Yilinga 13:1 - Mukanda Wa Zambi 1970

¹ Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.

MUKANDA USANDU WA ZAMBI 1975

¹ Achi, kwapwile mu Andiakia, mu chikungulwila chize chapwileko, aprofeta ni alongeshi, Mbarnavwe, ni Semone, yoze uli ni jina likwo ngwo, Naijere, ni Luseu Ka-Sairene, ni Manaene, yoze amulelele hamwe ni nguvulu Heronde, ni Saulu.

Yilinga 13:1 Iomraidhean Croise

Mateu 27:32

Shimbu maachituhuka mu limbo, yaatakana ni umwe mutu wa ku Sirene, jina lienyi Simone. No yaamwaha kulusu ya Yesu ni tachi hanga ayimbate.

Luka 3:1

Ha mwaka kumi ni wa muchitano wa kuyula cha mwanangana wa Aroma, Tiberiu. Ponteu Pilatu te kali mukwa kuyula wa mu Yudea, Herode te kakuyula mu Galilea, mwanakwo Filipe mu chifuchi cha Iturea ni cha Trakonite, Lisania te kakuyula chifuchi cha Abilinia.

Yilinga 11:30

Yaachilinga, yaatuma mbongo kuli makulwana ku moko ja Barnaba ni Saulu.

Yilinga 12:25

Muze Barnaba ni Saulu haamanununa milimo yo mu Yerusaleme, yaahiluka ku Antiokia nikutwala hamwe no Yoano, jina lienyi likwo Marku.

Yilinga 13:9

Alioze Saulu, jina lienyi likwo Paulu, ni kuzala ni Mwiku wa Linanga, yamuhulikila meso,

Yilinga 15:32

Yudase ni Sila ayo ene te kaali akwa munanyi a Zambi. Yaashinjila akwa Kristu ni maliji anji ha kwatakamisa ni kwakolesa.

Yilinga 15:35

Paulu ni Barnaba yaasala matangwa anji ku limbo lia Antiokia. Yaalongesa, yaambujola maliji a Mwene Yesu, hamwe ni akwo anji.

Yilinga 19:6

Paulu yaasa moko, mba Mwiku wa Linanga yiwahulumukina. No yaabutuka kuhanjika maliji waze te kaanyingikine ko, yaahanjika nawa munanyi.

Yilinga 21:9

Lunga yono wabwile ni anenyi awana a mapwo waze kaayile ko ku malo, te akwa munanyi a Zambi.

Yilinga 4:36

Yikubwa mutu umuwika jina lienyi te Josefe, Kalevi, yoze wasemukine ku tungu lia Shipre. Tunganda twa Yesu yaamuluka jina likwo ngwo, Barnaba (kulumbunuka ngwo, mukwa kutakamisa atu.)

Yilinga 9:1

Alioze Saulu te kasolo kulitwamina kuhalila mu kushiha tumbaji twa Mwene Yesu. Yaya kuli mwata wa mahako,

A-ROMA 16:21

Timoteu, mukwa milimo ni mukwetu, kananumeneka, ni usoko wami Lusiu, ni Jasone, ni Sosipatere nawa.

1 Korintu 11:4

Mweswe lunga yoze wakuwayila hanji wakwambujola maliji a Zambi mu Chikungulwila, nyi kakufuka mutwe wenyi, lunga yoze kakulelesa Kristu, mwata wenyi.

1 Korintu 13:2

Chibwe mungubwa ni chawana cha Mwiku wa Linanga cha kuhanjika munanyi, chibwe mungubwa ni yinyingi yeswe, hanji ni ufulielo wa kututulula milundu, alioze nyi Chishi zango, nguli wamokomoko.

1 Korintu 13:8

Zango kuliahashile kuhwa. Kuhanjika munanyi kumuchikahwa. Chawana cha Mwiku wa Linanga cha kuhanjika maliji waze mutu iye mwene kaanyingikine, muchikahwa. Yinyingi muyikahwa.

1 Korintu 14:29

Akwa munanyi ja Zambi aali hanji atatu wika chaatamba kulongesa. Akwo chaatamba kushishika yize anahanjika.

1 Korintu 14:32

Yoze uli ni chawana cha kuhanjika munanyi, chamutamba kuyula chawana chize.

1 Korintu 9:6

Hanji, shina yami ni Barnaba chatutamba kulinga milimo ha kulikwasa, nyi?

Galashia 2:13

Akwetu akwo, Ayuda, yalinga nawa chizechene ni ulembekese ngwe Petulu. Chibwe Barnaba mwene yahungumuka chizechene ku ulembekese wo.

Galashia 2:9

Tiangu (Jake), ni Petulu, ni Yoano, waze abwile ngwe akwa lutwe, yaanyingika ngwo, Zambi hanangutayiza milimo yino. Kashika, yaatwaha, Barnaba ni yami moko a chindume ha kulikunda. Ngwe akwa milimo ni akwo yitulitesa hamuwika ngwetu, yetu mutulinga hakachi ka waze hi Ayuda ko, ni ayo hakachi ka Ayuda.

Efesu 4:11

Iye wahanyine “yawana kuli atu”: amwe tunganda, akwo akwa munanyi ja Zambi, akwo akwa kwambujola, akwo tulayi, akwo alongeshi.

Filipu 4:22

Akwa kufuliela eswe waze ali hano kaananumeneka, chibichibi akwa zuwo lia mwanangana wa Aroma.

1 Tesalonika 5:20

Kanda nulelesa longeso lia akwa munanyi a Zambi.