Yilinga 12:7 - Mukanda Wa Zambi 1970

⁷ Susumuku kanganda ka mwilu yasoloka, pangu yilipanguka mu zuwo lia lamba. Kanganda yalamba Petulu mu pachi hakepe, yamulawisa ngwenyi: “Katuka nikawashi.” Ngoji yijikasuluka ku moko.

MUKANDA USANDU WA ZAMBI 1975

⁷ Kumanyi, mungelo wa Mwene wamanyine hehi nenyi, ni pangu liapangukile mu zuwo lia ususu: iye walambile Petulu ha lumbu lienyi, wamulawishile ngwenyi, Katuka nikawashi. Mba malenge jenyi echele moko jenyi.

Yilinga 12:7 Iomraidhean Croise

2 Samuel 22:29

Mwene Zambi, yena uli ndeya yami, wakuchiza milima yami.

1 Yitanga Ya Mianangana 19:5

Mba yaya mu tulo mushi lia mutondo. Susumuku kanganda ka Mwene Zambi yamusa kwoko, ngwenyi: “Hinduka ulie.”

1 Yitanga Ya Mianangana 19:7

Kanganda ka Mwene Zambi yeza nawa, yamusa kwoko, ngwenyi: “Hinduka ulie, mumu wenyi usuku uli nawo.”

Miaso (Masamu) 107:14

Yaatuhwisa mu lamba lio ni mu milima yo, yabatwola ngoji jo ja utale.

Miaso (Masamu) 116:16

Mwene Zambi, nguli kavumbi ke; nakukulingila ngwe chize te akukulingila mama. Wangulamwinyine ku kufwa.

Miaso (Masamu) 146:7

kakubatwila akwa lamba ni ululi, kakulisa akwa kuhona. Mwene Zambi kakutusula funge mu zuwo lia lamba,

Miaso (Masamu) 34:7

Kanganda ka mwilu kakufunga waze akulemesa Mwene Zambi, kaakwapulula ku utoji.

Miaso (Masamu) 68:6

Atu waze atwama ukawo, Zambi kakwaha majiko; kakujitula funge hanga abwe ni kuwaha cha utuswilo. Alioze akwa kulimika chaatamba kutwama mu chifuchi chumu.

Izaya 37:30

Mba mukwa munanyi Izaya yambila mwanangana Hezekia ngwenyi: “Chino chili chilayi cha yuma yize muyikabwa. Mwaka uno ni uze muwizaho munukalia lume mbuto ya muzumba, alioze mwaka uze ukwo munukatumba mbuto jenu ni kujibatula, ni kutumba mitondo ya vinyu ni kulia ye mihuko.

Izaya 60:1

Yerusaleme, katuka, beyima ngwe tangwa; uhenya wa Mwene Zambi unahenye hali yena!

Jeremia 40:1

Mwene Zambi yanguhanjikisa muze Nebuzaradane, mwata wa tujita, hangutusula ku limbo lia Rama. Te hangutwala ko wakukasa ni ngoji ja utale, hamwe ni atu eswe akwo a mu Yerusaleme ni Ayuda waze aatwalile funge ku chifuchi cha Babilonia.

Ezekiel 43:2

mba yingumona uhenya wa Zambi ya Aisraele unakatuka ku chivumbuko. Liji lia Mwene Zambi yililifwa ni lundunjila wa meya anji, hashi yihabeyima ni uhenya wenyi.

Daniel 3:28

Mba mwanangana yamba ngwenyi: “Zambi ya Shadrake, ni Meshake, ni Abednego afumane! Hatuma kanganda kenyi ka mwilu ni kulamwina malunga wano akumulingila ni kujikijila hali iye. Haakolema Shimbi yami ni kukunjika mwono wo ku kufwa. Haalituna kufulamana ni kuwayila zambi weka shina Zambi yo ene.

Daniel 6:22

Zambi yami katumanga kanganda kenyi wa mwilu hanga abakike makanwa ja tambwe achine kungulemeka. Kalinganga chino mumu kananyingika ngwenyi, nguli mukwa kusamba ni mumu chanuvulumwine ko yenu mwanangana.”

Mika 7:9

Hitunavulumuna Mwene Zambi, kashika chatutamba kulihumikiza ni utenu wenyi. Alioze hakusula, makatuhakwila ni kutusambisa. Makatuhetesa mu Pangu; mutumona ubatwilo wenyi wa ululi.

Habakuke 3:11

Ha kubeyima cha mivwi ye muze te yinende ni mitemite ya kunga lie, tangwa ni kakweji yiimana kikilii.

Habakuke 3:4

Kaneza ni uhenya wa njaji, ni mitemite ku kwoko lienyi, ku kwoko lienyi lia ndundo.

Mateu 2:13

Muze akwa mana haaya, kanganda ka mwilu yasolokela Josefe mu chilota, yamwamba ngwenyi: “Katuka, anda mwana ni naye uchinyine ku chifuchi cha Egiptu. Ukabwe ko ndoo mungukakutambika, mumu Herode kanafupu mwana akamushihe.”

Luka 2:9

Susumuku kanganda ka mwilu yamana hehi no. Uhenya wa Mwene Zambi yiuhenya hali ayo. No yeevwa woma unji.

Luka 24:4

Muze te anayambashana, malunga aali yaasolokela ni mahina akubeyima.

Yilinga 10:30

Korneliu yakumbulula ngwenyi: “Ha ola ngwe yinoyene, matangwa atatu haabalika, te ngunalembe mu zuwo liami ha ola ya muchitatu ya chingoloshi. Susumuku mutu kanamana ku meso jami, te kanazala mahina abeyima.

Yilinga 12:23

Ha shimbu lizeliene, kanganda ka mwilu yamulamba, mumu kalemesene ko Zambi. Mavuno yamulia, yafwa kwenyi.

Yilinga 12:6

Ha ufuku uzewene, muze Herode hazanga kumutuhwisa kuli atu, Petulu te mu tulo ali mukachi ka tujita aali, wakukasa ni ngoji ja utale jaali. Ku chikolo tufunga te anafungu zuwo lia lamba.

Yilinga 12:8

Kanganda yamwamba ngwenyi: “Lijichike muya we ni sapato je.” Petulu yachilinga. Mba kanganda yamwamba ngwenyi: “Zala chikuto che, ungukaule.”

Yilinga 16:26

Susumuku yikubwa minyiko yinene. Fundamentu ja zuwo lia lamba yijinyika, Yajilo yeswe yiyazuluka. Ngoji jo jeswe ja utale yijiliholwokela zekelee.

Yilinga 2:24

Alioze Zambi hanamuhindwisa, hanamujitula ku lamba lia kufwa, mumu kufwa kuchahashile kumukwata nawa.

Yilinga 5:19

Alioze ha ufuku uze, kanganda ka mwilu yazulula yajilo ya zuwo lia lamba, yaatuhwisa haze, yaamba ngwenyi:

Yilinga 9:3

Mba ha kuya ku Damasku, muze te anakundama ku limbo lize, susumuku pangu lia mwilu yilimupangukila.

Efesu 5:14

Mumu chize cheswe hanachisolola chakwalumuka pangu. Kashika Mukanda wa Zambi unambe ngwo: “Laula yena uli mu tulo, hinduka ku kufwa! Mba Kristu makakutemukina.”

Hebreu 1:14

E tunganda a mwilu aya? Eswe kaali mwiku uze wakulingila Zambi, uze Zambi akutuma ha kukwasa waze maazuka ulamwino.

Usolwelo 18:1

Mba yingumona kanganda mukwo kanahulumuka mwilu. Kali ni chiyulo cha tachi, hashi yihapanguka ni uhenya wenyi.