Yilinga 12:10 - Mukanda Wa Zambi 1970

¹⁰ Yaahiana tufunga atangu, ni a muchaali, mba yaaheta ku chikolo cha utale chize chatala mu limbo. Yichiliazulukila ku meso jo. No yaatuhuka, yaahiana mukala umuwika, mba susumuku kanganda yamuhichika.

MUKANDA USANDU WA ZAMBI 1975

¹⁰ Ni muze te hapalika tulayi atangu ni amuchiali, ahetele ku chajilo cha utale chize chatwala ku limbo, acho chene chazulukile kuli ayo, o atuhukile, nikupalika ndusu tapalo limuwika; ni haze hene mungelo wamuhichikile.

Yilinga 12:10 Iomraidhean Croise

Ubutukilo 40:3

mba yaasa mu zuwo lia lamba lia mwata wa tujita, muze abwile Josefe.

Ubutukilo 42:17

Mba yaasa mu zuwo lia lamba matangwa atatu.

Izaya 21:8

Mwe kafunga yakololoka ngwenyi: “Mwene, ngunakamana ha muhela wami mwalwa ni ufuku.”

Kwalula 15:34

No yaamufunga, mumu te kanda achinyingika ngwe chize maamubatwila.

Yoano 20:19

Chingoloshi cha lumingo yoze, tumbaji te kaanalikungulula mu limwe zuwo. Yajilo yeswe te yakukasa ni sapi, mumu yeevwila Ayuda woma. Yesu yeza, yamana mukachi ko, yamba ngwenyi: “Uhwimino kuli yenu!”

Yoano 20:26

Lumingu umuwika kulutwe, tumbaji twa Yesu yaalikungulula nawa mu zuwo. Tomase yabwa hamwe no. Yajilo te yakukasa ni sapi. Alioze Yesu yeza, yamana mukachi ko, yamba ngwenyi: “Uhwimino kuli yenu!”

Yilinga 12:4

Muze te hakwata Petulu, yamusa mu zuwo lia lamba, yamukunjika ku mbunga jiwana ja tujita awana awana. Herode yazanga kumutuhwisa ku meso ja Ayuda ha kumanyisa cha chiwanyino cha kwiwuluka Kubalika.

Yilinga 16:26

Susumuku yikubwa minyiko yinene. Fundamentu ja zuwo lia lamba yijinyika, Yajilo yeswe yiyazuluka. Ngoji jo jeswe ja utale yijiliholwokela zekelee.

Yilinga 5:19

Alioze ha ufuku uze, kanganda ka mwilu yazulula yajilo ya zuwo lia lamba, yaatuhwisa haze, yaamba ngwenyi:

Usolwelo 3:7

“Sonekena kanganda ka mwilu wa Chikungulwila cha mu limbo lia Filadelfia ngwe: “Munangi kanda mukwa umwenemwene, yoze uli ni sapi ya mwanangana David, yoze wakwazulula alioze niumwe kahashile kwajila, yoze wakwajila alioze niumwe kahashile kwazulula, kanambe ngwenyi: