Yilinga 13:40 - Mukanda Wa Zambi 1970

⁴⁰ Kanyamenu kashika, kuchina chize ahanjikile akwa munanyi ja Zambi kanda chikeza hali yenu ngwo:

MUKANDA USANDU WA ZAMBI 1975

⁴⁰ Kanyamenu kashika, kuchina chize anachihanjika mu mikanda ya aprofeta muchikeza hali yenu ngwo;

Yilinga 13:40 Iomraidhean Croise

Izaya 29:14

Kashika mungukaalamba chakutungumuna nawa ni nawa. Akwa mana maakalumuka yihepuke, mana jo eswe maakabwa amokomoko.”

Ezekiel 33:9

Nyi yena walweza mwe Chivulumunyi, hindu kalumwine ko ku mbunge, kumafwa shimbu te achili Chivulumunyi, alioze yena hiwalilamwina.”

Habakuke 1:5

Mba Mwene Zambi yambila atu jenyi ngwenyi: “Talenu kanawa mavungu waze ananujingilika, mba munulishimwoka ha chize munumona. Mungulinga chimwe Chuma chize kunuchikufuliela muze munuchivwa.

Malaki 3:2

Alioze iya makahasa kujikiza ha tangwa lize? Iya makahasa kubwa ni mwono muze makasoloka? Kumakabwa ngwe savo (sabau) ya tachi, hanji ngwe kahia kaze kakubemesa utale.

Malaki 4:1

Mwene Zambi Mukwa Ndundo Jeswe kanambe ngwenyi: “Tangwa kulineza lize mulikabwa ngwe lutengo wa kahia. Mba akwa kulengumuka ni yingulungulu maakawema ngwe mwambu. Mitango ni miji niyimwe muyikasala.

Luka 24:44

Mba yaamba ngwenyi: “Wano e maliji nanwambile muze nabwile hamwe ni yenu, ngwami, yize yeswe yasonewene hakutwala kuli yami mu Shimbi ja Mose, ni mu mikanda ya akwa munanyi a Zambi, ni Miaso (Masamu) chatamba yikamanunuke.”

Yoano 6:45

Akwa munanyi a Zambi haanasoneka liji lino ngwo: ‘Zambi makalongesa atu eswe.’ Mutu mweswe mevwa liji lia Tata, ni matambula longeso lienyi kumeza kuli yami.

Yilinga 15:15

Maliji a Zambi kuli akwa munanyi kaanalite ni maliji wano, ngwe hichinasonewa mu Mukanda wa Zambi. Ngwo:

Yilinga 7:42

Alioze Zambi yoomba nyima, yaatayiza kuwayila matongonoshi a mwilu, ngwe hichinasonewa mu mukanda wa akwa munanyi ja Zambi ngwo: ‘Yenu Aisraele, yitapo ni milambu yize nwalambwile miaka makumi awana mu puya, kuli yami nwayilambwile, nyi?

Hebreu 12:25

Kanyamenu, kanda nulituna yoze unahanjika. Atu waze alitunyine yoze te wakwalweza liji lia Zambi hano hashi, yaamwesa lamba. Nyi Chenacho, tunyingikenu ngwetu, nyi mutwehuka Mukwa Mwilu yoze unatuhanjikila, ni yetu makatumwesa lamba liahiana.

Hebreu 2:3

Ngwe kuchi mutuhasa kuchina lamba ngwe lize, nyi twakulelesa ulamwino ubwa haha? Hatangu Mwene Yesu iye mwene walongesele sango jize, mba waze amuvwile yaashindakenya ngwo, ulamwino uno uli wamwenemwene.

Hebreu 3:12

Akwetu, kanyamenu! Niumwe kanda abwa ni mbunge ya ungulungulu chibwe ya kuyambashana. Nyi ka, malituna Zambi ya mwono.