Yilinga 15:3 - Mukanda Wa Zambi 1970

³ Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.

MUKANDA USANDU WA ZAMBI 1975

³ Kashika, se chikungulwila aashinjikilile mu jila yo, apalikile ndusu mu chifuchi cha Fwenishia, ni cha Samaria, nikwambulula kwalumuka cha akwa mavungu; o evwishile mandumbu eswe uwahililo unene.

Yilinga 15:3 Iomraidhean Croise

Luka 15:32

Chatutamba kuwahilila ni kusehejela, mumu mwanakwenu yono wabwile mufu, alioze hahinduka; watokele, alioze hasoloka!’ ”

Yilinga 1:15

Ha matangwa waze, Petulu yamana hakachi ka akwa kufuliela. Ayo eswe te ngwe kulakaji ni makumi aali. Neye yamba ngwenyi:

Yilinga 13:48

Muze waze hi Ayuda ko haachivwa, yaawahilila, yaachichimieka Zambi; ni eswe waze Zambi hanatongola kubwa ni mwono wa miaka yeswe, yaafuliela.

Yilinga 13:52

Alioze tumbaji a ku Antiokia yaawahilila kuhiana, yaazala ni Mwiku wa Linanga.

Yilinga 14:27

Muze haaheta ko, yaakungulula akwa Chikungulwila eswe, yaalumbunwina yeswe yize Zambi alingile no, ni ngwe chize hanazulwila waze hi Ayuda ko chajilo, hanga no afuliele.

Yilinga 15:1

Amwe malunga yaakatuka ku Yudea, yaaheta ku Antiokia, yaalongesa akwa Kristu ngwo: “Kunwahashile kulilamwina shina munwononokena Shimbi ja Mose ha kunupwisa ngalami.”

Yilinga 15:12

Chizavu cheswe yaahola kuluu, ha kubanjika Paulu ni Barnaba ni kulumbununa yipupu ni yilayi yize Zambi halinga ni moko jo hakachi ka waze hi Ayuda ko.

Yilinga 15:22

Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.

Yilinga 15:32

Yudase ni Sila ayo ene te kaali akwa munanyi a Zambi. Yaashinjila akwa Kristu ni maliji anji ha kwatakamisa ni kwakolesa.

Yilinga 15:4

Muze Paulu ni Barnaba haaheta ku Yerusaleme, akwa Kristu, ni tunganda twa Yesu, ni makulwana yaasambilila. Paulu ni Barnaba yaambulula yuma yeswe yize Zambi alingile no.

Yilinga 17:15

Waze atwalile Paulu yaamuhetesa ndoo ku limbo lia Atene. Mba yaahiluka ku Berea ni liji lize ashikile Paulu kuli Sila ni Timoteu ngwenyi amuhele nikawashi.

Yilinga 20:38

Yeevwa chinyengo chahiana ha maliji waze ambile ngwenyi: “Kunuchi kangumona nawa.” No yaamushinjikila ndoo ku ulungu.

Yilinga 21:5

Muze hitwatwama matangwa shimbiali mu limbo lize, yitukatuka ni kuya mu jila yetu, ayo eswe, ni mapwo jo ni ana jo, yaatushinjikila ndoo haze lia limbo. Yitusa makungunwa hashi ku mbumbulu ya kalunga lwiji, yitulemba.

Yilinga 28:15

Akwetu akwa Kristu a ku Roma yeevwa sango jetu, mba yeeza ndoo ku Chitanda cha Apiu ni ku limbo lia Mazuwo Atatu a Ngeji ni kutubatwiza. Muze Paulu haamona, yaasakwila Zambi, yalikoleza mu mbunge.

Yilinga 8:14

Muze tunganda twa Yesu heevwa ngwo, Asamaria haatambula liji lia Zambi, yaatumina Petulu ni Yoano.

A-ROMA 15:24

Ngunase mbunge ha kunumona muze mungukabalika ha kuya ku Espanya. Ngunase mbunge nawa ngwami, munukangushinjikila mu jila muze hinatwama kashimbu hakachi kenu.

1 Korintu 16:11

Mutu niumwe kanda amulelesa, alioze chanutamba kumushinjikila mu jila yenyi ni uhwimino, mba makahiluka kuli yami. Mumu ngunamushimbwila hamwe ni akwetu akwo.

1 Korintu 16:6

Kota mungukabwa ku mahienu matangwa anji, chibwe mwaka wamuundu wa chishika, mba nukahase kungushinjikila mu jila yami kweswako mungukaya.

2 Korintu 1:16

Mumu nanyongene kunuheta mu wenyi wami wakuya ku chifuchi cha Masedonia, ni ha kuhiluka chami nawa, hanga nikangukwase ha kuhiluka chami ku chifuchi cha Yudea.

Titu 3:13

Ulikoleleza kukwasa Zena, ngaji, ni Apolo abutule wenyi wo. Utala kanawa, kanda ahona nichimwe.