Yilinga 15:13 - Mukanda Wa Zambi 1970

¹³ Muze haalitwamina kuhanjika, Tiangu (Jake) yakumbulula ngwenyi: “Akwetu ngwivwenu.

MUKANDA USANDU WA ZAMBI 1975

¹³ Muze te hahola, Tiangu wakumbulwile ngwenyi, Mandumbu, ngwivwenu:

Yilinga 15:13 Iomraidhean Croise

Marku 15:40

Amwe mapwo, te kaanamana kusuku ni kutala. Hakachi ko te haali Maria Kamandala, ni Salome, ni Maria naye ya Josefe ni Tiangu (Jake) mukweze.

Yilinga 12:17

Petulu yaaholesa ni kwoko, yaalumbunwina ngwe chize Mwene wamutuhwishile mu zuwo lia lamba. Yamba nawa ngwenyi: “Chambulwilenu Tiangu (Jake) ni akwetu akwo.” Mba yakatuka, yaya kweka.

Yilinga 15:14

Simone hatunyingikisa ngwe chize hatangu Zambi hewuluka waze hi Ayuda ko, ni kutongola hakachi ko atu waze maabwa nienyi.

Yilinga 2:14

Mba Petulu yakatuka hamwe ni tumbaji akwo kumi ni kashi, yakololoka ngwenyi: “Akwetu Ayuda, ni yenu eswe waze nwatwama mu Yerusaleme, achivwenu, ngubanjikenu.

Yilinga 2:22

“Malunga ja Israele, ngubanjikenu! Zambi hanashindakenya hakutwala kuli Yesu wa ku Nazare, ni yipupu, ni yikomokeso, ni yilayi. Yuma yino Zambi wayilingile muli iye, ngwe chize nunanyingika yenwene, mumu wayilingile hakachi kenu.

Yilinga 2:29

“Akwetu, ngutayizenu kama kuhanjika mwazu kuli yenu hakutwala kuli kashakulu ketu David. Hanafu, haanamufundu. Fuka lienyi lili mukachi ketu ndoo musono uno.

Yilinga 21:18

Muze hikwacha, Paulu yaya hamwe ni yetu maha Tiangu (Jake). Makulwana eswe a mu Chikungulwila te kwe ali.

Yilinga 22:1

“Akwetu ni atata, ivwenu haliabwila kulisambisa chami ku meso jenu.”

Yilinga 7:2

Neye yakumbulula ngwenyi: “Akwetu ni atata, achivwenu! Zambi ya uhenya waswekelele kashakulu ketu Abrahama muze atwamine mu chifuchi cha Mesopotamia, shimbu te kanda achiza ni kutwama mu limbo lia Harane.

Galashia 1:19

Chamwene kanganda mukwo niumwe shina Tiangu (Jake) wika, mwanakwo wa Mwene Yesu.

Galashia 2:12

Muze waze atumine Tiangu (Jake) kanda achiheta, Petulu te kakulia hamwe ni waze hi Ayuda ko. Alioze muze atu waze haaheta, yaseunuka ni kulitwamina kulia hamwe no, mumu yevwila woma waze ambile ngwo, chatamba kupwisa ngalami waze hi Ayuda ko.

Galashia 2:9

Tiangu (Jake), ni Petulu, ni Yoano, waze abwile ngwe akwa lutwe, yaanyingika ngwo, Zambi hanangutayiza milimo yino. Kashika, yaatwaha, Barnaba ni yami moko a chindume ha kulikunda. Ngwe akwa milimo ni akwo yitulitesa hamuwika ngwetu, yetu mutulinga hakachi ka waze hi Ayuda ko, ni ayo hakachi ka Ayuda.

Tiangu (Jake) 1:1

Yami, Tiangu (Jake), kavumbi ka Zambi ni ka Mwene Yesu Kristu, ngunanumeneka yenu eswe, yenu atu ja Zambi waze hinunamwangashana hashi heswe.

Tiangu (Jake) 1:19

Akwetu akwa Kristu, iwulukenu chino ngwami, mutu mweswe alipupwise kwivwa, alioze abwe makoke kuhanjika, makoke kwivwa wuli.