Yilinga 16:19 - Mukanda Wa Zambi 1970

¹⁹ Muze miata ja mwe mwana pwo haanyingika ngwo, kuyuka cha ubite wo hichahwa, yaakwata Paulu ni Sila, yaatacheka ndoo ku lwaza wa kusopela,

MUKANDA USANDU WA ZAMBI 1975

¹⁹ Alioze muze miata jenyi amwene kutalatala cha upite wo hichahwa, akwachile Paulu ni Saila, o aambulumwine ku chitanda kumeso ja akwa kuyula.

Yilinga 16:19 Iomraidhean Croise

Daniel 6:12

yaaya ni kwambulula Daniel kuli mwanangana, yaamba ngwo: “Vulie mwanangana! Nunakasoneka jina lienu mu mukanda wa Shimbi ngwenu, ha matangwa makumi atatu mutu niumwe mahasa kwita chimwe Chuma kuli umwe zambi chibwe umwe mutu shina kuli yenu mwanangana. Yoze machilinga chatamba kumumbila mu wina wa tambwe.” Mwanangana yakumbulula ngwenyi: “Ewa, Chenacho ngunakakolesa ye Shimbi, ni Shimbi ya Amedia ni Apersia kuyahashile kwalumuka.”

Mateu 24:9

“Hohene atu maakanukwata, maakanumwesa lamba, maakanushiha. Eswe maakanuvutwokela mumu ha jina liami.

Marku 13:9

“Alioze kanyamenu yenwene, mumu atu maakanukunjika ku Mbunga ya Ngaji ja Ayuda, maakanulamba mu mazuwo a kuwayila ja Ayuda. Munukamana ku meso ja akwa kuyula ni ku meso ja mianangana, mumu hali yami, ha kushindakenya Sango Jibema.

Yilinga 14:19

Alioze yikwiza Ayuda a ku Antiokia mu chifuchi cha Pisidia ni a ku limbo lia Ikoniu, yaalumbula mbunga. No yaamwasa Paulu mawe, yaamukokela haze lia limbo nikunyonga ngwo, hafwa.

Yilinga 14:5

Mba Ayuda ni waze hi Ayuda ko, hamwe ni akwa lutwe jo, yaanyonga kumwesa Paulu ni Barnaba lamba, ni kwashiha ni mawe.

Yilinga 15:22

Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.

Yilinga 15:26

Barnaba ni Paulu haanakunjika mwono wo, chibwe ndoo ku kufwa, mumu ha jina lia Mwene wetu Yesu Kristu.

Yilinga 15:40

Alioze Paulu yatongola Sila. Akwa Kristu yaakunjika ku utu wa Zambi, mba yaaya mu jila.

Yilinga 16:16

Limwe tangwa, shimbu te tunayi kuma kwa kulembela, yitutakana ni umwe mwana pwo yoze wabwile ni mwiku wa kutaha. Te kakubichisa miata jenyi ubite unji ha kutaha chenyi.

Yilinga 16:20

yaaneha ku meso ja akwa kuyula nikwamba ngwo: “Atu wano, Ayuda, kaakubihisa limbo lietu.

Yilinga 16:25

Alioze, ngwe ha muchima ufuku, Paulu ni Sila te kaanalembe ni kwimba miaso ya kuchichimieka Zambi. Funge akwo yaabanjika.

Yilinga 16:29

Kafunga yeta lutemo, yanjila mo fuji, aku machikima nganganga nganganga, yasa makungunwa hashi ku molu ja Paulu ni Sila.

Yilinga 17:6

Alioze kawanyine ko. Kashika atachekele Jasone ni akwa Kristu akwo ku meso ja akwa kuyula ja limbo nikukololoka ngwo: “Atu wano haavundula yifuchi yeswe ya hashi. Haliabwila heeza nawa kuno.

Yilinga 21:30

Limbo heswe yilibwa ni Vunda. Atu yaalundumuka fuji, yaakwata Paulu, yaamukoka haze lia zuwo lia Zambi. Shimbu lizeliene yaajila ku yikolo.

Yilinga 8:3

Alioze Saulu yeseka kwonona Chikungulwila, yanjila mu zuwo ni zuwo, yatuhwisa malunga ni mapwo haze, yaasa mu zuwo lia lamba.

Yilinga 9:16

Yami mwene mungukamulweza lamba lize chamutamba kumona mumu ha jina liami.”

2 Korintu 6:5

Haanatulambe, haanatuse mu zuwo lia lamba, haanatubinjisa. Hitunalingi milimo ya lamba kuhiana. Yisuho yinji kutushi kuhasa kulia hanji kuya tulo.

Filipu 1:30

Haliabwila nunahase kulitachika hamwe ni yami mu jita. Jita yino yili yizeyene nwangumwene nayo miaka ya kunyima ni musono nawa ngwe chize nunevu.

1 Tesalonika 2:2

Nunanyingika chize atuhungumionene kulu ku Filipu muze te kanda tuchinuheta. Alioze Zambi yatutakamisa ha kunwambujolela Sango jenyi Jibema, chibwe kuhamika chabwile chinji.

1 Timoteu 6:10

Mumu lwahu wa mbongo kali chishina cha yibi yeka ni yeka. Amwe waze abwile ni usolo ha kubwa najo haanapianguka ku ufulielo, haanalituwu ni yinyengo yinji.

Tiangu (Jake) 2:6

Alioze yenu nwakulelesa yiswale. Waze akunukwata ni kunukoka ku meso ja ngaji, aya? Hi pichi ko, nyi?