Yilinga 12:21 - Mukanda Wa Zambi 1970

²¹ Ha tangwa lize atongwele, Herode yazala mahina jenyi a wanangana, yatwama ha chitwamo cha wanangana, yalongesa atu.

MUKANDA USANDU WA ZAMBI 1975

²¹ Mba ha tangwa lia kutongolo, Heronde wazalile hina lia mukambo lia mwanangana, Watwamine ha chitwamo cha upatwilo, akahanjike kuli ayo.

Yilinga 12:21 Iomraidhean Croise

1 Yitanga Ya Mianangana 22:10

Mianangana eswe aali yaatwama ha yitwamo yo ku chizungwilo ku chikolo cha limbo lia Samaria, yaazala mahina jo a wanangana, akwa munanyi eswe te kaanahanjika munanyi ku meso jo.

Jobe 15:21

Kakwivwa mwongo matangwa eswe, chibwe mayuka, hindu chononyi mamuwana.

Yishima 18:12

Atu kaakulemesa akwa kulikehesa, alioze akwa kulengumuka kumaakafwa.

Izaya 5:14

Muma lia afu munevu zala mumu hali ayo, mumubakula kanwa liamo, mumuminya atu alemu a mu Yerusaleme, ni atu eswe akwo.

Malaki 3:15

Twakumona ngwetu, akwa kulizata kaakuwahilila. Yingulungulu kaakuyuka, kaakweseka Zambi ni ungulungulu wo, neye keshi kwamwesa lamba.’ ”

Mateu 27:19

Shimbu te Pilatu machitwama ha chitwamo cha ubatwilo, mwazovu wenyi yamutumina liji ngwenyi: “Kanda Ulinga nichimwe kuli yono mukwa ululi, mumu ufuku wa musono nabindanga kuhiana mu chilota hakutwala kuli iye.”

Yilinga 12:20

Herode yevwila akwa Tiru ni akwa Sidone ufwatulo. Kashika e atu yeeza kuli iye mu mbunga. Hatangu yaalembejeka Blastu, mukwa lutwe wa zuwo lia mwanangana Herode. Mba yaaheta kuli Herode nikwita uwanyino, mumu chifuchi cho te kaakuchihoka ku chifuchi cha mwanangana Herode.

Yilinga 12:22

No yaakololoka ngwo: “Ali liji lia zambi umwe, hi lia mutu ko!”

Yilinga 24:1

Muze matangwa atano haabalika, Anania, mwata wa mahako yaya ku limbo lia Sesarea ni amwe makulwana, ni hako umuwika, jina lienyi Tertulu. No yaaheta ku meso ja mukwa kuyula Felix, mba yaasolola yuma yize asumine nayo Paulu.

Yilinga 25:23

Kashika, muze hikwacha, Agripa ni Berenise yeeza ni uhenya unji, yaanjila mu zuwo lia kusopela hamwe ni miata ja tujita ni akwa lutwe a mu limbo. Festu yahana Shimbi anehe Paulu.