Yilinga 13:22 - Mukanda Wa Zambi 1970

²² Muze te Zambi hamuchiza mu wanangana, yaaha David ha kubwa mwanangana wo. Zambi yashindakenya hakutwala kuli David ngwenyi: ‘Hinamona David, mwana wa Jese, mutu yoze unalite ni manyonga jami. Mwenawo makamanununa kulinga yeswe yize ngunazange.’

MUKANDA USANDU WA ZAMBI 1975

²² Muze te hamuchiza, wasolwele David kuli ayo kupwa mwanangana wo; kuli iye nawa washindakenyene, ngwenyi, Hingunawane David mwana Yese, lunga wa kulita ni mbunge yami, iye kumakalinga upale wami weswe.

Yilinga 13:22 Iomraidhean Croise

2 Samuel 2:4

Mba malunga a mu Yuda yeeza ku Hebrone, yaawayisa David maji hanga abwe mwanangana mu Yuda. Muze David hevwa ngwo, akwa Ajabeshe a mu chifuchi cha Gileade haafunda mwanangana Saulu,

2 Samuel 7:15

Alioze chichi kumwehuka ngwe chize nehukile Saulu, yoze nachijile hanga yena ubwe mwanangana.

2 Samuel 7:8

“Kashika lweza kavumbi kami David ngwe, yami Mwene Zambi Mukwa Ndundo Jeswe ngunamwambe ngwami: ‘Nakuchijile ku yambu kuze te wakufunga mapanga, yingukupwisa mukwa kuyula atu jami Aisraele.

1 Yitanga Ya Mianangana 15:3

Abija neye yavulumuna nawa ngwe chize alingile tato, kalingile ko ngwe kashakulu kenyi David, kazangile ko Mwene Zambi ni mbunge yenyi yeswe.

1 Yitanga Ya Mianangana 15:5

Mwene Zambi yachilinga mumu David walingile yuma yize yakumuwahisa, kakolemene ko Shimbi jenyi nijimwe, shina lume mulonga wa Uria Kahite.

1 Sango Ja Mianangana 10:13

Chenacho Saulu afwile mumu ha utanguko wenyi kuli Mwene Zambi. Yakolema Shimbi jenyi, chikwo nawa, yahula chiyulo kuli mukwa mahamba

1 Sango Ja Mianangana 2:12

ni Obede, ni Jese.

Miaso (Masamu) 2:6

Ngwenyi: “Hingunawayisa mwanangana wami maji, ha Zione, mulundu wami wa chijila.”

Jeremia 33:21

Chimuwika nawa nakolesele Usendo ni kavumbi kami David hanga mu vungu lienyi kumuchi kahona umwe mwanangana ku miaka yeswe. Nakolesele nawa Usendo ni mahako a ku vungu lia Levi hanga akangulingile matangwa eswe; Usendo uze waali kuwahashile kufwa nichimwe.

Jeremia 33:26

Ngwe chize nalingile, mungukakolesa Usendo wami ni vungu lia Yakoba ni lia kavumbi kami David. Mungukatongola umwe mutu wa ku vungu lia David ayule mavungu ja Abrahama, ni Isake, ni Yakoba. Mungukevwila atu jami keke ni kwawahisa nawa.”

Ezekiel 34:23

Mungukaaha mwanangana ngwe kavumbi kami David akabwe kafunga ko, neye kumakaafunga.

Hosea 3:5

Alioze tangwa kumulikeza lize Aisraele maakahiluka nawa kuli Mwene Zambi, Zambi yo, ni kuli umwe wa ku vungu lia David mwanangana wo. Mba maakalemesa Mwene Zambi ni kutambula yawana yenyi yibema.

Yilinga 13:36

David yalinga milimo ya Zambi ku mwaka wenyi, yafwa, no yamufunda hakamwihi ni tushakulu twenyi, neye yabola.

Yilinga 15:8

Ni Zambi, yoze wanyingika mbunge ja atu, hanaahe shindakenyo ha kwaha Mwiku wa Linanga chizechene ngwe yetu.

Yilinga 7:46

Zambi ya tata Yakoba yawahisa mwanangana David. Kashika wechile kumutungila zuwo.

1 Samuel 12:25

Alioze, nyi mununyongonona kulinga yibi munukafwa, yenu ni mwe mwanangana wenu.”

1 Samuel 15:11

“Ngunevu chinyengo chize napwishile Saulu mwanangana, mumu hangumba nyima ni hakolema Shimbi jami.” Samuel yatenuka, yalila ku meso ja Mwene Zambi ufuku weswe.

1 Samuel 15:23

Kukolema Shimbi ya Zambi chili ngwe kupanda wanga, ni kulengumuka chili ngwe kukombelela mahamba. Muze hiwalituna Shimbi ya Mwene Zambi, neye halituna yena kubwa mwanangana.”

1 Samuel 15:26

Samuel ngwenyi: “Chichi kuya ni yena, mumu hiunakolema Shimbi ya Mwene Zambi, neye halituna yena kubwa mwanangana wa Israele.”

1 Samuel 15:28

Samuel yamba ngwenyi: “Mwene Zambi habatula wanangana wa Aisraele kuli yena musono, hauhana kuli umwe mukwenu mubema Wahiana yena.

1 Samuel 16:1

Mwene Zambi yambila Samuel ngwenyi: “Matangwa angahi unazange kulishimwoka hali Saulu. Hinalituna ye kubwa mwanangana wa Aisraele. Alioze haliabwila anda maji a olive uye ku limbo lia Betleheme kuli Jese, mumu hinatongola umwe wa kuli ana jenyi a malunga kubwa mwanangana.”

1 Samuel 16:13

Samuel yanda mbinga ya maji a olive yamuwayisa ku meso ja ayayo. Hazehene Mwiku wa Mwene Zambi yiuhulumukina David ni tachi, newo yiubwa muli iye chize ku tangwa lize. Samuel yakatuka, yaya ku Rama.

1 Samuel 28:16

Hako Samuel ngwenyi: “Nyi Mwene Zambi hakumba nyima, habwa mukwa kole ye, kuchi mba unanguhula yami?

1 Samuel 31:6

Chenacho mwanangana Saulu afwile hamwe ni anenyi atatu a malunga ni atu jenyi eswe.