Yilinga 16:18 - Mukanda Wa Zambi 1970

¹⁸ Chuma chino yachilinga matangwa anji. Mba Paulu yevwa kubihia, yatewuluka, yambila mwiku wa luchisa ngwenyi: “Ngunakwambe mu jina lia Yesu Kristu, ngwami, tuhuka muli mwana pwo yono.” Yiumutuhuka shimbu lizeliene.

MUKANDA USANDU WA ZAMBI 1975

¹⁸ Chino wachilingile matangwa anji. Mba Paulu nikwivwa chikulikuli chikolo, yatewulukila, yamba kuli Spiritu ngwenyi, Ngunakwambe mu jina lia Yesu Kristu ngwami, Tuhuka muli iye. Iye watuhukile ola yize yene.

Yilinga 16:18 Iomraidhean Croise

Mateu 14:24

Wato te hiwabwa kulu mukachi ka chitende nikubinda ni miavu ya meya, mumu fuji yilimika nawo.

Marku 1:34

Yesu yawuka atu anji waze abwile ni misongo yeka ni yeka. Yatuhwisa mwiku wa luchisa unji. Katayijile mwiku wa luchisa kuhanjika, mumu wamunyingikine.

Marku 16:17

Yilayi yino kumuyikaula akwa kufuliela: mu jina liami kumaakatuhwisa mwiku wa luchisa; kumaakahanjika maliji aha;

Luka 9:1

Yesu yakungulula tumbaji kumi ni aali, yaaha chiyulo ni tachi ja kutuhwisa najo mwiku weswe wa luchisa, ni kuwuka misongo.

Yilinga 3:6

Alioze Petulu ngwenyi: “Mbongo Chishi najo, alioze chize nguli nacho ngunakwehe cho. Ngwami, mu jina lia Yesu Kristu Kanazare, katuka, wende!”

Yilinga 9:34

Petulu yamwamba ngwenyi: “Enea, Yesu Kristu kanakuhindwisa, katuka, alula muhela we.” Hazehene yakatuka.

Kolosu 2:15

Ha kulusu Kristu yakumba tachi ja akwa ndundo ni akwa yiyulo. Yaasolola ku meso ja eswe muze aatwalile ngwe funge waze akwachile ha kukumba chenyi.