Yilinga 16:16 - Mukanda Wa Zambi 1970

¹⁶ Limwe tangwa, shimbu te tunayi kuma kwa kulembela, yitutakana ni umwe mwana pwo yoze wabwile ni mwiku wa kutaha. Te kakubichisa miata jenyi ubite unji ha kutaha chenyi.

MUKANDA USANDU WA ZAMBI 1975

¹⁶ Shimbu mutuchiya kuma kwa kulembela, umwe mwanapwo ni Spiritu ya munanyi, watakanyine ni yetu, yoze wamwesene miata jenyi upite wunji ha kuhanjika munanyi.

Yilinga 16:16 Iomraidhean Croise

1 MIANANGANA 21:6

Yalambula mwanenyi wa lunga mulambu wa kwocha. Yataha ngombo, yapanda wanga, yalinga tufutafuta. Yavulumuna Mwene Zambi kuhiana, yamuvwisa ufwatulo.

1 Sango Ja Mianangana 10:13

Chenacho Saulu afwile mumu ha utanguko wenyi kuli Mwene Zambi. Yakolema Shimbi jenyi, chikwo nawa, yahula chiyulo kuli mukwa mahamba

Izaya 8:19

Alioze maakakulweza ngwo: “Chatamba kwita mana kuli tahi ni kuli akwa mahamba waze akulinyinguna ni kulinyinyita, mumu chatamba kwita mana kuli mwiku, ni kuhula afu hakutwala kuli akwa mwono.”

Alevi 19:31

“Kanda nuhula mana kuli akwa mahamba ni kuli tahi. Nyi nwachilinga munubwa akwa luchisa. Yami nguli Mwene Zambi, Zambi yenu.

Alevi 20:27

“Nyi umwe lunga hanji umwe pwo mahula mana kuli mukwa mahamba hanji kuli tahi, chatamba kumushiha ni mawe. Uhiso muubwa wa iye mwene.”

Alevi 20:6

“Nyi umwe mahula mana kuli akwa mahamba ni kuli tahi, mungulimika nenyi, chichi kumwalula nawa mukachi ka atu jami.

Yilinga 16:13

Ha tangwa lia kuhwima yiutuhuka mu limbo, yituya ku mbumbulu ya lwiji, kuze twanyongene ngwetu, kuma kuze akulembela Ayuda. Yitutwama nikuhanjika ni mapwo waze te akukunguluka.

Yilinga 16:18

Chuma chino yachilinga matangwa anji. Mba Paulu yevwa kubihia, yatewuluka, yambila mwiku wa luchisa ngwenyi: “Ngunakwambe mu jina lia Yesu Kristu, ngwami, tuhuka muli mwana pwo yono.” Yiumutuhuka shimbu lizeliene.

Yilinga 16:19

Muze miata ja mwe mwana pwo haanyingika ngwo, kuyuka cha ubite wo hichahwa, yaakwata Paulu ni Sila, yaatacheka ndoo ku lwaza wa kusopela,

Yilinga 19:24

Yikubwa umwe lunga, jina lienyi Demetriu, fuli ya prata. Te kakufula nayo tuponya twa zambi wa pwo, jina lienyi Artemise. Chenacho Demetriu abichishile akwa milimo jenyi ubite unji.

Galashia 5:20

ni kukombelela mahamba, ni kupanda wanga, ni kole, ni Vunda, ni ukwa, ni ufwatulo, ni kulilamba ha bambo, ni kulihandununa;

1 Timoteu 6:10

Mumu lwahu wa mbongo kali chishina cha yibi yeka ni yeka. Amwe waze abwile ni usolo ha kubwa najo haanapianguka ku ufulielo, haanalituwu ni yinyengo yinji.

2 Timoteu 3:8

Ngwe Jane ni Jambre alimikine ni Mose, chimuwika nawa malunga wano kaakulimika ni umwenemwene malunga waze akwete manyonga a uhepuke, keeshi ufulielo wamwenemwene.

2 Petulu 2:3

Mumu ha lwahu wo wa mbongo maakanulongesa mahuza. Alioze hasuku Ngaji yo hanalilulika ha kwabatwila, ni Chononyi cho kakunongama!

1 Samuel 28:3

Hako Samuel te hanafu kulu, Aisraele haanamulili, haanamufundu mu Rama mu limbo lienyi mwene. Mwanangana Saulu te hanahumu kulu tahi eswe mu chifuchi.

1 Samuel 28:7

Kashika mwanangana yambila akwa kuyula ngwenyi: “Ngufupilenu umwe pwo tahi, hanga ngumuhule.” Akwa kuyula yaamulweza ngwo: “Umwe tahi uli ku limbo lia Endore.”