Yilinga 15:2 - Mukanda Wa Zambi 1970

² Paulu ni Barnaba yaalihangulula no chikolo hakutwala ku chikuma chize. Kashika Chikungulwila yaatongola Paulu ni Barnaba ni atu akwo hakachi ko ha kuya ku Yerusaleme kuli tunganda twa Yesu ni makulwana mumu ha chikuma chize.

MUKANDA USANDU WA ZAMBI 1975

² Muze te kashika Paulu ni Mbarnavwe halimika no chikolo, nikulihangujola no, atongwele Paulu ni Mbarnavwe, ni amwe akwo a kuli ayo, akanduke ku Yerusaleme kuli apostolo ni makulwana ha chihula chino.

Yilinga 15:2 Iomraidhean Croise

Kutuhuka 18:23

Nyi wachilinga, Zambi neye che anambe. Kuuchi kuhonga nikawashi. Muumona atu eswe milonga yo hiyahwa, no maahilwoka ku mazuwo jo ni uhwimino.”

Yilinga 10:23

Petulu yaatambula, yaalweza homa ha kubomba. Muze hikwacha, yakatuka, yaya hamwe no. Amwe akwa kufuliela a ku Jope yaamutwala.

Yilinga 11:12

Mwiku wa Linanga yiungwamba hanga nguye no, kuyambashana ka. Akwetu wano asambano yeeza hamwe ni yami ku Sesarea. Yetu eswe yitunjila mu zuwo lia Korneliu.

Yilinga 11:30

Yaachilinga, yaatuma mbongo kuli makulwana ku moko ja Barnaba ni Saulu.

Yilinga 15:25

Kashika tunakalikungulula ni nyonga limuwika ha kutongola malunga amwe akunutumina hamwe ni akwetu Barnaba ni Paulu

Yilinga 15:27

Tunanutumina Yudase ni Sila. Enoo maakanwambulwila yuma yize hitwanusonekena.

Yilinga 15:4

Muze Paulu ni Barnaba haaheta ku Yerusaleme, akwa Kristu, ni tunganda twa Yesu, ni makulwana yaasambilila. Paulu ni Barnaba yaambulula yuma yeswe yize Zambi alingile no.

Yilinga 16:4

Shimbu endanganyine mu membo, yaalongesa akwa Kristu hanga afunge Shimbi jize tunganda ni makulwana abatwile ku Yerusaleme.

Yilinga 21:18

Muze hikwacha, Paulu yaya hamwe ni yetu maha Tiangu (Jake). Makulwana eswe a mu Chikungulwila te kwe ali.

1 Korintu 1:1

Mukanda uno yami Paulu ni usoko wetu Sostene tunausoneka. Zambi, ku upale wenyi, hanangutambika ha kubwa kanganda ka Kristu Yesu.

2 Korintu 11:5

Ngunanyongo ngwami, tunganda twenu anene anene kaanguhianyine nichimwe!

Galashia 2:5

Kutwaatayijile ko, chibwe ha shimbu limwe likepe, hanga tukafunge umwenemwene wa Sango Jibema hali yenu.

Yuda 1:3

Akwetu, nasele tachi kuhiana kunusonekena hakutwala ku ulamwino uze atulamwinyine yetu eswe. Alioze haliabwila ngunamono ngwe chinalite kunusonekena ha kunutakamisa mu kulitachika chikolo ha ufulielo uze Zambi atuhele yetu akwa Kristu chisuho chimuwika ha miaka yeswe.

1 Samuel 8:7

Neye yakumbulula ngwenyi: “Banjika maliji eswe waze atu maakwamba, mumu kalitunyine ko yena, alioze kaalituna yami. Kaazangile yami kubwa mwanangana wo.