Yilinga 16:26 - Mukanda Wa Zambi 1970

²⁶ Susumuku yikubwa minyiko yinene. Fundamentu ja zuwo lia lamba yijinyika, Yajilo yeswe yiyazuluka. Ngoji jo jeswe ja utale yijiliholwokela zekelee.

MUKANDA USANDU WA ZAMBI 1975

²⁶ susumuku kwapwile minyiko yinene, ni fundamentu ja zuwo lia ususu janyikine, ni mapito eswe haze hene azulukile; ni makana ja eswe aechele.

Yilinga 16:26 Iomraidhean Croise

1 Yitanga Ya Mianangana 13:28

Mba mukwa munanyi yaya, yawana mwe mufu mu jila, chimbulu ni tambwe te kaanamana hehi nenyi, hindu tambwe kalile ko mufu hanji kakwachile ko chimbulu.

Miaso (Masamu) 102:20

Yevwa kuteta cha funge, yatusula waze abatwilile ngwo, chaatamba kufwa.

Miaso (Masamu) 146:7

kakubatwila akwa lamba ni ululi, kakulisa akwa kuhona. Mwene Zambi kakutusula funge mu zuwo lia lamba,

Miaso (Masamu) 68:6

Atu waze atwama ukawo, Zambi kakwaha majiko; kakujitula funge hanga abwe ni kuwaha cha utuswilo. Alioze akwa kulimika chaatamba kutwama mu chifuchi chumu.

Miaso (Masamu) 79:11

Banjika chize anatete waze ali mu zuwo lia lamba! ku ndundo je tusula kama waze anambe kushiha kuli akwa kole jo.

Izaya 42:7

Muukalawisa meso ja tupuputa, muukatusula atu waze atwama mu milima mu mazuwo a lamba.

Izaya 61:1

Mwiku wa Mwene Zambi uli muli yami. Hananguwayisa mu kwambujolela yiswale sango jibema ni kuwuka waze ayiza yikola ya mbunge, ni kwambujola utuswilo kuli funge, ni kutusula waze ali mu zuwo lia lamba,

Mateu 28:2

Susumuku kwabwile munyiko unene hashi. Kanganda ka mwilu yahulumuka, yalangumuna liwe ku sesa lia fuka, yatwama ho.

Yilinga 12:10

Yaahiana tufunga atangu, ni a muchaali, mba yaaheta ku chikolo cha utale chize chatala mu limbo. Yichiliazulukila ku meso jo. No yaatuhuka, yaahiana mukala umuwika, mba susumuku kanganda yamuhichika.

Yilinga 12:7

Susumuku kanganda ka mwilu yasoloka, pangu yilipanguka mu zuwo lia lamba. Kanganda yalamba Petulu mu pachi hakepe, yamulawisa ngwenyi: “Katuka nikawashi.” Ngoji yijikasuluka ku moko.

Yilinga 4:31

Muze haalemba, muma muze akungulukile yimunyika. Ayo eswe yaazala ni Mwiku wa Linanga, mba yaabutuka kwambujola liji lia Zambi ni hamu.

Yilinga 5:19

Alioze ha ufuku uze, kanganda ka mwilu yazulula yajilo ya zuwo lia lamba, yaatuhwisa haze, yaamba ngwenyi:

Usolwelo 11:13

Ha shimbu lizeliene yikubwa munyiko unene hashi. Chihanda chimuwika cha ku yihanda kumi ya limbo yichibuzuka. Tununu shimbiali twa atu yaafwa ni munyiko wa hashi. Akwo yeevwa woma unji, yaahalisa Zambi mwilu.

Usolwelo 6:12

Mba yingumona Mwana Panga kanakasulula chijikilo cha muchisambano. Hashi yihanyika kuhiana, tangwa yililaa, ngwe tuku ya hina lia kulinga ni wonawona ulaa. Kakweji yachila liakulu ngwe manyinga.