Yilinga 15:22 - Mukanda Wa Zambi 1970

²² Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.

MUKANDA USANDU WA ZAMBI 1975

²² Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu;

Yilinga 15:22 Iomraidhean Croise

2 Samuel 3:36

Atu eswe yaasa ho chinyingi, ni yaachitayiza. Kuma yeswe yize mwanangana alingile, atu yaayitayiza.

2 Sango Ja Mianangana 30:12

Zambi yalinga nawa milimo mu Yuda. Yaaha atu mbunge yimuwika ni kulinga upale wenyi ha kufunga Shimbi ja mwanangana ni akwa kuyula jenyi.

2 Sango Ja Mianangana 30:4

Mwanangana ni Chikungulwila yaawahilila mumu ha manyonga waze.

Yilinga 1:23

No yaakatwisa atu aali: Josefe, yoze te akuvuluka ngwo, Barsaba (jina likwo Justu), ni mutu mukwo Mataya.

Yilinga 11:19

Lamba lize liakawile kushiha cha Estevau (Etienne) yilimwanga akwa k ufuliela mwamwaa. Akwo yaaya ndoo ku chifuchi cha Fenishia, ni ku tungu lia Shipre, ni ku limbo lia Antiokia. Kaambile ko maliji a Zambi kuli niumwe shina kuli Ayuda wika.

Yilinga 11:20

Alioze hakachi ko habwile malunga akwo a ku tungu lia Shipre ni ku limbo lia Sirene, muze haaheta ku Antiokia, yambujola nawa kuli mavungu akwo, yaanyingikisa Sango Jibema ja Mwene Yesu.

Yilinga 11:22

Sango jino jahetele ku Chikungulwila cha Yerusaleme, mba yaatuma Barnaba ku Antiokia.

Yilinga 11:27

Ha matangwa waze, amwe akwa munanyi a Zambi yaatuhuka mu Yerusaleme, yaaya ku Antiokia.

Yilinga 15:23

Tunganda yaaha mukanda uno ha kutuma ko. Ngwo: “Yetu tunganda twa Yesu ni makulwana, usoko wenu mu ufulielo, tunanumeneka yenu akwetu hi Ayuda ko nwatwama mu limbo lia Antiokia, ni mu chifuchi cha Siria, ni cha Silisia.

Yilinga 15:25

Kashika tunakalikungulula ni nyonga limuwika ha kutongola malunga amwe akunutumina hamwe ni akwetu Barnaba ni Paulu

Yilinga 15:27

Tunanutumina Yudase ni Sila. Enoo maakanwambulwila yuma yize hitwanusonekena.

Yilinga 15:3

Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.

Yilinga 15:30

Kashika, muze akwa lutwe haashika, atu waze yaaya ku Antiokia. Kwenako yaakungulula mbunga yeswe ya akwa kufuliela, yaaha mukanda.

Yilinga 15:32

Yudase ni Sila ayo ene te kaali akwa munanyi a Zambi. Yaashinjila akwa Kristu ni maliji anji ha kwatakamisa ni kwakolesa.

Yilinga 15:40

Alioze Paulu yatongola Sila. Akwa Kristu yaakunjika ku utu wa Zambi, mba yaaya mu jila.

Yilinga 16:19

Muze miata ja mwe mwana pwo haanyingika ngwo, kuyuka cha ubite wo hichahwa, yaakwata Paulu ni Sila, yaatacheka ndoo ku lwaza wa kusopela,

Yilinga 16:25

Alioze, ngwe ha muchima ufuku, Paulu ni Sila te kaanalembe ni kwimba miaso ya kuchichimieka Zambi. Funge akwo yaabanjika.

Yilinga 16:29

Kafunga yeta lutemo, yanjila mo fuji, aku machikima nganganga nganganga, yasa makungunwa hashi ku molu ja Paulu ni Sila.

Yilinga 17:10

Hazehene ha ufuku, akwa Kristu yaatwala Paulu ni Sila ku limbo lia Berea. Muze haaheta ko, yaanjila mu zuwo lia kuwayila lia Ayuda.

Yilinga 17:14

Hohene akwa Kristu yaatwala Paulu ndoo ku kalunga lwiji, alioze Sila ni Timoteu yaasala ko.

Yilinga 17:4

Akwo hakachi ko yaafuliela, yaalichinga ni Paulu ni Sila. Chimuwika nawa, mbunga yinene ya Agresia akwa kuwayila Zambi, ni mapwo anji a lufuma yaafuliela.

Yilinga 18:5

Muze Sila ni Timoteu haakatuka ku chifuchi cha Masedonia ni haaheta mu limbo lia Korintu, Paulu yabutuka kulongesa tangwa ha tangwa. Yashindakenya Ayuda ngwenyi: “Yesu mwe Chilamwina yoze Zambi alakenyene.”

Yilinga 8:14

Muze tunganda twa Yesu heevwa ngwo, Asamaria haatambula liji lia Zambi, yaatumina Petulu ni Yoano.

2 Korintu 1:19

Mumu Yesu Kristu Mwana Zambi, yoze Sila, ni Timoteu, ni yami twambujolele mukachi kenu, kejile ko kubwa ha chisuho chimuwika “Ewa” ni “Ka”. Muli Yesu, Zambi hanatayiza ngwenyi: “Ewa”.

1 Tesalonika 1:1

Yami Paulu, ni Sila, ni Timoteu, tunanusonekena yenu akwa Chikungulwila cha mu limbo lia Tesalonika, atu ja Zambi ni ja Mwene Yesu Kristu. Ngwetu, Zambi anulweze utu, ni anwehe uhwimino.

2 A-TESALONIKA 1:1

Yami Paulu, ni Sila, ni Timoteu, tunanumeneka yenu akwa Chikungulwila cha mu limbo lia Tesalonika, waze nwakulinunga ni Zambi Tata yetu ni Mwene Yesu Kristu.

1 Petulu 5:12

Silvanu unangukwase kunusonekena mukanda uno ukepe. Kali mukwetu mukwa kushishika. Ngunazange kunutakamisa ni kushindakenya ngwami, uno we utu wamwenemwene wa Zambi. Manenu mo nguu.