Yilinga 14:1 - Mukanda Wa Zambi 1970

¹ Chizechene nawa ku limbo lia Ikoniu. Paulu ni Barnaba yanjila mu zuwo lia kuwayila lia Ayuda. Mumu ha kulongesa cho, chizavu chinene cha Ayuda ni Agresia yaafuliela.

MUKANDA USANDU WA ZAMBI 1975

¹ Chapwile mu Ikoniu, anjilile hamuwika mu sunangonga ya A-Yunda, chocho ahanjikile mba chizavu chinene cha A-Yunda ni A-Ngresia afulielele.

Yilinga 14:1 Iomraidhean Croise

Marku 7:26

Mwe pwo chilambala, yasemukina ku Fenishia mu chifuchi cha Siria, yaliumba kuli Yesu atuhwise mwiku wa luchisa muli mwanenyi.

Yoano 12:20

Amwe Agresia yaabwa mukachi ka waze ayile ku Yerusaleme mu kuwayila ha chiwanyino.

Yoano 7:35

Ayuda yaalihula ngwo: “Kulihi maya kuze kutuchi kamuwana? Maya ku membo ja Agresia, kuze Ayuda haanamwangashana, ha kulongesa Agresia nyi?

Yilinga 11:21

Ndundo ja Mwene jabwile hamwe no, ni atu anji yaafuliela, yaatewuluka kuli Mwene.

Yilinga 13:43

Muze te waze ali mu zuwo lia kuwayila haamwangana, atu anji, Ayuda ni akwa kufuliela a ku mavungu akwo, yaakaula Paulu ni Barnaba. No yaashinjila amane nguu mu utu wa Zambi.

Yilinga 13:46

Alioze Paulu ni Barnaba yaahanjika no ni hamu ngwo: “Chinalite kuhanjika maliji a Zambi kuli yenu hatangu. Alioze, mumu nunalituno ni nunabatula ngwenu, kunwatelele mwono wa miaka yeswe, haliabwila tunatewulukila kuli waze hi Ayuda ko.

Yilinga 13:5

Muze haaheta mu limbo lia Salamina, yaambujola maliji a Zambi mu mazuwo a kuwayila a Ayuda. Yoano te chikwashi cho.

Yilinga 13:51

Mba Paulu ni Barnaba yaakukumuna fufuta ya ku molu jo, yaaya ku limbo lia Ikoniu.

Yilinga 14:19

Alioze yikwiza Ayuda a ku Antiokia mu chifuchi cha Pisidia ni a ku limbo lia Ikoniu, yaalumbula mbunga. No yaamwasa Paulu mawe, yaamukokela haze lia limbo nikunyonga ngwo, hafwa.

Yilinga 14:2

Alioze Ayuda akwo, waze kaafulielele ko, yaavundula waze hi Ayuda ko nikwalumbula hakutwala kuli akwa kufuliela.

Yilinga 14:21

Kwenako Paulu ni Barnaba yaambujola Sango Jibema. Atu anji yaatayiza kubwa tumbaji. Mba e tunganda yaahiluka ku Listra, ni ku Ikoniu, ni ku Antiokia mu chifuchi cha Pisidia,

Yilinga 16:1

Paulu yaheta ku membo ja Derbe ni Listra, yawana ko umwe kambaji, jina lienyi Timoteu, mwana wa umwe pwo Kayuda, mukwa kufuliela, alioze tato Kagresia.

Yilinga 16:2

Akwa Kristu ku Listra ni ku Ikoniu yaamushindakenya ngwo, kali mubema.

Yilinga 17:12

Ayuda anji yaafuliela. Agresia nawa yaafuliela: mapwo alemu ni malunga.

Yilinga 17:17

Kashika yaahanjeka mu zuwo lia kuwayila kuli Ayuda ni kuli akwa kuwayila Zambi a ku mavungu akwo. Yalongesa nawa mu yitanda tangwa ha tangwa atu waze te akwiza ko.

Yilinga 17:4

Akwo hakachi ko yaafuliela, yaalichinga ni Paulu ni Sila. Chimuwika nawa, mbunga yinene ya Agresia akwa kuwayila Zambi, ni mapwo anji a lufuma yaafuliela.

Yilinga 18:4

Tangwa heswe lia kuhwima, Paulu yalongesa mu zuwo lia kuwayila lia Ayuda, yafupa kukununa Ayuda ni Agresia.

Yilinga 18:8

Krispu, mukwa lutwe wa zuwo lia kuwayila lia Ayuda, yafuliela Mwene Yesu hamwe ni akwa zuwo lienyi eswe. Akwa Korintu akwo anji nawa, muze heevwa Paulu, yaafuliela. Mba yaapapachisa.

Yilinga 19:10

Chino yichibwa ha miaka yaali. Kashika atu eswe a mu chifuchi cha Asia, Ayuda ni waze hi Ayuda ko, yeevwa sango ja Mwene Yesu.

Yilinga 19:17

Akwa Efesu, Ayuda ni waze hi Ayuda ko, yaachivwa, yeevwa woma, yaalemesa jina lia Mwene Yesu.

Yilinga 19:8

Paulu yanjila mu zuwo lia kuwayila lia Ayuda. Ha shimbu lia tukweji atatu yahanjika ni hamu, yeseka kwakununa hakutwala ku Wanangana wa Zambi.

Yilinga 2:47

yaachichimieka Zambi. Atu eswe yaasa vumbi. Tangwa ha tangwa Mwene yawezela ku mbunga yo waze te Zambi analamwina.

Yilinga 20:21

Hingunashindakenya kuli Ayuda ni kuli waze hi Ayuda ko, ngwe chize chaatamba kwalumuna mbunge jo kuli Zambi ni kufuliela Mwene wetu Yesu.

Yilinga 21:28

yaakololoka ngwo: “Malunga a Israele, tukwasenu. Mutu yono kakuya kweswe nikwambujola ha kulimika ni Aisraele, ni Shimbi, ni zuwo lino. Chibwe haliabwila hanjisa waze hi Ayuda ko mu zuwo lino lia Zambi, hajilula muma muno mwa chijila.”

Yilinga 9:20

Hazehene yabutuka kwambujola mu mazuwo ja kuwayila hakutwala kuli Yesu, ngwenyi: “Mwe Mwana Zambi.”

A-ROMA 1:16

Mumu Chishi kwivwa sonyi ha Sango Jibema, mumu jili ndundo ja Zambi ha kulamwina eswe waze akufuliela, hatangu Ayuda, ni mavungu akwo nawa.

A-ROMA 10:12

Kulisa chakuhi mukachi ka Ayuda ni mavungu akwo, mumu eswe Mwene umuwika akwete, yoze wakuyukisa eswe waze akumufuliela.

Galashia 2:3

Mukwetu Titu, chibwe kali Kagresia, akwa Kristu kaamushinjikile ko akamupwise ngalami.

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Kolosu 3:11

Ha chino, kunushi nawa yilambala ni Ayuda, chibwe ngalami ni yilima, chibwe waze kaalilongesele hanji waze keeshi mana, chibwe ndungo hanji enyaho, alioze hasala lume Kristu; mwe unakwata eswe.

2 Timoteu 3:11

Unanyingika nawa chize atu akunguhungumiona, ni lamba likwo lize nakumona. Unanyingika yuma yeswe yize yanguwanyine ku limbo lia Antiokia, ni ku membo ja Ikoniu ni Listra, yihungumiona yize nanyongonwene nayo. Alioze Mwene yangupulula ku yuma yize yeswe.