Yilinga 14:2 - Mukanda Wa Zambi 1970

² Alioze Ayuda akwo, waze kaafulielele ko, yaavundula waze hi Ayuda ko nikwalumbula hakutwala kuli akwa kufuliela.

MUKANDA USANDU WA ZAMBI 1975

² Alioze A-Yunda waze kononokene avundwile akwa mavungu nikwalumbula ha kutwala kuli mandumbu.

Yilinga 14:2 Iomraidhean Croise

Yoano 3:36

Yoze wakufuliela mwe Mwana, mwono wa miaka yeswe ali nawo. Yoze keshi kwononokena Mwana, kechi kamona mwono, alioze Zambi kakumuvwila ufwatulo.

Yilinga 1:15

Ha matangwa waze, Petulu yamana hakachi ka akwa kufuliela. Ayo eswe te ngwe kulakaji ni makumi aali. Neye yamba ngwenyi:

Yilinga 13:45

Ha kumona mbunga yize, Ayuda yeevwila ukwa unji, yaahangulula Paulu, yaamushililika.

Yilinga 13:50

Alioze Ayuda yaavundula mapwo pichi waze te akuwayila hamwe no, ni atu ja lufuma mu limbo. No yaahungumiona Paulu ni Barnaba, yaahanga mu chifuchi cho.

Yilinga 14:19

Alioze yikwiza Ayuda a ku Antiokia mu chifuchi cha Pisidia ni a ku limbo lia Ikoniu, yaalumbula mbunga. No yaamwasa Paulu mawe, yaamukokela haze lia limbo nikunyonga ngwo, hafwa.

Yilinga 14:4

Alioze chizavu cha mu limbo yaalihandununa, amwe yaabwa hamwe ni Ayuda, akwo hamwe ni tunganda twa Yesu.

Yilinga 14:5

Mba Ayuda ni waze hi Ayuda ko, hamwe ni akwa lutwe jo, yaanyonga kumwesa Paulu ni Barnaba lamba, ni kwashiha ni mawe.

Yilinga 17:13

Alioze, muze Ayuda a ku Tesalonika heevwa ngwo, Paulu kanambujola maliji a Zambi ku Berea, yeeza nawa kwe kuze ni kubinjisa ni kuvundula mbunga.

Yilinga 17:5

Alioze Ayuda yeevwa ukwa, yaakambila amwe yingulungulu, atu amokomoko, ni kukungulula mbunga. Yaaneha Vunda jinji mu limbo, yaajingilika zuwo lia Jasone nikufupa Paulu ni Sila hanga aakunjike ku mbunga ya akwa limbo.

Yilinga 18:12

Alioze, muze haapwisa Galiu mukwa kuyula wa chifuchi cha Gresia, Ayuda yaakatukila Paulu ni mbunge yimuwika, yaamutwala ku chisopelo.

1 Tesalonika 2:14

Akwetu, hinunamono lamba lizeliene amwene nawa Yikungulwila ya Zambi mu chifuchi cha Yudea, waze akulinunga ni Kristu Yesu. Akwa chifuchi chenu yaanuhungumiona ngwe chize Ayuda ahungumionene akwa Kristu a mu Yikungulwila ya mu Yudea.