Yilinga 16:12 - Mukanda Wa Zambi 1970

¹² Ha kukatuka ko yituya ku Filipu, limbo lia mu chifuchi chitangu cha mu Masedonia, te chifuchi chili mu chiyulo cha Aroma. Yitutwama amwe matangwa mu limbo lize.

MUKANDA USANDU WA ZAMBI 1975

¹² katu ku kuze twayile ku Fwilipu, lienalio lie limbo linene lia chihanda chize cha chifuchi cha Masendoniya, ni njize A-Roma atungileko nawa: twanyongonwene mu limbo lize matangwa amwe.

Yilinga 16:12 Iomraidhean Croise

Yilinga 16:10

Muze Paulu hamona Usolwelo, hazehene yitufupa kuya ku Masedonia, mumu te hitwanyingika ngwetu, Zambi hatutambika kwaambujolela Sango Jibema.

Yilinga 16:21

Kaakwambujola ndako jize kujatelele kukaula, chibwe kujifunga, yetu enyaho ku wanangana wa Aroma.”

Yilinga 16:9

Ha ufuku uzewene Paulu yamona mu Usolwelo umwe lunga wa ku chifuchi cha Masedonia, te kanamana nikumulembela ngwenyi: “Zauka, Wize kama kuno ku Masedonia utukwase.”

Yilinga 18:5

Muze Sila ni Timoteu haakatuka ku chifuchi cha Masedonia ni haaheta mu limbo lia Korintu, Paulu yabutuka kulongesa tangwa ha tangwa. Yashindakenya Ayuda ngwenyi: “Yesu mwe Chilamwina yoze Zambi alakenyene.”

Yilinga 19:21

Kulutwe lia yuma yino, Paulu yanyonga kubalika mu chifuchi cha Masedonia ndoo mu chifuchi cha Gresia, ni kuheta ku limbo lia Yerusaleme. Yamba ngwenyi: “Nyi naheta ko, Changutamba kuya nawa kutala limbo lia Roma.”

Yilinga 19:29

Limbo heswe yilibwa ni Vunda jinji. Mbunga yaakwata Gayu ni Aristarku, akwa Masedonia, waze te akwenda ni Paulu, yaalundumukina ni mbunge yimuwika nikwatwala ku lwaza.

Yilinga 20:1

Muze te zungo hiliahola, Paulu yatambika tumbaji, yaashinjila maliji, yalishika no, yakatuka ni kuya ku Masedonia.

Yilinga 20:3

yatwama ko tukweji atatu. Mba yazanga kuzauka ni kuya ku Siria, alioze muze hevwa ngwo, Ayuda kaanamujikinyina, yanyonga kuhiluka mu jila ya Masedonia.

Yilinga 20:6

Kulutwe lia chiwanyino cha Mbolo Kuyishi Yitumbo, yitukatuka ku Filipu mu ulungu, ni muze matangwa atano akwo haabalika, yituheta ku limbo lia Troa, yitutwama ko matangwa shimbiali.

Yilinga 27:2

Yitunjila mu umwe ulungu wa ku chifuchi cha Adramitinu, uze te unayi ku membo a ku mbaka ya Asia. Aristarku, Kamasedonia wa ku Tesalonika, yaya hamwe ni yetu.

A-ROMA 15:26

Mumu akwa Kristu ja mu chifuchi cha Masedonia ni cha Gresia haanabatula kuhana yawana kuli yiswale hakachi ka akwa Kristu ja mu Yerusaleme.

Filipu 1:1

Yami Paulu ni Timoteu, tuvumbi twa Kristu Yesu, tunanusonekena yenu akwa Kristu eswe waze nwatwama mu limbo lia Filipu, waze nwafuliela Kristu Yesu hamwe ni tulayi twa Chikungulwila ni tuvumbi.

Filipu 1:5

mumu ha chize nwangukwashile ha kumwanga Sango Jibema, chize ku tangwa litangu ndoo musono.

1 Tesalonika 2:2

Nunanyingika chize atuhungumionene kulu ku Filipu muze te kanda tuchinuheta. Alioze Zambi yatutakamisa ha kunwambujolela Sango jenyi Jibema, chibwe kuhamika chabwile chinji.