Yilinga 15:5 - Mukanda Wa Zambi 1970

⁵ Alioze yakukatuka amwe a ku mbunga ya Afariseu, waze te haanafuliela Kristu, yaamba ngwo: “Waze hi Ayuda ko, chatamba kwapwisa ngalami, ni kwaambila ononokene Shimbi ja Mose.”

MUKANDA USANDU WA ZAMBI 1975

⁵ Alioze kwakatukile amwe a ku mbunga ya A-Fwariseu, waze afulielele, ngwo, Chatamba kwapwisa ngalami, ni kwaamba akafunge shimbi ya Mose.

Yilinga 15:5 Iomraidhean Croise

Mateu 3:7

Ha kumona Afariseu ni Asaduseu anji kaanezaza hanga aapapachise, Yoano yaahula ngwenyi: “Yenu, vungu lia yihili, iya unakanutoweza kuchina ufwatulo wa Zambi uze muukeza?

Yilinga 15:1

Amwe malunga yaakatuka ku Yudea, yaaheta ku Antiokia, yaalongesa akwa Kristu ngwo: “Kunwahashile kulilamwina shina munwononokena Shimbi ja Mose ha kunupwisa ngalami.”

Yilinga 15:24

Hitunevu ngwo, amwe hanakatuka kuli yetu ni kunubinjisa nikunubikalisa ni maliji jo. Yetu kwetu kutwaahele Shimbi niyimwe ha chikuma chino.

Yilinga 21:20

No, muze haachivwa, yaachichimieka Zambi, yamwamba ngwo: “Mukwetu, unamono tununu twa atu hakachi ka Ayuda haafuliela. Eswe kaakulisela ku Shimbi.

Yilinga 24:14

Alioze ngunatayiza ku meso je ngwami, nakuwayila Zambi ya tushakulu twetu ni kukaula jila yize akwamba ngwo, ya mahuza. Alioze nakufuliela yuma yeswe yize hiyinasonewa mu mikanda ya Shimbi ni ya akwa munanyi a Zambi.

Yilinga 24:5

Twawanyine yono lunga mutu mubi, mukwa kuvundula Ayuda eswe ku yifuchi yeswe ya hashi. Kali mukwa lutwe wa mbunga ya Anazare.

Yilinga 28:22

Alioze tunazange kwivwa manyonga je chize Unanyongo, mumu tunanyingika ngwetu, kuma kweswe atu kaakulimika ni mbunga yize yena uli.”

Yilinga 5:17

Mwata wa mahako ni waze te akuliendela nenyi, kafwa ngwe mbunga ya Asaduseu, yaakatuka ni ukwa unji,

1 Korintu 7:18

Nyi mutu te kali kulu ngalami muze atayijile kutambika cha Zambi, chamutamba kubwa lume ngalami. Nyi mutu te chilima, muze atayijile kutambika cha Zambi, kanda alipwisa ngalami.

Galashia 2:11

Muze Petulu haheta ku limbo lia Antiokia, nalimikine nenyi ku meso ja atu, mumu te hahengesa.

Galashia 2:14

Muze namwene ngwami, kendele ko kanawa nikulita ni umwenemwene wa Sango Jibema, yingwambila Petulu ku meso ja eswe ngwami: “Yena uli Kayuda, hindu kuushi kwenda ngwe Ayuda, alioze ngwe waze hi Ayuda ko. Kuchi kevwe wakushinjika waze hi Ayuda ko kubwa ngwe Ayuda?”