Yilinga 12:9 - Mukanda Wa Zambi 1970

⁹ Petulu yakaula kanganda ka mwilu, yatuhuka haze. Alioze kanyongene ngwenyi, chize alinga kanganda ka mwilu chili chamwenemwene, yanyonga ngwenyi, Usolwelo anamono.

MUKANDA USANDU WA ZAMBI 1975

⁹ Mba watuhukile, wamukawile; kanyingikine ngwenyi, Chino chuma chamwenemwene, chize alinga mungelo, alioze washinginyekene ngwenyi, Usolwelo ngunamono.

Yilinga 12:9 Iomraidhean Croise

Ubutukilo 45:26

Yaamulweza ngwo: “Tata! Josefe kali ni mwono! Kali mwata munene wa chifuchi cheswe cha Egiptu!” Yakoba yevwa mu moko ni mu molu nekee, mumu kaafulielele ko.

Ubutukilo 6:22

Mba Noa yalinga yize yeswe amwambile Zambi.

Miaso (Masamu) 126:1

Muze Mwene Zambi atuhwishile ku Zione, twabwile ngwe tunatoko!

Yoano 2:5

Naye ya Yesu yambila tuvumbi ngwenyi: “Cheswacho manwamba, Chilingenu.”

Yilinga 10:17

Petulu yalihulahula ulumbunwiso wa Usolwelo uze hamona. Ha shimbu lizeliene atu waze atumine Korneliu yaahula ha kunyingika zuwo lia Simone, yaamana ku chikolo kikilii.

Yilinga 10:3

Limwe tangwa chingoloshi, ngwe ha ola ya muchitatu, yamona zwalala mu Usolwelo kanganda ka mwilu kananjila ku mahienyi nikwamba ngwenyi: “Korneliu!”

Yilinga 11:5

Ngwenyi: “Nalembele mu limbo lia Jope. Yingubwa ngwe mu tulo mba yingumona Usolwelo. Chimwe Chuma ngwe hina linene liakukasa ku mbango jiwana yichihulumuka, yichiza ndoo kuli yami.

Yilinga 12:8

Kanganda yamwamba ngwenyi: “Lijichike muya we ni sapato je.” Petulu yachilinga. Mba kanganda yamwamba ngwenyi: “Zala chikuto che, ungukaule.”

Yilinga 26:19

“Kashika, mwanangana Agripa, Chakolemene ku Usolwelo wa mwilu.

Yilinga 9:10

Mu Damasku yimubwa umwe kambaji jina lienyi te Anania. Mwene Yesu yahanjika nenyi mu Usolwelo ngwenyi: “Anania!” Neye yamukumbulula ngwenyi: “Yami uno, Mwene.”

Hebreu 11:8

Ku ufulielo tata Abrahama yononoka muze Zambi amutambikile, yaya ku chifuchi chize Zambi amulakenyene kumwaha chihinga. Yakatuka ku chifuchi chenyi mwene, kunyingika ka kuze te anayi.