Yilinga 13:6 - Mukanda Wa Zambi 1970

⁶ Yaabalika mu tungu lieswe ndoo ku limbo lia Pafo Yaawana mo umwe lunga, Kayuda, jina lienyi Bar-Yesu, mukwa munanyi wa mahuza te mukwa kulinga tufutafuta.

MUKANDA USANDU WA ZAMBI 1975

⁶ Muze apalikile ndusu mu tungu lieswe ndo ku Pafwo, awanyine umwe mukwa tufutafuta, profeta wa kwonga, Ka-Yunda, jina lienyi Mbar-Yesu;

Yilinga 13:6 Iomraidhean Croise

1 Yitanga Ya Mianangana 22:22

Mwene Zambi ngwenyi: ‘Ngwe kuchi?’ We mwiku ngwenyi: ‘Munguya ni kushinjika akwa munanyi ja Ahabe eswe akahanjike mahuza.’ Mwe Zambi ngwenyi: ‘Yako ukamwonge, kumuukamukumba.’ ”

1 Sango Ja Mianangana 10:13

Chenacho Saulu afwile mumu ha utanguko wenyi kuli Mwene Zambi. Yakolema Shimbi jenyi, chikwo nawa, yahula chiyulo kuli mukwa mahamba

Kutuhuka 22:18

“Mukwa kupanda chatamba kumushiha.

Alevi 20:6

“Nyi umwe mahula mana kuli akwa mahamba ni kuli tahi, mungulimika nenyi, chichi kumwalula nawa mukachi ka atu jami.

Zakaria 13:3

Nyi umwe mutu makazanga kuhanjika munanyi, tato ni naye maakamwamba ngwo, chamutamba kufwa, mumu hamba ngwenyi kanahanjika maliji a Zambi alioze heseka kuhanjika mahuza. Muze makahanjika munanyi, tato ni naye maakamushiha ni poko.

Mateu 16:17

Yesu yamwamba ngwenyi: “Kuwawaha, yena Simone mwana wa Yoano, mumu mukwa hashi niumwe kausolwele umwenemwene uno, alioze Tata wa mwilu.

Mateu 24:24

Mumu yilamwina a mahuza ni akwa munanyi a kupianguka kumaakasoloka ni kulweza yilayi yinene ni yipupu hanga apiangule, nyi muchihasa kubwa, chibwe waze Zambi hanatongola.

Mateu 7:15

“Nukanyama mumu hali akwa munanyi a kupiangula. Kaakunusolokela ngwe mapanga, alioze muchima kaali tungunga asasu.

Marku 10:46

No yaaheta ku limbo lia Yeriku. Shimbu te Yesu machituhuka mo, hamwe ni tumbaji twenyi ni mbunga yinene, Bartimeu, mwana wa Timeu, kapuputa, te kanatwama ku sesa lia jila ni kuunjila.

Yilinga 13:13

Paulu ni waze endele nenyi yaakatuka ku Pafo, yaazauka mu ulungu, yaaheta ku limbo lia Perga mu chifuchi cha Pamfilia. Alioze Yoano Marku yeehuka, yahiluka ku Yerusaleme.

Yilinga 13:8

Alioze mukwa kulinga tufutafuta, Elima (lie jina lienyi mu greke), yamanangana no, yazanga kukwika mukwa kuyula ku ufulielo.

2 Korintu 11:13

Atu waze kaali tunganda twa mahuza, kaakwonga atu ni milimo yo. Nawa kaakwamba ngwo, kaali tunganda twa Kristu, alioze hi tunganda twa Kristu ko.

2 Timoteu 3:8

Ngwe Jane ni Jambre alimikine ni Mose, chimuwika nawa malunga wano kaakulimika ni umwenemwene malunga waze akwete manyonga a uhepuke, keeshi ufulielo wamwenemwene.

1 Yoano 4:1

Akwetu, kanda nufuliela eswe waze akwamba ngwo, Mwiku wa Zambi akwete, alioze esekenu ha kumona nyi Mwiku uze ali nawo kuuli wa kuli Zambi, nyi ka. Mumu akwa munanyi a mahuza anji haanamwangana hashi heswe.

Usolwelo 19:20

No yaakwata mwe ngongo ni mahuza yoze te wakulinga yilayi ku meso jenyi. (Ni yilayi yize yonga atu waze atambwile mifunda kuli ngongo yoze, ni waze te akuwayila kaponya kenyi.) Ngongo ni mukwa munanyi wa mahuza yaambila ni mwono mu wina uze wakulekwoka kahia ni fundanga.