Yilinga 16:13 - Mukanda Wa Zambi 1970

¹³ Ha tangwa lia kuhwima yiutuhuka mu limbo, yituya ku mbumbulu ya lwiji, kuze twanyongene ngwetu, kuma kuze akulembela Ayuda. Yitutwama nikuhanjika ni mapwo waze te akukunguluka.

MUKANDA USANDU WA ZAMBI 1975

¹³ Ha tangwa lia Sambata, twatuhukile haze lia chajilo cha limbo, nikuya ku sesa lia lwiji, kuze apwile nikuyaya mukulemba, twatwamine, twahanjikile kuli mapwo waze akungamineko.

Yilinga 16:13 Iomraidhean Croise

Mateu 13:2

Mbunga yinene yaamukunguluka. Kashika Yesu yanjila mu wato, yatwama mo, ye mbunga yaamana ku mbumbulu.

Marku 16:15

Yesu yaamba ngwenyi: “Yeenu hashi heswe, nukambujolele atu eswe Sango Jibema.

Luka 13:10

Limwe tangwa lia kuhwima, Yesu te kanalongesa mu zuwo lia kuwayila.

Yoano 8:2

Muze hikwabatwoka ngwangwangwa, Yesu yahiluka ku zuwo lia Zambi lia Ayuda. Atu eswe yaamukunguluka. Neye yatwama mba yabutuka kwalongesa.

Yilinga 13:14

No yaakatuka ku Perga, yaaheta ku limbo lia Antiokia mu chifuchi cha Pisidia. Ha tangwa lia kuhwima yaanjila mu zuwo lia kuwayila lia Ayuda, yaatwama tumbaa.

Yilinga 13:42

Muze Paulu ni Barnaba haatuhuka mu zuwo lia kuwayila, akwa limbo yaaliumba kuli ayo hanga akahanjike nawa chikuma chizechene ha tangwa lia kuhwima lia kulutwe.

Yilinga 16:16

Limwe tangwa, shimbu te tunayi kuma kwa kulembela, yitutakana ni umwe mwana pwo yoze wabwile ni mwiku wa kutaha. Te kakubichisa miata jenyi ubite unji ha kutaha chenyi.

Yilinga 16:6

Shimbu abalikile ndusu mu chifuchi cha Frigia ni cha Galashia, Mwiku wa Linanga yiwakinda kwambujola maliji a Zambi mu chifuchi cha Asia.

Yilinga 17:2

Paulu, nikulita ni ndako yenyi, yanjila mo, yalongesa Mukanda wa Zambi matangwa atatu a kuhwima,

Yilinga 18:4

Tangwa heswe lia kuhwima, Paulu yalongesa mu zuwo lia kuwayila lia Ayuda, yafupa kukununa Ayuda ni Agresia.

Yilinga 20:7

Ha tangwa lia kuhwima, yitukunguluka ha kulia hamuwika. Paulu yahanjika ku mbunga ndoo ha muchima ufuku, mumu yanyonga kuya muze hikwacha.

Yilinga 21:5

Muze hitwatwama matangwa shimbiali mu limbo lize, yitukatuka ni kuya mu jila yetu, ayo eswe, ni mapwo jo ni ana jo, yaatushinjikila ndoo haze lia limbo. Yitusa makungunwa hashi ku mbumbulu ya kalunga lwiji, yitulemba.

Yilinga 9:20

Hazehene yabutuka kwambujola mu mazuwo ja kuwayila hakutwala kuli Yesu, ngwenyi: “Mwe Mwana Zambi.”

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Kolosu 1:23

Alioze, chanutamba kumana nguu mu ufulielo wenu, akwa kujikiza kanawa. Atu kanda anwonga ha kwehuka yuma yize te nwakusa mbunge, chize kuze nwevwile Sango Jibema. Yami, Paulu, nguli kavumbi ka Sango jino Jibema—Sango jize ambujolele kuli akwa hashi eswe.