Yilinga 14:9 - Mukanda Wa Zambi 1970

⁹ Yabanjika yize ahanjekele Paulu. Mwenawo yamuhulikila meso nee. Paulu yamumona ngwe kali ni ufulielo wa kubwa mungunu,

MUKANDA USANDU WA ZAMBI 1975

⁹ Yono wevwile Paulu kuhanjika: mwenawo wamuhulikilile meso, wamumwene ngwe kali ni Ufulielo amuhindwise.

Yilinga 14:9 Iomraidhean Croise

Mateu 13:58

Kalingile ko yikomokeso yinji mumu kaafulielele ko.

Mateu 15:28

Mba Yesu yamukumbulula ngwenyi: “Yena mama, ufulielo we unene! Chibwe ngwe chize unazange.” Mwanenyi yahinduka ha shimbu lizeliene.

Mateu 8:10

Ha kwivwa maliji wano, Yesu yalishimwoka, yambila waze te anamukaula ngwenyi: “Chamwenemwene ngunanwambe ngwami, kanda ngumono kama ufulielo ubwa haha, chibwe mu Israele ka.

Mateu 9:22

Yesu yatewuluka, yamumona, yamba ngwenyi: “Mwanami, hamuka! Ufulielo we hiwakuwuka.” Shimbu lizeliene mwe pwo yahinduka.

Marku 10:52

Yesu ngwenyi: “Yako kwe, ufulielo we hiwakuwuka.” Hazehene kapuputa yalaula, yakaula Yesu mu jila.

Marku 2:5

Muze hamona ufulielo wo, Yesu yambila mukwa kalepa ngwenyi: “Mwanami, milonga ye hiyakonekenewa.”

Marku 8:25

Yesu yamusa nawa moko ha meso. Mutu yoze yeseka nawa kuhiana, yalaula, yamona yuma yeswe zwalala.

Yilinga 10:4

Neye yamutala ni woma, yamuhula ngwenyi: “Mwene kuchi?” Kanganda ngwenyi: “Zambi hatayiza yilemba ye ni yawana yize wakuhana kuli yiswale, hakwiwuluka.

Yilinga 3:4

No yaamuhulikila meso. Mba Petulu yamwamba ngwenyi: “Tutale!”