Yilinga 12:19 - Mukanda Wa Zambi 1970

¹⁹ Herode yahana Shimbi hanga amufupe, alioze kaamuwanyine ko. Kashika yasopesa tufunga twa zuwo lia lamba, yahana Shimbi aashihe. Mba Herode yakatuka mu chifuchi cha Yudea, yaya ku limbo lia Sesarea nikutwama ko.

MUKANDA USANDU WA ZAMBI 1975

¹⁹ Muze te Heronde hamufupa, kamuwanyineko, wasopesele tulayi, wambile aashihe. Iye wakatukile ku Yundeya, wapalumukine ku Sesarea, kwenako yatwama.

Yilinga 12:19 Iomraidhean Croise

1 Yitanga Ya Mianangana 20:43

Mwanangana wa Israele yahiluka ku mahienyi ku Samaria, yalibikala, yevwa chinyengo kuhiana.

Estere 6:12

Mwabwamuze Mordekai yahiluka kwenyi ku chikolo cha zuwo lia mwanangana. Alioze Hamane yachinyina ku mahienyi ni kulifuka mutwe wenyi mumu ha sonyi.

Jeremia 36:26

Mba yatuma Jeramele mwana wa mwanangana, ni Seraya mwana wa Azriele, ni Shelemia mwana wa Abdele, hanga angukwate hamwe ni mukwa kusoneka Baruke. Alioze Mwene Zambi yangusweka.

Mateu 2:1

Yesu yasemuka mu Betleheme, limbo lia mu Yudea, muze te Herode abwile mwanangana. Muze Yesu hasemuka, akwa mana waze te akuhengula matongonoshi, yaakatuka ku chivumbuko, yeeza ku Yerusaleme.

Mateu 2:13

Muze akwa mana haaya, kanganda ka mwilu yasolokela Josefe mu chilota, yamwamba ngwenyi: “Katuka, anda mwana ni naye uchinyine ku chifuchi cha Egiptu. Ukabwe ko ndoo mungukakutambika, mumu Herode kanafupu mwana akamushihe.”

Mateu 2:16

Muze Herode hanyingika ngwenyi, akwa mana haamulenya, yevwa ufwatulo, yahana Shimbi ya kushiha ana malunga a mu Betleheme ni a mu chifuchi cha kusulangana a miaka yaali ni waze kanda achiheta ku miaka yaali, nikulita ni tangwa lize amulwezele akwa mana.

Yilinga 12:18

Muze hikwacha, yikubwa zungo linji hakachi ka tujita, yaalihula chize chabwile hali Petulu.

Yilinga 12:4

Muze te hakwata Petulu, yamusa mu zuwo lia lamba, yamukunjika ku mbunga jiwana ja tujita awana awana. Herode yazanga kumutuhwisa ku meso ja Ayuda ha kumanyisa cha chiwanyino cha kwiwuluka Kubalika.

Yilinga 12:6

Ha ufuku uzewene, muze Herode hazanga kumutuhwisa kuli atu, Petulu te mu tulo ali mukachi ka tujita aali, wakukasa ni ngoji ja utale jaali. Ku chikolo tufunga te anafungu zuwo lia lamba.

Yilinga 16:27

Kafunga ka zuwo lia lamba, ha kulaula, yamona yajilo yawashi, yatomona mukwale hanga alishihe, mumu yanyonga ngwenyi, funge haachina.

Yilinga 21:8

Muze hikwacha, yituya, yituheta ku limbo lia Sesarea yitunjila ni kutwama mu zuwo lia Filipe, mukwa kwambujola Sango Jibema, te wa hakachi ka atu shimbiali waze atongwele ku Yerusaleme ha kukwasa tunganda.

Yilinga 25:13

Muze matangwa amwe haabalika, mwanangana Agripa ni Berenise yaaheta ku limbo lia Sesarea ha kumeneka Festu.

Yilinga 27:42

Tujita yaazanga kushiha funge, hanga niumwe kechi kusana ku mbumbulu ni kuchina.

Yilinga 8:40

Filipe yasolokela ku limbo lia Azoto. Mba yabalika mu limbo ni limbo nikwambujola Sango Jibema kweswe, ndoo yaheta ku Sesarea.

1 Samuel 23:14

David yatwama mu chifuchi cha milundu mu puya, hehi ni limbo lia Zife. Saulu yamufupafupa, alioze Zambi kamukunjikile ye.