Yilinga 14:3 - Mukanda Wa Zambi 1970

³ Paulu ni Barnaba yaatwama ko shimbu lisuku, yaalongesa ni hamu hakutwala kuli Mwene Yesu. Mwenawo yashindakenya maliji jo hakutwala ku utu wenyi ni kwaha tachi ja kulinga yilayi ni yipupu.

MUKANDA USANDU WA ZAMBI 1975

³ Anyongonweneko kashika shimbu linene, nikuhanjika ni hamu muli Mwene, mwenawo washindakenyene ku liji lia vumbi lienyi se atayijile yilayi ni yipekesa akayilinge ku moko jo.

Yilinga 14:3 Iomraidhean Croise

Marku 16:20

Tumbaji yaatuhuka nikwambujola kweswe. Mwene Yesu yalinga hamwe no nikukolesa longeso lio ni yilayi.]

Yoano 4:48

Yesu yamwamba ngwenyi: “Nyi kunwamwene yilayi ni yikomokeso, kunuchi kufuliela.”

Yilinga 13:46

Alioze Paulu ni Barnaba yaahanjika no ni hamu ngwo: “Chinalite kuhanjika maliji a Zambi kuli yenu hatangu. Alioze, mumu nunalituno ni nunabatula ngwenu, kunwatelele mwono wa miaka yeswe, haliabwila tunatewulukila kuli waze hi Ayuda ko.

Yilinga 2:22

“Malunga ja Israele, ngubanjikenu! Zambi hanashindakenya hakutwala kuli Yesu wa ku Nazare, ni yipupu, ni yikomokeso, ni yilayi. Yuma yino Zambi wayilingile muli iye, ngwe chize nunanyingika yenwene, mumu wayilingile hakachi kenu.

Yilinga 20:24

Alioze Chishi kwalula mwono wami ngwe Chuma chilemu. Nakuzanga kuhwisa kwenda chami ni milimo yami yize natambwile kuli Mwene Yesu. Milimo yino yenayi ayi: kushindakenya chikolo Sango Jibema ja utu wa Zambi.

Yilinga 20:32

“Haliabwila ngunanukunjika kuli Zambi ni ku liji lia utu wenyi. Kanahase kunukolesa ni kunuwahisa ni yiwape yize aswekelele atu jenyi.

Yilinga 4:31

Muze haalemba, muma muze akungulukile yimunyika. Ayo eswe yaazala ni Mwiku wa Linanga, mba yaabutuka kwambujola liji lia Zambi ni hamu.

Yilinga 5:32

Yetu tuli yela ja yuma yino, yetu ni Mwiku wa Linanga uze Zambi ahanyine kuli waze akumwononokena.”

A-ROMA 1:16

Mumu Chishi kwivwa sonyi ha Sango Jibema, mumu jili ndundo ja Zambi ha kulamwina eswe waze akufuliela, hatangu Ayuda, ni mavungu akwo nawa.

1 Tesalonika 2:2

Nunanyingika chize atuhungumionene kulu ku Filipu muze te kanda tuchinuheta. Alioze Zambi yatutakamisa ha kunwambujolela Sango jenyi Jibema, chibwe kuhamika chabwile chinji.

Hebreu 2:4

Mwaka uzewene Zambi yalweza yilayi, ni yipekesa, ni yipupu yeka ni yeka ha kulweza ngwo, hatayiza yuma yize te akwamba. Ku upale wenyi yaalianyina yawana yeka ni yeka ya Mwiku wenyi.