Yilinga 15:6 - Mukanda Wa Zambi 1970

⁶ Mba tunganda twa Yesu ni makulwana yaakunguluka ni kusopa chikuma chize.

MUKANDA USANDU WA ZAMBI 1975

⁶ Mba apostolo ni makulwana akungulukile mukusopa chuma chino.

Yilinga 15:6 Iomraidhean Croise

Yishima 15:22

Nyi kuushi kuhula mana kuli atu akwo, muubihisa; alioze nyi muwahula, muulinga kanawa.

Mateu 18:20

Mumu yami nakubwa mukachi ka atu waze analikungulula mu jina liami, chibwe aali hanji atatu.”

Yilinga 11:30

Yaachilinga, yaatuma mbongo kuli makulwana ku moko ja Barnaba ni Saulu.

Yilinga 15:2

Paulu ni Barnaba yaalihangulula no chikolo hakutwala ku chikuma chize. Kashika Chikungulwila yaatongola Paulu ni Barnaba ni atu akwo hakachi ko ha kuya ku Yerusaleme kuli tunganda twa Yesu ni makulwana mumu ha chikuma chize.

Yilinga 15:22

Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.

Yilinga 15:25

Kashika tunakalikungulula ni nyonga limuwika ha kutongola malunga amwe akunutumina hamwe ni akwetu Barnaba ni Paulu

Yilinga 15:4

Muze Paulu ni Barnaba haaheta ku Yerusaleme, akwa Kristu, ni tunganda twa Yesu, ni makulwana yaasambilila. Paulu ni Barnaba yaambulula yuma yeswe yize Zambi alingile no.

Yilinga 16:4

Shimbu endanganyine mu membo, yaalongesa akwa Kristu hanga afunge Shimbi jize tunganda ni makulwana abatwile ku Yerusaleme.

Yilinga 21:18

Muze hikwacha, Paulu yaya hamwe ni yetu maha Tiangu (Jake). Makulwana eswe a mu Chikungulwila te kwe ali.

Yilinga 6:2

Kashika tunganda kumi ni aali yaakungulula chizavu cha tumbaji, yaambila ngwo: “Kuchalitele yetu kwehuka milimo ya kulongesa maliji a Zambi mumu ha kupangila yakulia.

Hebreu 13:17

Ononokenenu tetekeli jenu mu Chikungulwila, azeyelenu. Mumu kaakulayiza mwono wenu, mumu ayo maakalumbununa uvumbiko wo kuli Zambi. Nyi nwoononokena, maakamanuna milimo yo ni uwahilio. Nyi ka, maakayimanununa ni chinyengo. Chuma chize kuchichi kanukwasa nichimwe.

Hebreu 13:7

Iwulukenu tetekeli jenu atangu a mu Chikungulwila, waze anulongesele maliji a Zambi. Iwulukenu chize atwamine ni chize afwile. Imbululenu ufulielo wo.