Yilinga 13:15 - Mukanda Wa Zambi 1970

¹⁵ Muze te haatanga mikanda ya Shimbi ni ya akwa munanyi ja Zambi, akwa lutwe ja zuwo lia kuwayila yaatumina liji ngwo: “Akwetu, nyi nuli ni maliji a kutakamisa no atu, ahanjikenu.”

MUKANDA USANDU WA ZAMBI 1975

¹⁵ Kulutwe lia kutanga cha shimbi ni mikanda ya aprofeta, akwa kuyula sunangonga atumine kuli ayo, ngwo, Mandumbu, kachi liji limwe lia kushinjila atu nuli nalio, ambenu.

Yilinga 13:15 Iomraidhean Croise

Marku 5:22

Hohene umwe mukwa kuyula wa zuwo lia kuwayila lia Ayuda yeza, jina lienyi Jairu muze hamona Yesu, yafulamana ku molu jenyi.

Luka 16:16

“Shimbi ja Mose ni mikanda ya akwa munanyi a Zambi hiyinalinduluka ndoo ku tangwa lia Yoano Chipapachisa. Chize ku mwaka uze, atu kaakwambujola Sango Jibema ja wanangana wa Zambi. Mutu ni mutu kakunjila mo ni tachi.

Yilinga 1:16

“Akwetu, chinalite chize maliji akamanunuke, waze Mukanda wa Zambi wambile shimbu kanda hakutwala kuli Yudase. Liji lize Mwiku wa Linanga wahanjikile kuli David, hakutwala kuli Yudase, kasongo ka waze ashihile Yesu.

Yilinga 13:27

Mumu chibwe akwa Yerusaleme ni akwa lutwe jo kaanyingikine ko Yesu ni maliji ja akwa munanyi a Zambi, waze atu akutanga ha tangwa lieswe lia kuhwima. Hindu muze ahishile Yesu, yaamanununa maliji ja akwa munanyi a Zambi.

Yilinga 15:21

Mumu, chize ku miaka yikulu, atu kaakwambujola Shimbi ja Mose mu limbo ni limbo, kaakujitanga mu mazuwo ja kuwayila mu matangwa a kuhwima.’ ”

Yilinga 15:7

Muze haalihamika shimbu lisuku, Petulu yakatuka, yaamba ngwenyi: “Akwetu, nunanyingika kanawa ngwenu, hasuku Zambi hanangutongola mukachi kenu, hanga waze hi Ayuda ko akevwe Sango Jibema kuli yami, akajifuliele.

Yilinga 18:17

Mba ayo eswe yaakwata Sostene, mukwa lutwe wa zuwo lia kuwayila, yaamulamba kulutwe lia chisopelo. Alioze Galiu kalwile ko yuma yize yeswe.

Yilinga 18:8

Krispu, mukwa lutwe wa zuwo lia kuwayila lia Ayuda, yafuliela Mwene Yesu hamwe ni akwa zuwo lienyi eswe. Akwa Korintu akwo anji nawa, muze heevwa Paulu, yaafuliela. Mba yaapapachisa.

Yilinga 2:29

“Akwetu, ngutayizenu kama kuhanjika mwazu kuli yenu hakutwala kuli kashakulu ketu David. Hanafu, haanamufundu. Fuka lienyi lili mukachi ketu ndoo musono uno.

Yilinga 2:37

Muze atu haachivwa, yaalibikala mu mbunge, yaahula Petulu ni tunganda twa Yesu ngwo: “Akwetu, kuchi kevwe mutulinga?”

Yilinga 2:4

No eswe yaazala ni Mwiku wa Linanga, yaabutuka kuhanjika mu maliji eka ni eka ngwe chize Mwiku waahele yakuhanjika.

Yilinga 20:2

Muze hendangana mu chifuchi chize nikushinjila tumbaji maliji anji, yaheta mu chifuchi cha Gresia,

Yilinga 22:1

“Akwetu ni atata, ivwenu haliabwila kulisambisa chami ku meso jenu.”

Yilinga 4:36

Yikubwa mutu umuwika jina lienyi te Josefe, Kalevi, yoze wasemukine ku tungu lia Shipre. Tunganda twa Yesu yaamuluka jina likwo ngwo, Barnaba (kulumbunuka ngwo, mukwa kutakamisa atu.)

Yilinga 7:2

Neye yakumbulula ngwenyi: “Akwetu ni atata, achivwenu! Zambi ya uhenya waswekelele kashakulu ketu Abrahama muze atwamine mu chifuchi cha Mesopotamia, shimbu te kanda achiza ni kutwama mu limbo lia Harane.

A-ROMA 12:8

Yoze uli ni mana akutakamisa akwo, chamutamba kuchilinga. Yoze wakuhana yikumba yenyi, ayihane ya kulumbama. Yoze wakuyula, alihane ku kuyula. Yoze wakukwasa akwa lamba, achilinge ni chiseke.

1 Korintu 14:3

Alioze yoze wakuhanjika munanyi, kakuhanjika ni atu, kakwatakamisa mu ufulielo, kakwakolesa ni kwalembejeka.

2 Korintu 3:14

Te keeshi kunyingika. Chibwe ndoo musonso uno keeshi kwivwa mwazu Mikanda ya Usendo Ukulu. Mumu Wanda uze uchili ha meso jo. Muuhasa kutanduluka shina muze mutu halinunga ni Kristu.

1 Tesalonika 2:3

Mumu kutambika chize twakutambika atu, hi cha mahuza ko, chibwe cha manyonga abi, hanji cha kwonga.

Hebreu 13:22

Akwetu, ngunaliumbu kuli yenu ngwami, banjikenu kanawa maliji wano akutakamisa. Mumu chasonekene yuma yinji.