Yilinga 16:22 - Mukanda Wa Zambi 1970

²² Mbunga yaalundumukina nawa. Akwa kuyula yaatanuna mahina ja Paulu ni Sila, mba yaambila hanga alambe ni fimbo (shikote).

MUKANDA USANDU WA ZAMBI 1975

²² Ni mbunga aakatukilile hamuwika; ni tupitau aatokwele mahina jo, yaamba aalambe ni mbwechi.

Yilinga 16:22 Iomraidhean Croise

Mateu 10:17

Kanyamenu, mumu atu maakanukwata, maakanukunjika ku Mbunga ya Ngaji ja Ayuda, maakanulamba ni fimbo (shikote) mu mazuwo jo a kuwayila.

Mateu 27:26

Hohene Pilatu yatuswila Baraba, yalambisa Yesu ni fimbo (shikote), yamukunjika hanga amuhate ha kulusu.

Luka 12:11

“Muze maakanutwala hanga anubatwile mu mazuwo ja kuwayila, hanji ku meso ja akwa lutwe hanji akwa kuyula, kanda nukalibikala ha chize munukakumbulula hanji chize munukamba.

Yilinga 16:37

Alioze Paulu yakumbulula tujita ngwenyi: “Haatulamba ku meso ja atu eswe, kaatusopesele ko chibwe tuli enyaho ku wanangana wa Aroma. Haatunjisa mu zuwo lia lamba. Haliabwila atutuhwise ku tenga, nyi? Ka! Eze ayo ene atutusule.”

Yilinga 17:5

Alioze Ayuda yeevwa ukwa, yaakambila amwe yingulungulu, atu amokomoko, ni kukungulula mbunga. Yaaneha Vunda jinji mu limbo, yaajingilika zuwo lia Jasone nikufupa Paulu ni Sila hanga aakunjike ku mbunga ya akwa limbo.

Yilinga 18:12

Alioze, muze haapwisa Galiu mukwa kuyula wa chifuchi cha Gresia, Ayuda yaakatukila Paulu ni mbunge yimuwika, yaamutwala ku chisopelo.

Yilinga 5:40

Hohene yaatambika tunganda, yaalambisa, yaaha koki ngwo, kanda alongesa nawa mu jina lia Yesu. Mba yeecha kwo.

2 Korintu 6:5

Haanatulambe, haanatuse mu zuwo lia lamba, haanatubinjisa. Hitunalingi milimo ya lamba kuhiana. Yisuho yinji kutushi kuhasa kulia hanji kuya tulo.

1 Tesalonika 2:2

Nunanyingika chize atuhungumionene kulu ku Filipu muze te kanda tuchinuheta. Alioze Zambi yatutakamisa ha kunwambujolela Sango jenyi Jibema, chibwe kuhamika chabwile chinji.

Hebreu 11:36

Atu akwo yaalelesa ni kwalamba fimbo (shikote). Akwo yaakasa ni ngoji ja utale, mba yaambila mu zuwo lia lamba.

1 Petulu 2:24

Kristu iye mwene yambata shili yetu mu mujimba wenyi ha kulusu, hanga tufwe ku shili, ni hanga tubwe akwa ululi. Ku yilonda yenyi hinunahinduka.