Yilinga 13:7 - Mukanda Wa Zambi 1970

⁷ Te kali hamwe ni mukwa kuyula Sergiu Paulu, mukwa malinjekela. Mwe mukwa kuyula yatambika Barnaba ni Saulu, mumu yazanga kwivwa maliji a Zambi.

MUKANDA USANDU WA ZAMBI 1975

⁷ iye wapwile hamwe ni nguvulu Sejiu Paulu, mukwa malinjekela. Iye watambikile Mbamavwe ni Saulu, wafupile kwivwa liji lia Zambi.

Yilinga 13:7 Iomraidhean Croise

Yishima 14:15

Chizuzuke kakufuliela yuma yeswe yize atu akwamba, alioze chikanyame kakutala kanawa yize iye mwene akulinga.

Yishima 14:18

Yizuzuke kaakumona lamba nikulita ni uhepuke wo; fweto ya akwa kukanyama malinjekela.

Yishima 14:8

Mumu yika mukwa malinjekela kali ni mana? Mumu kakunyingika chize chatamba kulinga. Mumu yika chihepuke kali ni uhepuke? Mumu kakunyonga ngwenyi ngunanyingika chize Changutamba kulinga, alioze kachinyingikine.

Yishima 18:15

Akwa mana kaakulilulika ni kaakuzanga kulilongesa matangwa eswe.

Hosea 14:9

Waze ali ni mana evwe kanawa yuma yize yinasonewa mu mukanda uno, ayifunge mu mbunge. Majila a Mwene Zambi kaali a ululi, akwa ululi kaakwenda mo. Alioze yivulumunyi kaakutalinga, kaakulimbuka, mumu keeshi kwaalula ngwe Chuma.

Yilinga 13:12

Ha kuchiimona, mukwa kuyula yafuliela, yalishikishila ha longeso Hakutwala kuli Mwene Yesu.

Yilinga 13:8

Alioze mukwa kulinga tufutafuta, Elima (lie jina lienyi mu greke), yamanangana no, yazanga kukwika mukwa kuyula ku ufulielo.

Yilinga 18:12

Alioze, muze haapwisa Galiu mukwa kuyula wa chifuchi cha Gresia, Ayuda yaakatukila Paulu ni mbunge yimuwika, yaamutwala ku chisopelo.

Yilinga 19:38

Kashika, nyi Demetriu ni akwa milimo jenyi chikuma ali nacho cha kusuma mulonga mweswe mutu, alisume. Mumu matangwa a kubatula milonga tuli no, ni tuli nawa ni ngaji.

1 Tesalonika 5:21

Esekenu yuma yeswe, kakaminyenu yize yibema.