufuku uzewene Paulu yamona mu Usolwelo umwe lunga wa ku chifuchi cha Masedonia, te kanamana nikumulembela ngwenyi: “Zauka, Wize kama kuno ku Masedonia utukwase.”

MUKANDA USANDU WA ZAMBI 1975

⁹ Usolwelo wasolokele kuli Paulu ha ufuku: kwapwile lunga wa ku Masendoniya, kanamana, nikuliumba kuli iye ngwenyi, Zauka, wize muno mu Masendoniya, ukatukwase.

Yilinga 16:9 Iomraidhean Croise

Yilinga 10:3

Limwe tangwa chingoloshi, ngwe ha ola ya muchitatu, yamona zwalala mu Usolwelo kanganda ka mwilu kananjila ku mahienyi nikwamba ngwenyi: “Korneliu!”

Yilinga 10:30

Korneliu yakumbulula ngwenyi: “Ha ola ngwe yinoyene, matangwa atatu haabalika, te ngunalembe mu zuwo liami ha ola ya muchitatu ya chingoloshi. Susumuku mutu kanamana ku meso jami, te kanazala mahina abeyima.

Yilinga 16:10

Muze Paulu hamona Usolwelo, hazehene yitufupa kuya ku Masedonia, mumu te hitwanyingika ngwetu, Zambi hatutambika kwaambujolela Sango Jibema.

Yilinga 16:12

Ha kukatuka ko yituya ku Filipu, limbo lia mu chifuchi chitangu cha mu Masedonia, te chifuchi chili mu chiyulo cha Aroma. Yitutwama amwe matangwa mu limbo lize.

Yilinga 18:5

Muze Sila ni Timoteu haakatuka ku chifuchi cha Masedonia ni haaheta mu limbo lia Korintu, Paulu yabutuka kulongesa tangwa ha tangwa. Yashindakenya Ayuda ngwenyi: “Yesu mwe Chilamwina yoze Zambi alakenyene.”

Yilinga 19:21

Kulutwe lia yuma yino, Paulu yanyonga kubalika mu chifuchi cha Masedonia ndoo mu chifuchi cha Gresia, ni kuheta ku limbo lia Yerusaleme. Yamba ngwenyi: “Nyi naheta ko, Changutamba kuya nawa kutala limbo lia Roma.”

Yilinga 19:22

Yatuma aali a kuli yikwashi jenyi ku Masedonia, Timoteu ni Erastu. Alioze iye mwene yasala shimbu limwe mu chifuchi cha Asia.

Yilinga 19:29

Limbo heswe yilibwa ni Vunda jinji. Mbunga yaakwata Gayu ni Aristarku, akwa Masedonia, waze te akwenda ni Paulu, yaalundumukina ni mbunge yimuwika nikwatwala ku lwaza.

Yilinga 20:1

Muze te zungo hiliahola, Paulu yatambika tumbaji, yaashinjila maliji, yalishika no, yakatuka ni kuya ku Masedonia.

Yilinga 20:3

yatwama ko tukweji atatu. Mba yazanga kuzauka ni kuya ku Siria, alioze muze hevwa ngwo, Ayuda kaanamujikinyina, yanyonga kuhiluka mu jila ya Masedonia.

Yilinga 27:2

Yitunjila mu umwe ulungu wa ku chifuchi cha Adramitinu, uze te unayi ku membo a ku mbaka ya Asia. Aristarku, Kamasedonia wa ku Tesalonika, yaya hamwe ni yetu.

Yilinga 9:38

Lida kali hakamwihi ni Jope. Kashika muze tumbaji a mu Jope heevwa ngwo, Petulu ku Lida ali, yaamutumina malunga aali ni liji lino ngwo: “Tweya kama ku mahietu, kanda ushimbula.”

A-ROMA 15:26

Mumu akwa Kristu ja mu chifuchi cha Masedonia ni cha Gresia haanabatula kuhana yawana kuli yiswale hakachi ka akwa Kristu ja mu Yerusaleme.

2 Korintu 11:9

Muze nabwile mukachi kenu, nyi te hinabwa ni chikala cha mbongo, Chanuhele lamba ngwami: “Ngwehenu mbongo.” Mumu akwetu akwo waze akatukile ku chifuchi cha Masedonia yaangunehena yuma yeswe te nahonene. Nalifungile ha kunwaha yilemu chibwe ku cheswe Chuma. Chenacho mungukalifunga chibwe kulutwe ha kunutwika yilemu.

2 Korintu 12:7

Alioze Zambi kazangile yami kulengumuka kuhiana mumu ha yikomokeso yize angulwezele. Kashika wanguhele yikola ya lamba. Yikola yize yangwijile ngwe kanganda ka Sakwonga hanga angulambe kuchina mungulengumuka kuhiana.

2 Korintu 7:5

Chibwe muze twahetele mu chifuchi cha Masedonia, kutwabwile ko ni uhwimino. Twamwene lamba lieka ni lieka, twahamikine ni atu, twevwile woma mu mbunge.

2 Korintu 8:1

Akwetu, tunazange nunyingike chize Zambi alwezele utu wenyi mu Yikungulwila ya mu chifuchi cha Masedonia.

2 Korintu 9:2

Mumu ngunanyingika uwahililo wenu ha kukwasa. Kuli akwa Masedonia hingunanuchichimieka ngwami: “Akwetu a mu chifuchi cha Gresia, chize ku mwaka wa kunyima, haanalilulika ha kuhana yawana yo.” Mumu hali yenu, akwo anji nawa mukachi ko haanalikoleza.

Shimbi 30:13

Kuyishi musali lia kalunga lwiji, mba hanga nuhule ngwenu: ‘Iya mazauka kama kalunga lwiji atunehene yo, hanga tuhase kuyivwa ni kuyononokena?’

1 Tesalonika 4:10

Ni mwene, nwakuzanga akwenu eswe waze atwama mu chifuchi cheswe cha Masedonia. Alioze tunanulembe akwetu, nulizangenu kuhiana.