Yilinga 15:4 - Mukanda Wa Zambi 1970

⁴ Muze Paulu ni Barnaba haaheta ku Yerusaleme, akwa Kristu, ni tunganda twa Yesu, ni makulwana yaasambilila. Paulu ni Barnaba yaambulula yuma yeswe yize Zambi alingile no.

MUKANDA USANDU WA ZAMBI 1975

⁴ Muze te haheta ku Yerusaleme, akwa chikungulwila aasambililile hamwe ni apostolo ni makulwana, o ambulwile yuma yize yeswe Zambi walingile no.

Yilinga 15:4 Iomraidhean Croise

Mateu 10:40

“Yoze manutambula, mangutambula yami. Yoze mangutambula, matambula yoze wangutumine.

Yilinga 11:30

Yaachilinga, yaatuma mbongo kuli makulwana ku moko ja Barnaba ni Saulu.

Yilinga 14:27

Muze haaheta ko, yaakungulula akwa Chikungulwila eswe, yaalumbunwina yeswe yize Zambi alingile no, ni ngwe chize hanazulwila waze hi Ayuda ko chajilo, hanga no afuliele.

Yilinga 15:12

Chizavu cheswe yaahola kuluu, ha kubanjika Paulu ni Barnaba ni kulumbununa yipupu ni yilayi yize Zambi halinga ni moko jo hakachi ka waze hi Ayuda ko.

Yilinga 15:2

Paulu ni Barnaba yaalihangulula no chikolo hakutwala ku chikuma chize. Kashika Chikungulwila yaatongola Paulu ni Barnaba ni atu akwo hakachi ko ha kuya ku Yerusaleme kuli tunganda twa Yesu ni makulwana mumu ha chikuma chize.

Yilinga 15:22

Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.

Yilinga 15:3

Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.

Yilinga 15:6

Mba tunganda twa Yesu ni makulwana yaakunguluka ni kusopa chikuma chize.

Yilinga 16:4

Shimbu endanganyine mu membo, yaalongesa akwa Kristu hanga afunge Shimbi jize tunganda ni makulwana abatwile ku Yerusaleme.

Yilinga 18:27

Muze Apolo ambile kuya ku chifuchi cha Gresia, akwetu akwa Kristu yaamukwasa nikusoneka mukanda kuli tumbaji a mu chifuchi chize ha kumutambula kanawa. Muze haheta ko, yakwasa kuhiana eswe waze afulielele ku utu wa Zambi.

Yilinga 21:17

Muze hitwaheta ku Yerusaleme, akwetu akwa Kristu yatusambilila.

Yilinga 21:19

Muze Paulu haameneka, yaambulwila mwazu yuma yeswe yize Zambi alingile hakachi ka waze hi Ayuda ko hakutwala ku milimo yenyi.

A-ROMA 15:18

Mumu chichi kahamuka kuhanjika chimwe chuma shina chize Kristu wangutakamishine ha kukwasa waze hi Ayuda ko ha kwononokena Zambi. Kristu yachilinga ku maliji ni yitanga, ni ku tachi ja yilayi ni yikomokeso, ni ku ndundo ja Mwiku wa Linanga. Chenacho, nalumbunwine mwazu Sango Jibema hakutwala kuli Kristu. Nayile sali ni sali, chize ku limbo lia Yerusaleme ndoo ku chifuchi cha Iliriku.

A-ROMA 15:7

Kashika litambulenu ni akwenu ngwe chize Kristu wanutambwile, hanga atu akahalise Zambi.

1 Korintu 15:10

Alioze ku utu wa Zambi nguli chize nguli, ni utu uze angulwezele hi wamokomko ko. Mumu hingunahondangana kuhiana tunganda akwo eswe, alioze yize yeswe hi tachi ja yami mwene ko, alioze utu wa Zambi uze walinga hamwe ni yami.

2 Korintu 5:19

Kafwa Zambi wabwile muli Kristu ni kuwanyisa akwa hashi ni iye mwene. Kalwile ko yibi yize alingile, ni hanatwehe yilemu ya kwambujola chize Zambi akuwanyisa akwa hashi ni iye mwene.

2 Korintu 6:1

Kashika yetu, waze twakulinga hamwe ni Zambi, tunaliumbu kuli yenu ngwetu, kanda nulelesa utu uze Zambi hananulweze.

Kolosu 4:10

Aristarku, yoze uli mu zuwo lia lamba hamwe ni yami, kananumeneka. Marku nawa, musonyi wa Barnaba kananumeneka. (Nwevwile kulu kushinjila chami hakutwala kuli Marku ngwami, nyi ngwe wanuheta, numutambula kanawa.)

2 Yoano 1:10

Nyi mutu meza kuli yenu, alioze keshi ni longeso lino, kanda numutambula mu mazuwo jenu, chibwe kumuwahisa mu milimo yenyi.