Yilinga 15:8 - Mukanda Wa Zambi 1970

⁸ Ni Zambi, yoze wanyingika mbunge ja atu, hanaahe shindakenyo ha kwaha Mwiku wa Linanga chizechene ngwe yetu.

MUKANDA USANDU WA ZAMBI 1975

⁸ Zambi, mukwa kunyingika mbunge, waashindakenyene, ni kwaaha Spiritu Musandu, chizechene ngwe kuli yetu nawa;

Yilinga 15:8 Iomraidhean Croise

1 Yitanga Ya Mianangana 8:39

yena muze mu mahie mwilu hibanjika kama ku kulemba cho, waakonekene, waakwase Yena wika Unanyingika mbunge ja atu, linga kuli mutu ni mutu nikulita ni ndako jenyi,

1 Sango Ja Mianangana 28:9

Hohene mwanangana yambila Solomone ngwenyi: “Mwanami, ngunakwambe ngwami, tayiza Zambi ya yami tatenu, mulingile ni mbunge yimuwika ni manyonga je eswe, mumu Mwene Zambi kakuhengula mu mbunge jeswe ni kakunyingika manyonga eswe. Nyi ngwe muumufupa, muumuwana. Alioze nyi walituna ye, neye kumakwehuka ndoo ku miaka yeswe.

1 Sango Ja Mianangana 29:17

Zambi yami, ngunanyingika ngwami, wakweseka mbunge ya mutu mweswe, ni wakwivwa kuwaha ni akwa mbunge yimuwika. Hinalimwena cho yami mwene chize atu je anakunguluka hano haalambula ni uwahililo.

Miaso (Masamu) 44:21

kachi te hiwachinyingika, mumu yena wakunyingika manyonga jetu.

Jeremia 11:20

Mba yinguliumba ngwami: “Mwene Zambi Mukwa Ndundo Jeswe, yena uli ngaji wa ululi; wakweseka manyonga ja atu ni mbunge jo. Hinakunjika milimo yami mu moko je; kashika ngutayize kama ngumone chize muungukala kuli atu wano.”

Jeremia 17:10

Yami, Mwene Zambi, nakushishika manyonga ja atu ni kweseka mbunge jo. Nakulinga kuli mutu mweswe nikulita ni ndako yenyi, nikulita ni chize akulinga.”

Jeremia 20:12

Alioze, Mwene Zambi Mukwa Ndundo Jeswe, yena wakweseka atu ni ululi; unanyingika yize yili mu mbunge jo ni mu manyonga jo. Kashika ngweche ngumone kama chize muungukala kuli akwa kole jami, mumu hinakunjika mulonga wami mu moko je.

Yoano 21:17

Yesu yamuhula chisuho cha muchitatu ngwenyi: “Simone mwana wa Yoano, unanguzange, nyi?” Petulu yevwa chinyengo ha chize Yesu amuhulile chisuho cha muchitatu ngwenyi: “Unanguzange, nyi?” Mba yamukumbulula ngwenyi: “Mwene, yena Unanyingika yuma yeswe. Unanyingika ngwe, ngunakuzange!” Yesu yamwamba ngwenyi: “Lisa mapanga jami.

Yoano 5:37

Mwe Tata, yoze wangutumine, hanangushindakenya nawa. Kunwevwile kama liji lienyi nilimwe tangwa, kunwamwene kama meso jenyi nilimwe tangwa.

Yilinga 1:24

Mba eswe hamuwika yaalemba Zambi ngwo: “Mwene, yena wakunyingika mbunge ja atu eswe. Tulweze kama hakachi ka wano aali yoze hiunatongola,

Yilinga 10:47

“Atu wano hatambula nawa Mwiku wa Linanga ngwe yetu. Umwe mahasa kutukinda ha kwapapachisa ni meya, nyi?”

Yilinga 14:3

Paulu ni Barnaba yaatwama ko shimbu lisuku, yaalongesa ni hamu hakutwala kuli Mwene Yesu. Mwenawo yashindakenya maliji jo hakutwala ku utu wenyi ni kwaha tachi ja kulinga yilayi ni yipupu.

Yilinga 15:28

Mumu hichabemena Mwiku wa Linanga ni yetu hi kunutwika ko yilemu yahiana yize kuyalitele, shina yize yinalite.

Yilinga 2:4

No eswe yaazala ni Mwiku wa Linanga, yaabutuka kuhanjika mu maliji eka ni eka ngwe chize Mwiku waahele yakuhanjika.

Yilinga 4:31

Muze haalemba, muma muze akungulukile yimunyika. Ayo eswe yaazala ni Mwiku wa Linanga, mba yaabutuka kwambujola liji lia Zambi ni hamu.

Hebreu 2:4

Mwaka uzewene Zambi yalweza yilayi, ni yipekesa, ni yipupu yeka ni yeka ha kulweza ngwo, hatayiza yuma yize te akwamba. Ku upale wenyi yaalianyina yawana yeka ni yeka ya Mwiku wenyi.

Hebreu 4:13

Mutu kahashile kuswekela Zambi Chuma nichimwe. Zambi kakumona yuma yeswe, mumu yuma yeswe kuyakusoloka zwalala, kuyishi kuswama ku meso jenyi. Kuli iye mutukalumbununa yuma yeswe yize twalingile.

Usolwelo 2:23

Mungukashiha nawa ana jenyi. Mba Yikungulwila yeswe maakanyingika ngwo, nguli yoze wakunyingika manyonga ja atu ni upale wo. Mungukahana kuli mutu mweswe nikulita ni yitanga yenyi yize alingile.

1 Samuel 16:7

Alioze Mwene Zambi yamwamba ngwenyi: “Kanda utala ku meso jenyi, hanji kutaluka chenyi, mumu hinalituna ye. Mutu kakutala ku meso, alioze yami nakutala mu mbunge.”