Yilinga 15:25 - Mukanda Wa Zambi 1970

²⁵ Kashika tunakalikungulula ni nyonga limuwika ha kutongola malunga amwe akunutumina hamwe ni akwetu Barnaba ni Paulu

MUKANDA USANDU WA ZAMBI 1975

²⁵ Hichatupemena, se hitwalitesa ni mbunge yimuwika, kutongola malunga mukwatuma kuli yenu hamwe ni Mbarnavwe ni Paulu waze tunaazange chikolo.

Yilinga 15:25 Iomraidhean Croise

Mateu 11:26

Ewa, Tata, Chenacho wazangile yena mwene.

Luka 1:3

Ni yami nawa hingunanyongo ngwami, chinalite kukusonekena yena, mwanangana, yikuma yize ngwe chinalite. Mumu hingunalisela pundu ku yuma yize yasolokele chize ku kabutu.

Yilinga 1:14

Wano eswe hamwe ni Maria, naye ya Yesu, ni mapwo akwo, ni anakwo ja Yesu yaanyongonona nikuwayila Zambi ni mbunge yimuwika.

Yilinga 15:2

Paulu ni Barnaba yaalihangulula no chikolo hakutwala ku chikuma chize. Kashika Chikungulwila yaatongola Paulu ni Barnaba ni atu akwo hakachi ko ha kuya ku Yerusaleme kuli tunganda twa Yesu ni makulwana mumu ha chikuma chize.

Yilinga 15:22

Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.

Yilinga 15:35

Paulu ni Barnaba yaasala matangwa anji ku limbo lia Antiokia. Yaalongesa, yaambujola maliji a Mwene Yesu, hamwe ni akwo anji.

Yilinga 15:6

Mba tunganda twa Yesu ni makulwana yaakunguluka ni kusopa chikuma chize.

Yilinga 2:1

Muze tangwa lia chiwanyino cha Pentekoste hiliaheta, ayo eswe yaabwa hamuwika, muma mumuwika.

Yilinga 2:46

Tangwa ha tangwa yaalikungulula mu zuwo lia Zambi lia Ayuda, yaalia yakulia yo hamuwika mu mazuwo jo ni kutuwika cha mbunge,

A-ROMA 16:12

Menekenu Trefene ni Trifosa, waze ahondanganyine mu milimo ya Mwene Yesu, ni sepa liami Perside, yoze wakilikichile chinji nawa mu milimo ya Mwene.

1 Korintu 1:10

Akwetu, ngunaliumbu kuli yenu mu jina lia Mwene wetu Yesu Kristu ngwami, yenu eswe likundenu ha yize nwakuhanjika, hanga uhandunwino kuuchi kubwa hakachi kenu. Likundenu ni nyonga limuwika ni ubatwilo umuwika.

Galashia 2:9

Tiangu (Jake), ni Petulu, ni Yoano, waze abwile ngwe akwa lutwe, yaanyingika ngwo, Zambi hanangutayiza milimo yino. Kashika, yaatwaha, Barnaba ni yami moko a chindume ha kulikunda. Ngwe akwa milimo ni akwo yitulitesa hamuwika ngwetu, yetu mutulinga hakachi ka waze hi Ayuda ko, ni ayo hakachi ka Ayuda.

Efesu 6:21

Tichiku, mukwetu mu ufulielo, kanda kavumbi wa kushishika mu milimo ya Mwene Yesu, makanwambulwila sango jeswe jakutwala kuli yami, hanga nunyingike chize nguli.

Kolosu 4:7

Mukwetu mu ufulielo, Tichiku, chikwashi wa kushishika, kavumbi ni mukwetu mu milimo ya Mwene Yesu, makanwambulwila sango jami jeswe.

Kolosu 4:9

Kaneza hamwe ni Onesimu, mukwetu mu ufulielo, mukwa kushishika. Kali wa ku mbunga jenu. No maanunyingikisa yuma yeswe yize yinabalika kuno.

Filemu 1:16

Keshi nawa ngwe ndungo wika, alioze kanahiana ndungo. Kali mukwetu mu kuliendela ni Kristu, chibichibi kuli yami. Alioze kuli yena mahiana chikolo, ku chisemewa, kanda yikwo ngwe mukwenu mu kuliendela ni Mwene Yesu!

2 Petulu 3:15

Nyongenu uhomboloji wa Mwene Yesu. Wenawo uli ulamwino wenu, ngwe chize mukwetu Paulu aliangile kusoneka ni mana waze amuhele Zambi.