Yilinga 13:23 - Mukanda Wa Zambi 1970

²³ Ku vungu lize lia mwanangana David, Zambi yasa Yesu ha kubwa Chilamwina cha Aisraele ngwe chize alakenyene.

MUKANDA USANDU WA ZAMBI 1975

²³ Wa ku munyachi wa yono lunga nikulita ni chilakenyo, Zambi hanasolola kuli A-Izalele, umwe Chilamwina, Yesu.

Yilinga 13:23 Iomraidhean Croise

2 Samuel 7:12

Muze hiwafwa, hiwaya kuli tushakulu twe, umwe wa kuli ana je mungukamupwisa mwanangana, mungukakolesa wanangana wenyi.

Miaso (Masamu) 132:11

Hiunalishingi ku meso ja David; Shingo lize kuuchi kalishingulula lio. Hiunambe ngwe: “Mungupwisa umwe wa kuli ana je a malunga mwanangana, mwe makakuhinga.

Izaya 11:1

Vungu lia wanangana wa David lili ngwe mutondo uze haanunguna; alioze ngwe chize mitango yaha yakusokoloka ku chimbunji, Chenacho nawa mwanangana wa ku vungu lia David makasoloka.

Izaya 11:10

Tangwa mulikeza lize mwanangana mwaha wa ku vungu lia wanangana wa David makabwa ngwe chilayi hakachi ka mavungu. Atu eswe maakalikungulula mu limbo lienyi lia wanangana ni kumulemesa.

Izaya 43:11

“Yami wika nguli Mwene Zambi, Chilamwina mukwo keshiko shina yami.

Izaya 45:21

Tweyenu nwambulule milonga yenu ku chota cha kusopela; akwa milonga alihule ene ni ene. Iya waliangile kwambulula shimbu kanda yiwape yize muyikabwa ko? Hi yami Mwene Zambi ko, chilamwina cha atu jami, nyi? Kukushi Zambi mukwo.

Izaya 7:13

Izaya yakumbulula ngwenyi: “Yena wa ku vungu lia mwanangana David, banjika haliabwila. Chili chibi yena kwe seka kulihumikiza cha atu, alioze chili chibi chahiana kweseka kulihumikiza cha Zambi.

Jeremia 30:9

Alioze maakalingila yami Mwene Zambi, Zambi yo, ni umwe mutu wa ku vungu lia David, yoze mungukapwisa mwanangana.

Amose 9:11

Mwene Zambi kanambe ngwenyi: “Tangwa mulikeza muze mungukahilwisa wanangana wa David, uze uli ngwe zuwo lize habuzuka. Mungukalulika mambango jalio ni kujibemesa. Wanangana uze mungukaubemesa ni kuupwisa ngwe hatangu.

Zakaria 9:9

Yenu akwa Zione, wahililenu, wahililenu! Yenu akwa Yerusaleme kololokenu ni uwahililo! Talenu, mwanangana wenu kaneza kuli yenu! Mukwa kukumba wakangana, hindu mukwa kulikehesa, kanendela hali chimbulu, hali mwana yoze wasemukine kuli chimbulu.

Mateu 1:1

Wano e majina a tushakulu twa Yesu Kristu, wa ku vungu lia David, ku munyachi wa Abrahama.

Mateu 1:21

Makasema mwana lunga, ukamuluke jina ngwe, Yesu, mumu, makalamwina atu jenyi ku shili yo.”

Mateu 21:9

Mbunga yize atetekelele kulutwe lia Yesu ni yize amukawile yaakololoka ngwo: “Vulie Mwana wa David. Zambi awahise yoze uneza mu jina lia Mwene! Vulie Zambi Mwilu Mwahiana!”

Mateu 22:42

“Kuchi nunashinginyeka hakutwala kuli Chilamwina yoze Zambi alakenyene, kali mwana waya?” No yaamukumbulula ngwo: “Mwana wa David.”

Luka 1:69

Hatusolwela mbinga ya ulamwino wa ku vungu lia mwanangana David, kavumbi kenyi.

Yoano 4:42

No yaambila pwo ngwo: “Haliabwila twafuliela, hi ha yize ko wambululanga yena, alioze mumu hitwamwivwa yetwene. Tunanyingika ngwetu, chamwenemwene kali mwe Chilamwina cha akwa hashi.”

Yoano 7:42

Mukanda wa Zambi unambe ngwo: ‘Chilamwina yoze Zambi alekenyene makabwa wa ku vungu lia David, mu limbo lia Betleheme.’ ”

Yilinga 13:32

Mba yetu tunanwambulwila Sango jino Jibema, jize Zambi alakenyene tushakulu twetu.

Yilinga 2:30

Te mukwa munanyi wa Zambi, mba yanyingika ngwenyi, Zambi hanamulakenya ni Shingo ngwenyi: ‘Mungukapwisa umwe wa ku vungu lie mwanangana ngwe yena.’

Yilinga 3:26

Ha chino, Zambi hanahindwisa Kavumbi kenyi, hanamutumu hatangu kuli yenu, mu kunuwahisa nikutewulula mutu mweswe hakachi kenu ku shili yenyi.”

Yilinga 4:12

Kukushi ulamwino muli mukwo niumwe, mumu Zambi kahanyine ko jina lia mutu mukwo kuli atu hano hashi lize mutuhasa kulilamwina nalio.”

A-ROMA 1:3

Sango jino Jibema jinahanjikila Mwanenyi Yesu Kristu, Mwene wetu. Hakutwala ku uutu wenyi, wa ku Chikota cha David. Alioze hakutwala ku uzambi wenyi, yamusolola ni ndundo akabwe Mwana Zambi, ku uhindukilo ku kufwa.

A-ROMA 11:26

Chenacho Aisraele eswe makaalamwina. Ngwe hichinasonewa mu Mukanda wa Zambi ngwo: “Chilamwina makakatuka ku limbo lia Zione, makachiza utanganyanyi weswe wa vungu lia Yakoba.

2 Petulu 1:1

Yami Simone Petulu, kavumbi ka Yesu Kristu kanda kanganda kenyi. Ngunanusonekena yenu waze hinunatayiza ufulielo ulemu ngwe uze wa yetu. Hinunautayiza ku ululi wa Zambi yetu ni Chilamwina Yesu Kristu.

2 Petulu 1:11

Chenacho Zambi makanutayiza kunjila mu Wanangana wa miaka yeswe, Wanangana wa Mwene wetu kanda Chilamwina chetu Yesu Kristu.

2 Petulu 2:20

Mumu, nyi atu heehuka kulu yibi ya hano hashi, mumu haanyingika Mwene wetu kanda Chilamwina chetu Yesu Kristu, alioze nyi maahiluka nawa ku yibi yize, nyi yibi yize muyaakumba nawa, atu ngwe wano maakabwa mu lamba liahiana lize litangu.

2 Petulu 3:18

Alioze nyongononenu ha kutatuka mu utu ni yinyingi ya Mwene wetu kanda Chilamwina chetu Yesu Kristu. Uhenya wenyi usoloke chize musono uno ndoo ku miaka yeswe! Chibwe kama Chenacho.

2 Petulu 3:2

Ngunazange nwiwuluke maliji waze anulongesele ha shakulu kuli akwa munanyi a kulinanga, nawa Shimbi ja Mwene kanda Chilamwina jize anulongesele tunganda twenu.

1 Yoano 4:14

Yetu hitunamono, ni hitunambujola ngwetu, Tata hanatumu Mwanenyi ha kubwa Chilamwina cha akwa hashi.

Usolwelo 22:16

“Yami, Yesu, hingunatumu kanganda kami ka mwilu ha kwambujola yuma yino yeswe mu Yikungulwila. Nguli wa ku Chikota cha David, nguli mutumbu yoze wakutemuka ha chichamene.”