Yilinga 13:2 - Mukanda Wa Zambi 1970

² Limwe tangwa, shimbu te anawayila Mwene ni kulitwamina kulia, Mwiku wa Linanga yiwamba ngwenyi: “Nguselenu Barnaba ni Saulu ku milimo yize naatambikilile.”

MUKANDA USANDU WA ZAMBI 1975

² Shimbu machivumbika Mwene, nikulitwamina kulia, Spiritu Musandu wambile ngwenyi, Selenu kuli yami haliapwila, Mbarnavwe ni Saulu ha milimo yize hingunaatambikila.

Yilinga 13:2 Iomraidhean Croise

1 Sango Ja Mianangana 16:4

Mwanangana yatongola amwe Alevi kubwa akwa lutwe muze maawayila Mwene Zambi, Zambi ya Aisraele, kulutwe lia mushete wa Usendo, ni kwimba ni kumuchichimieka.

Daniel 9:3

Yinguliumba kuli Mwene Zambi ni chinyengo, nikumulembela, nikulitwamina kulia, nikuzala mwanji, nikulimwangina uto.

Mateu 17:21

Alioze mwiku ngwe uno kuushi kutuhuka shina ha kulemba ni kulitwamina kulia ha kuwayile Zambi.]”

Mateu 6:16

“Muze munulitwamina kulia ha kuwayila Zambi, kanda nusoloka kubwa ni chinyengo ngwe chize akusweka yilembekese. Kaakwalumuka ku meso hanga asoloke kuli atu eswe ngwo, kaanalitwamina kulia. Chamwenemwene ngunanwambulwila ngwami, haanatambula kulu fweto yo.

Mateu 9:38

Liumbenu kuli Mwenya mihuko hanga akatume akwa milimo ni kuhela mihuko yenyi.”

Luka 10:1

Mwabwamuze Mwene Yesu yatongola atu akwo makumi shimbiali ni aali. Yatuma aali aali kulutwe lienyi mu membo eswe ni kuma kweswe kuze iye mwene ambile kuya.

Yilinga 10:19

Shimbu lize Petulu machinyonga ulumbunwiso wa Usolwelo, Mwiku wa Linanga yiumwamba ngwenyi: “Unevu ko? Atu anakufupu haze.

Yilinga 10:30

Korneliu yakumbulula ngwenyi: “Ha ola ngwe yinoyene, matangwa atatu haabalika, te ngunalembe mu zuwo liami ha ola ya muchitatu ya chingoloshi. Susumuku mutu kanamana ku meso jami, te kanazala mahina abeyima.

Yilinga 13:3

Muze te haalitwamina kulia ni haalemba, yaasa moko, yeecha akaye.

Yilinga 13:4

Mwiku wa Linanga yiutuma Barnaba ni Saulu. No yaaya ku limbo lia Selusia. Kwe kuze azaukile mu ulungu ndoo ku tungu lia Shipre.

Yilinga 14:26

Muze haakatuka ko, yaanjila mu ulungu, yazauka aye ku limbo lia Antiokia. Kwenako makulwana ja Chikungulwila akunjikile Paulu ni Barnaba ku utu wa Zambi, ni ku milimo yize te haamanununa.

Yilinga 20:28

Kanyamenu yenwene, ni mbunga yeswe yize Mwiku wa Linanga anuhele kufunga. Fungenu kanawa Chikungulwila cha Zambi chize azukile ku kufwa cha Mwanenyi.

Yilinga 22:21

Mwene yangwamba ngwenyi: ‘Yako, mumu kusuku mungukakutuma kuli waze hi Ayuda ko.’ ”

Yilinga 4:36

Yikubwa mutu umuwika jina lienyi te Josefe, Kalevi, yoze wasemukine ku tungu lia Shipre. Tunganda twa Yesu yaamuluka jina likwo ngwo, Barnaba (kulumbunuka ngwo, mukwa kutakamisa atu.)

Yilinga 6:4

Alioze yetu mutunyongonona mu kulemba ni kulongesa liji lia Zambi.”

Yilinga 8:29

Mwiku wa Linanga yiwambila Filipe ngwenyi. “Kundama ku temba lino.”

Yilinga 9:15

Alioze Mwene yamwamba ngwenyi: “Yako, hingunamutongola ha kunyingikisa jina liami kuli waze hi Ayuda ko, ni kuli mianangana jo, ni kuli Aisraele.

A-ROMA 1:1

Yami, Paulu, ndungo ya Yesu Kristu, ngunanusonekena mukanda uno. Zambi mwe wangutambikile ngukabwe kanganda kenyi, wangutongwele ngukambujole Sango jenyi Jibema.

A-ROMA 10:15

Ngwe kuchi maakajambujola, nyi kaatumine? Ngwe hichinasonewa mu Mukanda wa Zambi ngwo: “Chinabeme ha kumona kwiza cha waze akwambujola Sango Jibema”!

A-ROMA 15:16

ha kubwa kavumbi ka Yesu Kristu kuli waze hi Ayuda ko. Ngunahakwila ha kwambujola Sango Jibema ja Zambi, hanga mavungu waze hi Ayuda ko akabwe mulambu wakubemena kuli Zambi, wakulihana kuli iye ku tachi ja Mwiku wa Linanga.

1 Korintu 12:11

Alioze Mwiku uli umuwika uze wakulinga yize yeswe. Kuwakuhana yawana yeka ni yeka kuli mutu ni mutu cheswacho wakuzanga.

1 Korintu 7:5

Yena pwo chibwe lunga, kanda nuhandununa mihela, shina muze hinwalitesa kulemba kuli Zambi ha shimbu limwe likepe. Alioze kulutwe bwenu nawa hamuwika. Nyi ka, tangwa likwo kunuchi kuhasa kuliyula, munulimbuka mu yeseko ya Sakwonga.

2 Korintu 11:27

Hingunahondangana mulimo ya lamba ni milimo yikwo yize yanguhongesele. Yisuho yinji te Chishi kuhasa kubomba tulo. Nevwile zala ni pwila. Yisuho yinji nahonene yakulia, yisuho yinji namwene lamba lia chishika ni uvu nawa.

2 Korintu 6:5

Haanatulambe, haanatuse mu zuwo lia lamba, haanatubinjisa. Hitunalingi milimo ya lamba kuhiana. Yisuho yinji kutushi kuhasa kulia hanji kuya tulo.

Galashia 1:15

Alioze Zambi, mu utu wenyi, yangutongola chibwe te kanda nguchisemuka, yangutambika ngukamulingile.

Efesu 3:7

Hanangupwisa kavumbi ka Sango Jibema ku chawana chize Zambi anguhele ku utu wenyi ni ku ndundo jenyi.

Shimbi 10:8

Ha mulundu Mwene Zambi yatongola Alevi ha kufunga mushete wa usendo wa Zambi ni atu ni kumulingila milimo ya uhako, ni kuwahisa atu mu jina lienyi. Yenayo akulinga ndoo ni musono.

Kolosu 4:17

Ambilenu Arkipu ngwenu: “Manununa kanawa milimo ya Mwene Yesu yize akukunjikile.”

1 Timoteu 2:7

Kashika Zambi hanangutumu kubwa kanganda ni longeshi ya waze hi Ayuda ko, ha kwambujolela liji lia ufulielo ni liamwenemwene. Chahanjikile mahuza, ngunahanjika umwenemwene!

2 Timoteu 1:11

Zambi hanangwehe yilemu ya kwambujola Sango Jibema ngwe kanganda ni longeshi.

2 Timoteu 2:2

Longeso lize hiunevu kuli yami muze nalongesele ku meso ja atu anji, lilongesa kuli malunga amwenemwene waze maahasa nawa ku longesa atu akwo.

2 Timoteu 4:11

Luka wika uli hamwe ni yami. Hitula Marku, Wize nenyi, mumu kumahasa kungukwasa mu milimo yami.

2 Timoteu 4:5

Alioze yena, Chakutamba kuliyula yena mwene ha yuma yeswe. Nyongonona mu lamba. Linga milimo ye ya kwambujola Sango Jibema. Umanunune milimo ye ya kavumbi ka Zambi.

Hebreu 5:4

Mutu niumwe wakulitongwela ulemu wa kubwa mwata wa mahako, shina ku kutambika cha Zambi, ngwe chize atambikile Arone.

1 Samuel 2:11

Elkana yahiluka ku mahienyi ku Rama, alioze Samuel yatwama ku Shilo, yalingila Mwene Zambi mu chiyulo cha hako Eli.