Yilinga 13:43 - Mukanda Wa Zambi 1970

⁴³ Muze te waze ali mu zuwo lia kuwayila haamwangana, atu anji, Ayuda ni akwa kufuliela a ku mavungu akwo, yaakaula Paulu ni Barnaba. No yaashinjila amane nguu mu utu wa Zambi.

MUKANDA USANDU WA ZAMBI 1975

⁴³ Muze te akwa sunangonga halimwanga, A-Yunda anji ni akwa kutayiza akuwayila akawile Paulu ni Mbarnavwe, o nikuhanjika kuli ayo, aakunwine kunyongonona mu vumbi lia Zambi.

Yilinga 13:43 Iomraidhean Croise

Mateu 23:15

“Lamba lienu alongeshi a Shimbi ni Afariseu, yilembekese! Mumu nwakujingajinga hashi heswe ni ha meya hanga nutayijise kambaji umuwika! Muze mataa, hinwamwalumuna yisuho yaali kutela mu kahia kuhiana yenwene!

Yilinga 11:23

Muze haheta ko, yamona chize Zambi awahishile akwa kufuliela. Neye yawahilila, yaatakamisa eswe ha kulalaminya Mwene Yesu ni mbunge yeswe.

Yilinga 13:50

Alioze Ayuda yaavundula mapwo pichi waze te akuwayila hamwe no, ni atu ja lufuma mu limbo. No yaahungumiona Paulu ni Barnaba, yaahanga mu chifuchi cho.

Yilinga 14:22

yaakolesa tumbaji, yaatakamisa amane nguu mu ufulielo, yaamba ngwo: “Chatutamba kunjila mu Wanangana wa Zambi ni lamba linji.”

Yilinga 14:3

Paulu ni Barnaba yaatwama ko shimbu lisuku, yaalongesa ni hamu hakutwala kuli Mwene Yesu. Mwenawo yashindakenya maliji jo hakutwala ku utu wenyi ni kwaha tachi ja kulinga yilayi ni yipupu.

Yilinga 16:14

Umwe pwo hakachi ko, jina lienyi Lidia, wa ku limbo lia Tiatira, te kakulanjisa mahina alemu achila. Mwenawo mukwa kuwayila Zambi. Mwene yamwazulula mbunge yenyi ha kwivwa kanawa yize ahanjekele Paulu.

Yilinga 17:17

Kashika yaahanjeka mu zuwo lia kuwayila kuli Ayuda ni kuli akwa kuwayila Zambi a ku mavungu akwo. Yalongesa nawa mu yitanda tangwa ha tangwa atu waze te akwiza ko.

Yilinga 17:34

Alioze amwe malunga yaalichinga nenyi, yaafuliela. Hakachi ko Dionisiu, wa ku mbunga ya Areopago, ni umwe pwo, jina lienyi Damari, ni amwe akwo.

Yilinga 17:4

Akwo hakachi ko yaafuliela, yaalichinga ni Paulu ni Sila. Chimuwika nawa, mbunga yinene ya Agresia akwa kuwayila Zambi, ni mapwo anji a lufuma yaafuliela.

Yilinga 18:7

Neye yakatuka, yanjila mu zuwo lia umwe lunga, jina lienyi Titu Justu, yoze te wakuwayila Zambi hamwe ni Ayuda. Zuwo lienyi te lialihata ni zuwo lia kuwayila.

Yilinga 2:10

ni Frigia, ni Pamfilia, ni Egiptu, ni ku Chihanda cha Libia chize chasulangana ni Sirene, ni njize waze akatukile ku Roma,

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

Yilinga 6:5

Maliji wano yaawahisa mbunga yeswe. No yaasakula Estevau (Etienne), mutu yoze te unazala ni Mwiku wa Linanga, mukwa kufuliela wamwenemwene. Yaatongola nawa Filipe, ni Prokoru, ni Nikanore, ni Timone, ni Parmena, ni Nikalau, wa ku limbo lia Antiokia, mukwa vungu likwo yoze watayijile longeso lia Ayuda.

A-ROMA 11:6

Zambi hanaatongola mumu ha utu wenyi, hi ha yitanga yo ko yize alingile. Nyi hanaatongola mumu ha yitanga yo, kachi utu wa Zambi kuuchi kubwa wamwenemwene.

A-ROMA 3:24

Alioze Zambi, ku utu wenyi, kakupwisa eswe akwa ululi. Kakuchilinga chawana ku tachi ja Yesu Kristu, yoze wakwatusula ku ubinji wa shili.

A-ROMA 5:2

Mumu ha ufulielo wetu, Yesu hanatunehena utu wa Zambi, utu uze tuli nawo haliabwila. Twakuwahilila mumu twakusa mbunge ha kubwa ni Chihanda mu uhenya wa Zambi.

A-ROMA 5:21

Hatangu shili yayulile atu, Kashika atu afwile. Haliabwila, utu wa Zambi wakutuyula ni kutupwisa akwa ululi. Kashika tuli ni mwono wa miaka yeswe ha kulinunga ni Yesu Kristu, Mwene wetu.

2 Korintu 5:11

Tunanyingika chize chatutamba kwivwila Mwene Zambi woma. Kashika tuneseka kulongesa atu. Zambi kanatunyingika kanawa, ni ngunafuliela ngwami, mu mbunge jenu nunangunyingika nawa.

2 Korintu 6:1

Kashika yetu, waze twakulinga hamwe ni Zambi, tunaliumbu kuli yenu ngwetu, kanda nulelesa utu uze Zambi hananulweze.

Galashia 5:1

Kristu hanatutusula hanga tubwe akwa kutusuka amwenemwene. Manenu nguu mu utuswilo uno. Kanda nutayiza kubwa nawa ndungo.

Galashia 5:4

Yenu, waze nwakufupa kubwa akwa ululi ha kwononokena Shimbi, hinwalihandununa ni Kristu. Hinwalichiza ku utu wa Zambi.

Efesu 2:8

Mumu Zambi, ku utu wenyi, hananulamwina, mumu ha ufulielo. Ulamwino uno hi wa kuli yenu ko, kuuli chawana cha Zambi.

Filipu 3:16

Chuma chimuwika, yetu chatutamba kulinga nikulita ni mwono uze hitwazuka kulu.

Filipu 4:1

Kashika akwetu akwa Kristu, manenu chizechene nguu, mu kuliendela chenu ni Mwene Yesu. Akwetu ngunanuzange, ngunanuvwila usona, ngunalisambe ni yenu, nunanguwahisa.

Kolosu 1:23

Alioze, chanutamba kumana nguu mu ufulielo wenu, akwa kujikiza kanawa. Atu kanda anwonga ha kwehuka yuma yize te nwakusa mbunge, chize kuze nwevwile Sango Jibema. Yami, Paulu, nguli kavumbi ka Sango jino Jibema—Sango jize ambujolele kuli akwa hashi eswe.

Kolosu 1:28

Kashika twakwambujola Kristu kuli atu eswe. Twakutoweza ni kulongesa mutu mweswe, ni mana eswe, ha kuhetesa mutu mweswe mungunu ku meso ja Zambi mu kulinunga ni Kristu.

Titu 2:11

Mumu Zambi hanasolola utu wenyi ha kulamwina atu eswe.

Hebreu 12:15

kuchina umwe mehuka utu wa Zambi. Kanyamenu kuchina umwe mabwa ngwe muji usasu uze muusoka ni muubinjisa atu anji ku kusasa chawo.

Hebreu 13:9

Longeso lieka ni lieka kanda linupiangula. Mbunge jetu jitakame ni utu wa Zambi. Kujahashile kutakama ha kufunga Shimbi jeka ni jeka hakutwala ku kulia. Shimbi jize kujishi kukwasa nichimwe waze akujifunga.

1 Petulu 5:12

Silvanu unangukwase kunusonekena mukanda uno ukepe. Kali mukwetu mukwa kushishika. Ngunazange kunutakamisa ni kushindakenya ngwami, uno we utu wamwenemwene wa Zambi. Manenu mo nguu.

2 Petulu 3:14

Kashika, akwetu shimbu nunashimbwila Tangwa lize, likolezenu hanga nubwe akwa ululi, kunushi kapalia, ku meso ja Zambi, ni hanga nubwe ni uhwimino nenyi.

1 Yoano 2:28

Ana jami, haliabwila nwakulinunga ni Kristu; twamenu chizechene hanga tukajikize, ni kutuchi kevwa sonyi ku meso jenyi ha tangwa lia kwiza chenyi.

2 Yoano 1:9

Yoze wakulituna longeso lia Kristu keshi kuliendela ni Zambi. Yoze wakutayiza longeso lia Yesu kakuliendela ni Tata Zambi hamwe ni Mwanenyi.