Yilinga 15:7 - Mukanda Wa Zambi 1970

⁷ Muze haalihamika shimbu lisuku, Petulu yakatuka, yaamba ngwenyi: “Akwetu, nunanyingika kanawa ngwenu, hasuku Zambi hanangutongola mukachi kenu, hanga waze hi Ayuda ko akevwe Sango Jibema kuli yami, akajifuliele.

MUKANDA USANDU WA ZAMBI 1975

⁷ Muze te hikwapwa kulu mbandanga yinji, Petulu wakatukile, ngwenyi, Mandumbu, yenu nunanyingika, chize ku matangwa a kunyima, Zambi watongwele hakachi kenu, hanga akwa mavungu ku kanwa liami akevwe liji lia sango lipema, akafuliele.

Yilinga 15:7 Iomraidhean Croise

Kutuhuka 4:12

Haliabwila yako. Yami mungukakukwasa kuhanjika, mungukakulweza yize muukamba.”

Jeremia 1:9

Mba Mwene Zambi yazoza kwoko lienyi, yangukwata ku kanwa, yangwamba ngwenyi: “Banjika, hinakwaha maliji waze Chakutamba kuhanjika.

Yoano 15:16

Yenu kunwangutongwele, alioze yami nanutongwele. Nanusele hanga nukeme mihuko yize muyikalinduluka. Chenacho Tata makanwaha cheswacho munuketa mu jina liami.

Yoano 3:27

Yoano yakumbulula ngwenyi: “Mutu niumwe mahasa kubwa ni chimwe Chuma, nyi kamuhele cho kwilu.

Yilinga 1:16

“Akwetu, chinalite chize maliji akamanunuke, waze Mukanda wa Zambi wambile shimbu kanda hakutwala kuli Yudase. Liji lize Mwiku wa Linanga wahanjikile kuli David, hakutwala kuli Yudase, kasongo ka waze ashihile Yesu.

Yilinga 1:24

Mba eswe hamuwika yaalemba Zambi ngwo: “Mwene, yena wakunyingika mbunge ja atu eswe. Tulweze kama hakachi ka wano aali yoze hiunatongola,

Yilinga 10:19

Shimbu lize Petulu machinyonga ulumbunwiso wa Usolwelo, Mwiku wa Linanga yiumwamba ngwenyi: “Unevu ko? Atu anakufupu haze.

Yilinga 10:20

Katuka, Palumuka, uye hamwe no. Kanda uyambashana, mumu yami ngunakaatuma.”

Yilinga 13:2

Limwe tangwa, shimbu te anawayila Mwene ni kulitwamina kulia, Mwiku wa Linanga yiwamba ngwenyi: “Nguselenu Barnaba ni Saulu ku milimo yize naatambikilile.”

Yilinga 15:14

Simone hatunyingikisa ngwe chize hatangu Zambi hewuluka waze hi Ayuda ko, ni kutongola hakachi ko atu waze maabwa nienyi.

Yilinga 15:2

Paulu ni Barnaba yaalihangulula no chikolo hakutwala ku chikuma chize. Kashika Chikungulwila yaatongola Paulu ni Barnaba ni atu akwo hakachi ko ha kuya ku Yerusaleme kuli tunganda twa Yesu ni makulwana mumu ha chikuma chize.

Yilinga 15:39

Yaalihamika kuhiana, kashika yaalihandununa. Barnaba yaya ni Marku, yaanjila mu ulungu, yaazauka ku tungu lia Shipre.

Yilinga 20:24

Alioze Chishi kwalula mwono wami ngwe Chuma chilemu. Nakuzanga kuhwisa kwenda chami ni milimo yami yize natambwile kuli Mwene Yesu. Milimo yino yenayi ayi: kushindakenya chikolo Sango Jibema ja utu wa Zambi.

Yilinga 21:16

Amwe tumbaji a ku Sesarea yaaya hamwe ni yetu, yaatuhetesa ku zuwo lia Nasone, mutu wa ku tungu lia Shipre, hanga tukatwame ko. Mutu yono te kambaji mukulu.

Yilinga 3:18

Alioze Zambi hanamanununa chize ahanjikile shimbu kanda kuli akwa munanyi jenyi ngwenyi, Chilamwina wa kuli Zambi, yoze iye mwene alakenyene, makamona lamba.

Yilinga 4:25

Yena, ku tachi ja Mwiku wa Linanga, wahanjikile kuli David, tata yetu, kavumbi ke ngwe: ‘Kuchi mba waze hi Ayuda ko analikungulula ni chizungozungo, kuchi mba atu anatwama punga jamokomoko?

Yilinga 9:15

Alioze Mwene yamwamba ngwenyi: “Yako, hingunamutongola ha kunyingikisa jina liami kuli waze hi Ayuda ko, ni kuli mianangana jo, ni kuli Aisraele.

Filipu 2:14

Lingenu yuma yeswe, hi ni kunenganyana ko chibwe kulihamika,