Yilinga 16:14 - Mukanda Wa Zambi 1970

¹⁴ Umwe pwo hakachi ko, jina lienyi Lidia, wa ku limbo lia Tiatira, te kakulanjisa mahina alemu achila. Mwenawo mukwa kuwayila Zambi. Mwene yamwazulula mbunge yenyi ha kwivwa kanawa yize ahanjekele Paulu.

MUKANDA USANDU WA ZAMBI 1975

¹⁴ Mba umwe pwo, jina lienyi Lindia, mukwa kutalikila mahina a ufungo, wa ku limbo lia Taiatira, mukwa kuwayila Zambi watuvwile: Mwene wazulwile mbunge yenyi kupanjika ku yuma yize ahanjikile Paulu.

Yilinga 16:14 Iomraidhean Croise

Miaso (Masamu) 110:3

Tangwa lize muukasa jita ni akwa kole je, atu je maakalihana kuli yena. Ngwe chize mume wakusulumioka chichamene cheswe, akweze je maakeza kuli yena ha milundu ye ya chijila.

Mwaso Ubema Wahiana 5:4

Mukwa zango wami yakwata ku chajilo, yingutungumuka ni uwahililo.

Izaya 50:5

Mwene Zambi hanangujikula matwi, Chakolemene, chapiangukile.

Luka 24:45

Mba yaakwasa hanga anyingike Mukanda wa Zambi,

Yoano 12:20

Amwe Agresia yaabwa mukachi ka waze ayile ku Yerusaleme mu kuwayila ha chiwanyino.

Yilinga 10:2

Te mukwa vumbi ku meso ja Zambi. Iye ni akwa zuwo lienyi te kaakuwayila hamwe ni Ayuda. Neye te kakuhana yawana kuli Ayuda nikulemba Zambi matangwa eswe.

Yilinga 11:21

Ndundo ja Mwene jabwile hamwe no, ni atu anji yaafuliela, yaatewuluka kuli Mwene.

Yilinga 13:43

Muze te waze ali mu zuwo lia kuwayila haamwangana, atu anji, Ayuda ni akwa kufuliela a ku mavungu akwo, yaakaula Paulu ni Barnaba. No yaashinjila amane nguu mu utu wa Zambi.

Yilinga 13:50

Alioze Ayuda yaavundula mapwo pichi waze te akuwayila hamwe no, ni atu ja lufuma mu limbo. No yaahungumiona Paulu ni Barnaba, yaahanga mu chifuchi cho.

Yilinga 16:40

Tunganda yaatuhuka mu zuwo lia lamba, yaaya mu zuwo lia Lidia. Kwe kuze yaawana akwa Kristu, yaatakamisa, mba yaaya kwo.

Yilinga 18:7

Neye yakatuka, yanjila mu zuwo lia umwe lunga, jina lienyi Titu Justu, yoze te wakuwayila Zambi hamwe ni Ayuda. Zuwo lienyi te lialihata ni zuwo lia kuwayila.

Yilinga 8:27

Filipe yakatuka, yaya. Kuma mu jila yamona umwe mutu, Aetiopia, wakutunguna, kafufuchi ka mwanangana wa pwo Kandase, wa ku chifuchi cha Etiopia. Mwenawo te wakulama ubite wenyi weswe. Te ku Yerusaleme anakatuka, kwe ayile ni kuwayila. Muze anahiluka ku mahio, yatwama mu temba lienyi nikutanga mukanda wa mukwa munanyi wa Zambi, Izaya.

A-ROMA 9:16

Kashika, hi ku kuzanga cha mutu ko, hanji ku kuhondangana chenyi ko, alioze shina lume cha kuli Zambi yoze wakuvwila keke.

Filipu 2:13

Mumu, tangwa ha tangwa Zambi kakulinga muli yenu, nikunwaha zango ni tachi ha kumanununa chize anapale.

Usolwelo 1:11

ngwenyi: “Yize unamono, yisoneke mu mukanda. Ukautume ku Yikungulwila yino shimbiali: Efesu, ni Smirna, ni Pergamu, ni Tiatira, ni Sardu, ni Filadelfia, ni Laodisea.”

Usolwelo 3:20

Banjika! Ngunamana ku chikolo, ni kungongwela. Nyi mutu mevwa liji liami, ni mazulula chajilo, mungunjila mo. Mungulia hamwe nenyi, neye hamwe ni yami.

Usolwelo 3:7

“Sonekena kanganda ka mwilu wa Chikungulwila cha mu limbo lia Filadelfia ngwe: “Munangi kanda mukwa umwenemwene, yoze uli ni sapi ya mwanangana David, yoze wakwazulula alioze niumwe kahashile kwajila, yoze wakwajila alioze niumwe kahashile kwazulula, kanambe ngwenyi: