Yilinga 13:5 - Mukanda Wa Zambi 1970

⁵ Muze haaheta mu limbo lia Salamina, yaambujola maliji a Zambi mu mazuwo a kuwayila a Ayuda. Yoano te chikwashi cho.

MUKANDA USANDU WA ZAMBI 1975

⁵ Ni muze apwile ku Salamina, ambujolele liji lia Zambi mu masunangonga ja A-Yunda; o apwile ni Yoano nawa ngwe kambaji ko.

Yilinga 13:5 Iomraidhean Croise

1 Yitanga Ya Mianangana 19:21

Elisha yahiluka ku munda wenyi, yanda ngombe jenyi aali, yaashiha, yoocha ha kunyi ja kanga yo, yahana yifwo kuli waze alingile nenyi. No yaayilia. Mba Elisha yakaula Eliya akabwe chikwashi chenyi.

1 Yitanga Ya Mianangana 19:3

Eliya yevwa woma, yachina hamwe ni kavumbi kenyi ni kulilamwina, yaya ndoo ku limbo lia Bersheba mu chifuchi cha Yuda. Yahichika ko kavumbi kenyi,

1 MIANANGANA 3:11

Mwanangana Yehosafate yahula ngwenyi: “Hano kuheshi kama umwe mukwa munanyi yoze mahasa kutuhulila kuli Mwene Zambi, nyi?” Umwe mwata wa tujita twa mwanangana Jorame, yakumbulula ngwenyi: “Elisha mwana wa Jafate hano hali, te kavumbi ka mukwa munanyi Eliya.”

Kutuhuka 24:13

Mose yalilulika hamwe ni chikwashi chenyi Yoshua, mba yaakanduka ha mulundu wa Zambi.

Mateu 20:26

Alioze hi chocho ko hakachi kenu. Nyi umwe hakachi kenu mazanga kubwa munene, chamutamba kubwa kavumbi kenu.

Yilinga 12:12

Muze halinyingika pundu, yaya ku zuwo lia Maria, naye ya Yoano, jina lienyi likwo Marku. Kwenako atu anji te akukunguluka nikulemba.

Yilinga 12:25

Muze Barnaba ni Saulu haamanununa milimo yo mu Yerusaleme, yaahiluka ku Antiokia nikutwala hamwe no Yoano, jina lienyi likwo Marku.

Yilinga 13:14

No yaakatuka ku Perga, yaaheta ku limbo lia Antiokia mu chifuchi cha Pisidia. Ha tangwa lia kuhwima yaanjila mu zuwo lia kuwayila lia Ayuda, yaatwama tumbaa.

Yilinga 13:46

Alioze Paulu ni Barnaba yaahanjika no ni hamu ngwo: “Chinalite kuhanjika maliji a Zambi kuli yenu hatangu. Alioze, mumu nunalituno ni nunabatula ngwenu, kunwatelele mwono wa miaka yeswe, haliabwila tunatewulukila kuli waze hi Ayuda ko.

Yilinga 14:1

Chizechene nawa ku limbo lia Ikoniu. Paulu ni Barnaba yanjila mu zuwo lia kuwayila lia Ayuda. Mumu ha kulongesa cho, chizavu chinene cha Ayuda ni Agresia yaafuliela.

Yilinga 15:37

Barnaba yazanga Yoano, jina lienyi likwo Marku, akaye hamwe no.

Yilinga 17:17

Kashika yaahanjeka mu zuwo lia kuwayila kuli Ayuda ni kuli akwa kuwayila Zambi a ku mavungu akwo. Yalongesa nawa mu yitanda tangwa ha tangwa atu waze te akwiza ko.

Yilinga 18:4

Tangwa heswe lia kuhwima, Paulu yalongesa mu zuwo lia kuwayila lia Ayuda, yafupa kukununa Ayuda ni Agresia.

Yilinga 19:22

Yatuma aali a kuli yikwashi jenyi ku Masedonia, Timoteu ni Erastu. Alioze iye mwene yasala shimbu limwe mu chifuchi cha Asia.

Yilinga 19:29

Limbo heswe yilibwa ni Vunda jinji. Mbunga yaakwata Gayu ni Aristarku, akwa Masedonia, waze te akwenda ni Paulu, yaalundumukina ni mbunge yimuwika nikwatwala ku lwaza.

Yilinga 19:8

Paulu yanjila mu zuwo lia kuwayila lia Ayuda. Ha shimbu lia tukweji atatu yahanjika ni hamu, yeseka kwakununa hakutwala ku Wanangana wa Zambi.

Yilinga 9:20

Hazehene yabutuka kwambujola mu mazuwo ja kuwayila hakutwala kuli Yesu, ngwenyi: “Mwe Mwana Zambi.”

Kolosu 4:10

Aristarku, yoze uli mu zuwo lia lamba hamwe ni yami, kananumeneka. Marku nawa, musonyi wa Barnaba kananumeneka. (Nwevwile kulu kushinjila chami hakutwala kuli Marku ngwami, nyi ngwe wanuheta, numutambula kanawa.)

2 Timoteu 4:11

Luka wika uli hamwe ni yami. Hitula Marku, Wize nenyi, mumu kumahasa kungukwasa mu milimo yami.