Yilinga 12:5 - Mukanda Wa Zambi 1970

⁵ Chenacho afungile Petulu mu zuwo lia lamba, alioze akwa Chikungulwila yaamulembela Zambi chikolo.

MUKANDA USANDU WA ZAMBI 1975

⁵ Kashika afungile Petulu mu zuwo lia ususu; alioze akwa chikungulwila amulembelele kuli Zambi ni mbunge yeswe.

Yilinga 12:5 Iomraidhean Croise

Mateu 18:19

“Chamwenemwene ngunanwambulwila nawa ngwami, nyi aali hakachi kenu hano hashi maalikunda ni kwita chimwe Chuma ha kulemba, Tata wa mwilu makaaha cho.

Luka 18:1

Yesu yaatela chishima chino ha kwalweza ngwenyi: chaatamba kulemba matangwa eswe, kanda ahonga.

Yilinga 12:12

Muze halinyingika pundu, yaya ku zuwo lia Maria, naye ya Yoano, jina lienyi likwo Marku. Kwenako atu anji te akukunguluka nikulemba.

Yilinga 12:4

Muze te hakwata Petulu, yamusa mu zuwo lia lamba, yamukunjika ku mbunga jiwana ja tujita awana awana. Herode yazanga kumutuhwisa ku meso ja Ayuda ha kumanyisa cha chiwanyino cha kwiwuluka Kubalika.

Yilinga 12:6

Ha ufuku uzewene, muze Herode hazanga kumutuhwisa kuli atu, Petulu te mu tulo ali mukachi ka tujita aali, wakukasa ni ngoji ja utale jaali. Ku chikolo tufunga te anafungu zuwo lia lamba.

1 Korintu 12:26

Nyi Chihanda chimuwika cha mujimba chinamono lamba, yihanda yeswe muyimona lamba nawa. Nyi kaanachichimieka Chihanda chimuwika cha mujimba, yihanda yeswe muyiwahilila nawa.

2 Korintu 1:11

mumu yenwene munukatukwasa mu kulemba chenu. Chenacho Zambi makakumbulula ku yilemba yinji hakutwala kuli yetu, makatuwahisa; ni anji maakamusakwilila ha chikuma chetu.

1 Tesalonika 5:17

lembenu ni kulitwamina nichimwe,

Hebreu 13:3

Iwulukenu waze ali mu zuwo lia lamba ngwe nuli no hamuwika. Iwulukenu waze akumona lamba ngwe nunamono lamba hamwe no.

Tiangu (Jake) 5:16

Kashika lishikishilenu milonga yenu, lilembelenu, hanga nuhinduke. Kuliumba cha mukwa ululi tachi jinji chikwete.