Yilinga 15:12 - Mukanda Wa Zambi 1970

¹² Chizavu cheswe yaahola kuluu, ha kubanjika Paulu ni Barnaba ni kulumbununa yipupu ni yilayi yize Zambi halinga ni moko jo hakachi ka waze hi Ayuda ko.

MUKANDA USANDU WA ZAMBI 1975

¹² Chizavu cheswe aholele kulungunga; o apanjikile kuli Mbarnavwe ni Paulu shimbu ambulwile ha kutwala ku yilayi ni yipekesa yize alingile Zambi hakachi ka akwa mavungu ku moko jo.

Yilinga 15:12 Iomraidhean Croise

Yoano 4:48

Yesu yamwamba ngwenyi: “Nyi kunwamwene yilayi ni yikomokeso, kunuchi kufuliela.”

Yilinga 14:27

Muze haaheta ko, yaakungulula akwa Chikungulwila eswe, yaalumbunwina yeswe yize Zambi alingile no, ni ngwe chize hanazulwila waze hi Ayuda ko chajilo, hanga no afuliele.

Yilinga 15:3

Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.

Yilinga 15:4

Muze Paulu ni Barnaba haaheta ku Yerusaleme, akwa Kristu, ni tunganda twa Yesu, ni makulwana yaasambilila. Paulu ni Barnaba yaambulula yuma yeswe yize Zambi alingile no.

Yilinga 21:19

Muze Paulu haameneka, yaambulwila mwazu yuma yeswe yize Zambi alingile hakachi ka waze hi Ayuda ko hakutwala ku milimo yenyi.

A-ROMA 15:18

Mumu chichi kahamuka kuhanjika chimwe chuma shina chize Kristu wangutakamishine ha kukwasa waze hi Ayuda ko ha kwononokena Zambi. Kristu yachilinga ku maliji ni yitanga, ni ku tachi ja yilayi ni yikomokeso, ni ku ndundo ja Mwiku wa Linanga. Chenacho, nalumbunwine mwazu Sango Jibema hakutwala kuli Kristu. Nayile sali ni sali, chize ku limbo lia Yerusaleme ndoo ku chifuchi cha Iliriku.