Yilinga 16:6 - Mukanda Wa Zambi 1970

⁶ Shimbu abalikile ndusu mu chifuchi cha Frigia ni cha Galashia, Mwiku wa Linanga yiwakinda kwambujola maliji a Zambi mu chifuchi cha Asia.

MUKANDA USANDU WA ZAMBI 1975

⁶ O apalikile ndusu mu chifuchi cha Fwijia ni Ngalashia, se Spiritu Musandu waakanjishile kanda ambujola lie liji mu Eshia;

Yilinga 16:6 Iomraidhean Croise

Izaya 30:21

Nyi munukondoloka ku chindume hanji ku chimeso, kumunwivwa liji lienyi kunyima nikwamba ngwenyi: “Yino ye jila, yikaulenu.”

Luka 1:2

Haanasoneka chize atulwezele yela waze ayimwene ku kabutu, waze te akulongesa maliji a Zambi.

Yilinga 10:19

Shimbu lize Petulu machinyonga ulumbunwiso wa Usolwelo, Mwiku wa Linanga yiumwamba ngwenyi: “Unevu ko? Atu anakufupu haze.

Yilinga 11:12

Mwiku wa Linanga yiungwamba hanga nguye no, kuyambashana ka. Akwetu wano asambano yeeza hamwe ni yami ku Sesarea. Yetu eswe yitunjila mu zuwo lia Korneliu.

Yilinga 16:7

Muze haaheta hehi ni chifuchi cha Misia, yeeseka kuya ku chifuchi cha Bitinia, alioze Mwiku wa Yesu kuwaatayijile ko.

Yilinga 18:23

Muze hatwama ko shimbu, yakatuka ko, yaya ndusu mu chifuchi cha Galashia ni cha Frigia nikutakamisa tumbaji eswe.

Yilinga 19:10

Chino yichibwa ha miaka yaali. Kashika atu eswe a mu chifuchi cha Asia, Ayuda ni waze hi Ayuda ko, yeevwa sango ja Mwene Yesu.

Yilinga 20:16

Paulu yanyonga ha kuhiana Efesu, mumu te kazangile kushimbula mu chifuchi cha Asia. Yalipupwisa akahete ku Yerusaleme shimbu tangwa lia Pentekoste kanda lichiheta, nyi te muchibwa chashi.

Yilinga 20:28

Kanyamenu yenwene, ni mbunga yeswe yize Mwiku wa Linanga anuhele kufunga. Fungenu kanawa Chikungulwila cha Zambi chize azukile ku kufwa cha Mwanenyi.

Yilinga 20:4

Waze ayile hamwe nenyi wano: Sopatere, mwana wa Piruse wa ku Berea, ni Aristarku, ni Sekondu a ku Tesalonika, ni Gayu wa ku Derbe, ni Timoteu, ni Tichiku, ni Trofimu, a ku chifuchi cha Asia.

Yilinga 21:27

Muze e matangwa shimbiali a kuliwahisa haamanunuka, Ayuda a ku chifuchi cha Asia, yaamona Paulu mu zuwo lia Zambi, yaavundula mbunga yeswe, yaamukwata,

Yilinga 6:9

Alioze yikukatuka amwe akwa kuvundula a ku zuwo lia kuwayila, lize te akuvuluka ngwo: “Kule.” Mukachi ko yimubwa Ayuda a ku membo ja Sirene, ni Alexandria. No yaabutuka kuhamika ni Estevau (Etienne) hamwe ni Ayuda akwo a ku Silisia ni Asia.

Yilinga 8:29

Mwiku wa Linanga yiwambila Filipe ngwenyi. “Kundama ku temba lino.”

A-ROMA 16:5

Menekenu nawa Chikungulwila chize chinakunguluka mu zuwo lio. Menekenu sepa liami, Epenetu, yoze wabwile mutu mutangu kufuliela Kristu mu chifuchi cha Asia.

1 Korintu 12:11

Alioze Mwiku uli umuwika uze wakulinga yize yeswe. Kuwakuhana yawana yeka ni yeka kuli mutu ni mutu cheswacho wakuzanga.

1 Korintu 16:1

Hakutwala ku kuhana cha chawana cha kukwasa nacho akwa Kristu yiswale waze ali mu Yerusaleme, lingenu ngwe chize nalongesele akwa Yikungulwila mu Galashia.

1 Korintu 16:19

Yikungulwila ya mu chifuchi cha Asia kaananumeneka. Akwila ni Prisila ni Chikungulwila chize akunguluka mu zuwo lio kaananumeneka mu jina lia Mwene Yesu.

2 Korintu 1:8

Mumu tunazange nunyingike, akwetu, lamba lize liatuwanyine mu chifuchi cha Asia. Lamba linji twamwene. Kashika kutwanyongene nawa ngwetu, mutubwa ni mwono.

Galashia 1:2

Yami ni akwetu eswe waze tuli kuno tunameneka Yikungulwila ya mu chifuchi cha Galashia, ngwetu:

Galashia 3:1

Akwa Galashia, yihepuke! Iya wanulowele? Ku meso jenu nwamwene pundu ulumbunwiso wa kufwa cha Yesu Kristu ha kulusu.

2 Timoteu 1:15

Unanyingika ngwe, atu eswe mu chifuchi cha Asia haanangwehuka. Hakachi ko Figelu ni Hermogene.

2 Timoteu 4:10

Dema hangwehuka, mumu kakuzanga yuma ya hano hashi. Haya ku limbo lia Tesalonika. Kresene haya ku chifuchi cha Galashia, ni Titu ku chifuchi cha Dalmashia.

Hebreu 11:8

Ku ufulielo tata Abrahama yononoka muze Zambi amutambikile, yaya ku chifuchi chize Zambi amulakenyene kumwaha chihinga. Yakatuka ku chifuchi chenyi mwene, kunyingika ka kuze te anayi.

1 Petulu 1:1

Yami Petulu, kanganda ka Yesu Kristu, ngunanusonekena yenu waze Zambi atongwele, yenu njize waze nunamwangashana mu yifuchi ya Pontu, ni Galashia, ni Kapadosia, ni Asia, ni Bitinia.

Usolwelo 1:11

ngwenyi: “Yize unamono, yisoneke mu mukanda. Ukautume ku Yikungulwila yino shimbiali: Efesu, ni Smirna, ni Pergamu, ni Tiatira, ni Sardu, ni Filadelfia, ni Laodisea.”

Usolwelo 1:4

Yami Yoano, ngunameneka Yikungulwila shimbiali ya mu chifuchi cha Asia: Zambi yoze kwali, yoze wabwile, yoze makabwa, ni Mwiku shimbiali uze uli kulutwe lia chitwamo chenyi cha wanangana, ni Yesu Kristu chela wakushishika, Mwana mutangu kusemuka, mutangu kuhinduka, mukwa kuyula mianangana a hashi, anulweze utu ni anwehe uhwimino. Yesu Kristu kakutuzanga. Ku kufwa chenyi hanatulamwina ku milonga yetu,