Yilinga 12:12 - Mukanda Wa Zambi 1970

¹² Muze halinyingika pundu, yaya ku zuwo lia Maria, naye ya Yoano, jina lienyi likwo Marku. Kwenako atu anji te akukunguluka nikulemba.

MUKANDA USANDU WA ZAMBI 1975

¹² Muze te hazewula chuma chino, wayile ku zuwo lia Maria, naye ya Yoano, jina lienyi likwo, Marku; muze anji akungamine mukulemba.

Yilinga 12:12 Iomraidhean Croise

Izaya 65:24

Mungukakumbulula ku kulemba cho shimbu maachilemba.

Yilinga 12:25

Muze Barnaba ni Saulu haamanununa milimo yo mu Yerusaleme, yaahiluka ku Antiokia nikutwala hamwe no Yoano, jina lienyi likwo Marku.

Yilinga 12:5

Chenacho afungile Petulu mu zuwo lia lamba, alioze akwa Chikungulwila yaamulembela Zambi chikolo.

Yilinga 13:13

Paulu ni waze endele nenyi yaakatuka ku Pafo, yaazauka mu ulungu, yaaheta ku limbo lia Perga mu chifuchi cha Pamfilia. Alioze Yoano Marku yeehuka, yahiluka ku Yerusaleme.

Yilinga 13:5

Muze haaheta mu limbo lia Salamina, yaambujola maliji a Zambi mu mazuwo a kuwayila a Ayuda. Yoano te chikwashi cho.

Yilinga 16:40

Tunganda yaatuhuka mu zuwo lia lamba, yaaya mu zuwo lia Lidia. Kwe kuze yaawana akwa Kristu, yaatakamisa, mba yaaya kwo.

Yilinga 4:23

Mba muze akwa kuyula heecha, Petulu ni Yoano yaahiluka ku mbunga yo, yalumbunwina yeswe yize akwa lutwe ni makulwana aambile.

Kolosu 4:10

Aristarku, yoze uli mu zuwo lia lamba hamwe ni yami, kananumeneka. Marku nawa, musonyi wa Barnaba kananumeneka. (Nwevwile kulu kushinjila chami hakutwala kuli Marku ngwami, nyi ngwe wanuheta, numutambula kanawa.)

2 Timoteu 4:11

Luka wika uli hamwe ni yami. Hitula Marku, Wize nenyi, mumu kumahasa kungukwasa mu milimo yami.

Filemu 1:24

ni Marku nawa, ni Aristarku, ni Dema, ni Luka akwa milimo ni akwetu.

1 Petulu 5:13

Akwa Chikungulwila cha Babilone, waze Zambi atambikile ngwe yenu, kaananumeneka. Mwanami Marku neye kananumeneka.